🚜На Полаччыне пачалася сяўба.

Цёплае веснавое надвор’е паклікала ў поле сейбітаў. На палеткі гаспадарак «П-С Карпекі», «Блізніца», «Палімір-агра», дзе глеба падсохла, выехалі трактары з сеялкамі, першыя зярняты яравых культур ляглі ў падрыхтаваную глебу.

-Працуем ва ўрочышчы Емяльянікі. У аўторак засеялі зернебабовай сумессю 12 гектараў, сёння плануем на гэтым полі плошчай 43 гектары поўнасцю завяршыць сяўбу. З сеялкай працуе Леанід Чарткоў, на прыкатванні пасеваў — Уладзімір Смыкаў. Абодва мужчыны вопытныя, працуюць якасна, спадзяюся на іх высокі прафесіяналізм, — расказала Іна Ванславовіч, галоўны аграном УП «Палімір-агра».

Па стане на ўчарашнюю раніцу ў Полацкім раёне засеяна плошча 77 га. У шэрагу гаспадарак на палях, якія паступова падсыхаюць, актыўна ідзе ўзворванне пад яравую сяўбу.

#Полацківеснік #сяўба