#Мunosabat

Ijtimoiy tarmoqda Piskent tumani Fayzobod mahallasida yo‘llar ta’mirtalab, degan mazmunda videolavha e’lon qilindi.

Avvalo tumanda 2022 yil davomida davlat dasturlari va Obodonlashtirish boshqarmasi tomonidan yo‘llarni ta’mirlash bo‘yicha amalga oshirilgan ishlar yuzasida ma’lumot berib o‘tamiz. “Obod qishloq” dasturi asosida 7 ta ko‘chada 3,1 km, “Tashabbusli budjet” loyihasi asosida 4 ta ko‘chada 4,6 km, PQ-249-sonli qaror asosida 4 ta ko‘chada 3,4 km masofada yo‘llarga asfalt va beton yotqazilgan.

Bundan tashqari, dastur asosida 8 ta ko‘cha 5,3 km, homiylik va hashar asosida 37 ta ko‘cha jami 56,2 km shag‘allashtirildi. Bunda mahalla va qishloqlardagi xonadonlar zich joylashgan loy-tuproq ko‘chalarga asosiy e’tibor qaratilgan.

Murojaatda ko‘rsatilgan yo‘l esa 2 tuman chegarasidagi yo‘l bo‘lib, Toshkent viloyati Avtomobil yo‘llari boshqarmasi tusarrufidagi yo‘l hisoblanadi. Bu mahalladagi Navbahor, Guliston, Murabbiy, Yoshlik va Navro‘z ko‘chalarining 5,6 km qismiga shag‘al qoplangan.