#Ёшларкуни

Ўзбекистон - ёшлар мамлакати

Аҳолининг 9 миллион 685 минг 564 нафарини 14–30 ёшлилар
ташкил этган республикамизда ёшлар масаласи давлат сиёсатининг устувор йўналишларидан бири ҳисобланади.

Ёшларнинг ҳуқуқ ва манфаатларини ҳимоя қилиш мақсадида 40 дан ортиқ қонун ҳужжатлари, 30 дан ортиқ ҳалқаро ҳужжатлар ратификация қилинган.

2017 йил Президент ёшлар қурултойида 30 июнь кунини “Ёшлар куни” деб эълон қилди. “Юртимизда байрамлар кўп, лекин ёшларга бағишланган алоҳида байрам йўқ. Бугун шу масалани ҳал этадиган вақт келди”, деган эди Президент ўз сўзида. Ўша кундан буён Ўзбекистонда Ёшлар куни кенг нишонланиб келади. Республикамизда бу сана нафақат бир кун, балки бир ой давомида нишонланиб, “Ёшлар ойлиги” доирасида турли маънавий-маърифий тадбирлар, спорт ва интеллектуал мусобақалар ташкил этилади. Ёшларнинг ўз ақлу салоҳияти, жисмоний иқтидорини намойиш этишига имкон яратилади.

Ёшларнинг ўқиб, етук инсон, малакали мутахассис бўлиб етишишларига шарт-шароит яратиш мақсадида бугунги кунда республикамизда 162 та олий таълим муассасалари фаолият олиб бормоқда. Уларнинг 25 таси нодавлат олийгоҳлар бўлса, 30 таси нуфузли ҳорижий университетларнинг юртимиздаги филиалларидир.

Ўзбекистон Республикаси Президентининг 2022 йил 7 майдаги “Халқаро қишлоқ хўжалиги университетини ташкил этиш чора-тадбирлари тўғрисида”ги ПҚ-237-сонли қарори асосида вилоятимизда Буюк Британиянинг ROYAL AGRIKULTUR UNIVERSITY билан ҳамкорликда Халқаро қишлоқ хўжалиги университети ташкил этилди ва Тошкент вилоятида нуфузли олийгоҳлар сони 7 тага етди.

Дунё давлатларида Ёшлар куни турлича нишонланади. Россияда 27 июнь, Хитойда 4 май куни, Туркияда 19 май, Покистонда 11 март, Парагвайда 21 сентябрь ёшлик ва баҳор куни сифатида нишонланади. Ҳалқаро ҳамжамиятда 12 август Халқаро ёшлар кунидир.

Каналга уланиш⤵️
https://t.iss.one/piskenthokimligi