📝Ózbekstan Sawda-sanaat Palatası Qaraqalpaqstan Respublikası basqarması baslıǵı orınbasarı Mels Qosnazarov hám Qanlıkól rayonı hákimi Baxram Sultanov birge islesiw kelisimine qol qoyıstı.

✅Ózbekstan Sawda-sanaat palatası Qaraqalpaqstan Respublikası basqarması hám Qanlıkól rayonı hákimligi arasında aymaqta isbilermenlikti qollap-quwatlaw hám biznesti rawajlandırıw ushın "Qanlikol biznes inkubator group" Qanlıkól biznes inkubatorın rawajlandırıw hám onıń jumısın qollap-quwatlaw boyınsha birge islesiwdi jolǵa qoyıw maqsetinde kelisim dúzildi.

📈Kelisimde Germaniyalı kárxana shólkemlestiriw máseleleri boyınsha másláhátshi-ekspert Reynxard Bartelt hám «QR MENTOR CENTER» Nókis biznes inkubator qánigeleri qatnastı.

Qanlıkól rayonı hákimliginiń Málimleme xızmeti
Kanalǵa aǵza bolıw: https://t.iss.one/kanlikulnews

📝Ózbekstan Sawda-sanaat Palatası Qaraqalpaqstan Respublikası basqarması baslıǵı orınbasarı Mels Qosnazarov hám Germaniyalı kárxana shólkemlestiriw máseleleri boyınsha másláhátshi-ekspert Reynxard Bartelt hám «QR MENTOR CENTER» Nókis biznes inkubator qánigeleri Qanlıkól rayonındaǵı “Qanlikol biznes inkubator group” JShJ hám Sawda sanaat palatası rayonlıq bóliminde bolıp rayon nuranıyleri menen ushırastı hám jaqsı niyette “Jasıl mákan” ulıwma milliy joybarı sheńberinde terek nállerin otırǵızdı.
Miymanlar bul jerdegi puqaralar ushın jaratılǵan sharayatlar menen tanısıp, biznes inkubator iskerligin rawajlandırıw, isbilermenlikti qollap-quwatlaw hám jergilikli jaslar menen hayal-qızlarǵa bizneste tabısqa erisiwge járdemlesiwde jaqsı jumıslar islenetuǵınına isenim bildirdi.

Qanlıkól rayonı hákimliginiń Málimleme xızmeti
Kanalǵa aǵza bolıw: https://t.iss.one/kanlikulnews