#Harbiy_vatanparvarlik

Xalq va armiya bir tanu, bir jondir!

Harbiy vatanparvarlik oyligi doirasida bugun Amfiteatr maydonida “Xalq va armiya bir tanu, bir jondir!” shiori ostida maʼnaviy-maʼrifiy, koʻrgazmali tadbir oʻtkazildi.

Vatan himoyachilari kuni oldidan oʻtkazilgan tadbirda Piskent tuman hokimligi, Mudofaa boʻlimi, harbiy qismlar, Favqulodda vaziyatlar boʻlimi xodimlari, Yoshlar ishlari agentligi hamda tumandagi tashkilotlar, yoshlar hamda keng aholi vakillari ishtirok etishdi.

Davlat madhiyasi sadolari ostida boshlangan tantanada harbiy orkestr konserti, jangchi askarlarning jang sanʼati namunalari, gvardiyachilarning tantanali koʻrigi, yuksak jangovar tayyorgarligi namoyish etildi.

Tadbir yakunida tuman hokimligi va Mudofaa bo‘limi rahbariyati tomonidan bir guruh yoshlar ragʻbatlantirildi.

Kanalga ulanish⤵️
https://t.iss.one/piskenthokimligi

#Harbiy_vatanparvarlik

Yoshlarni harbiy-vatanparvarlik ruhida tarbiyalash maqsadida hududlarda tuman hokimligi va Mudofaa boʻlimi hamkorligida tadbirlar tashkil etilmoqda.

Navbatdagi ana shunday tadbir bugun Mustaqillik mahallasida joylashgan madaniyat markazida boʻlib oʻtdi. Tadbirda huquq tartibot organlari, hududdagi umumtaʼlim maktablari oʻquvchilari, yoshlar hamda aholi vakillari qatnashdi.

Mudofaa vazirligi harbiy orkestri jamoasining konserti,  harbiy texnikalar va qurol-aslahalar koʻrgazmasi, chapdast askarlarning jang sanʼati namoyishi, sport ustalarining chiqishlari festivalda qatnashgan yoshlarda katta taassurot qoldirdi.

Tuman hokimi oʻrinbosari Sh.Mahmudov bunday tadbir va festivallar oʻsib kelayotgan yosh avlodning ona Vatanga mehr va sadoqat ruhida tarbiyalash, Qurolli Kuchlarimiz safida xizmat burchini oʻtashni sharafli burch ekanligini anglashiga xizmat qilishini taʼkidladi.

Kanalga ulanish⤵️
https://t.iss.one/piskenthokimligi