#Bayonot

Ijtimoiy tarmoqda Piskent tumani hokimi yo‘llar ta’miriga e’tibor qaratmayotgani to‘g‘risida maqola e’lon qilindi.

Ushbu post muallifi bir tomonlama, yuzaki yondashgan bo‘lib, ilova qilingan fotosuratda tanqid ostiga olingan Kelovchi MFY Ulug‘bek ko‘chasi ham shag‘allashtirilganini ko‘rish mumkin.

Piskent tumani hokimi va sektor rahbarlari har haftaning juma kunlari navbatma navbat mahallalarda sayyor qabullar o‘tkazib boradi. Qabullarda fuqarolar murojaatidan kelib chiqqan holda ichki yo‘llar ta’mirlanishi rejalashtiriladi.

Xususan, 2022 yil davomida tuman hududidagi mavjud ichki ko‘chalarda olib borilayotgan ta’mirlash ishlari to‘g‘risida tanishishingiz mumkin:

Piskent tumanida 29 ta mahallalar hududida jami 465 ta ichki ko‘chalar mavjud. Ularning umumiy uzunligi 468 kmni tashkil etadi. 2022 yil davomida "Obod qishloq" dasturi doirasida Oqtom MFY hududidagi 1,2 km ichki ko‘chalarda asfaltlashtirish hamda 3,5 km qismida shag‘allashtirish ishlari olib borilgan. Zominovul MFY hududidagi 1,8 km ichki ko‘chalarda asfaltlashtirish hamda 2,2 km qismida shag‘allashtirish ishlari olib borildi.

Bundan tashqari, 2022 yil "Tashabbusli budjet" portali orqali 1-bosqich davomida ovoz berish yo‘li bilan Oybek MFY hududida 1,4 km, Kelovchi MFY hududida 950 m, Kultepa MFY hududida 1,4 km masofada ichki ko‘chalarni asfaltlash ishlari amalga oshirilgan.

Ochiq budjetning 2022 yil 2-bosqichi davomida yana Mitan MFY hududida 1,1 km, Kultepa MFY xududida 3 km ichki ko‘chalarni asfaltlash ishlari olib borilishi rejalashtirilgan bo‘lib, hozir loyiha smeta hujjatlarini tayyorlash ishlari olib borilmoqda.

Shuningdek, O‘zbekiston Respublikasi Prezidentining 2022 yil 18 maydagi PQ-249-sonli qarori ijrosi bo‘yicha tumandagi Guliston MFY Bo‘ston ko‘chasining 1 km, Fayzobod MFY Obod ko‘chasining 700 m, Oqtepa MFY Buloqboshi ko‘chasining 1 km, Murot Ali MFY Namuna ko‘chasining 1 km, Axil MFY At-Termiziy ko‘chasining 1 km qismida beton qoplamasi bilan ta’mirlash ishlari olib borilgan.

Tuman hokimligi tomonidan tumandagi mavjud tuproqli va ta’mirtalab ichki ko‘chalar 2022 yil davomida jami 43 km shag‘al va 30 km qum shag‘al aralashmasi bilan ta’minlangan.

Hozirda kuz-qish mavsumini inobatga olgan holda yil yakuniga qadar xashar yo‘li bilan mavjud 10 km tuproqli ichki yo‘llarni ham shag‘allashtirish rejaga kiritilgan.

Kanalga ulanish⤵️
https://t.iss.one/piskenthokimligi

#Bayonot

Piskent tuman hokimi bir trillion soʻmga E auksion tizimi orqali yer sotib olgani haqidagi xabar yuzasidan tuman hokimi Rahimjon Rixsiyevning bayonoti.

✉️Telegram  🌐YouTube 📱Instagram 📱Facebook 📱Twitter

#Rasmiy
#Bayonot

Ijtimoiy tarmoqda Piskent tumani fermerlari nomidan deya murojaat e’lon qilindi. Unda bir guruh fermerlar nomidan hokimning og‘zaki ko‘rsatmasi bilan urug‘lik don ololmayotgani, paxta rejasi oshirib qo‘yilgani to‘g‘risida iddao qilingan.

O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni 3-moddasida jismoniy shaxsning ism-familiyasi va yashash manzili ko‘rsatilmagan ma’lumotlar yoki yuridik shaxsning to‘liq nomi, uning joylashgan yeri (pochta manzili) to‘g‘risidagi ma’lumotlar ko‘rsatilmagan... murojaatlar anonim murojaat ekanligi; 29-moddasida esa anonim murojaatlar ko‘rilmay qoldirilishi belgilab qo‘yilgan.

Ta'kidlash kerakki, agroklasterlar faoliyati hokimlik faoliyatidan butunlay mustaqil yuritiladi va klasterning fermerlar bilan munosabatlariga aralashilmaydi. Shu bois,
tumanda kuzgi g‘alla ekilishi holati yuzasidan keltirilgan noto‘g‘ri ma’lumot borasida “Mirzaobod parranda asl”MCHJ g‘allachilik klasteri rahbari U.G‘ulomov aniqlik kiritib, ma’lumot berdi:

“Mirzaobod parranda asl”MCHJ g‘allachilik klasteri tomonidan Piskent tumanidagi 177 ta fermer xo‘jaligi bilan 7 ming 655 gektar yerda g‘alla yetishtirish bo‘yicha shartnoma tuzilgan. Murojaatda yozilganidek, urug‘lik berilmay, g‘alla ekilmay qolmagan. Bugungi kungacha 167 ta fermer xo‘jaliklari tomonidan 6 ming 771 gektar maydonga kuzgi g‘alla sepildi. Buning uchun fermerlarga Qishloq xo‘jaligi bo‘limi tomonidan berilgan sertifikatlarga asosan tayyor yer maydonlariga zarur mahsulotlar-gektariga 250 kgdan urug‘lik don, 200 kg dan ammafos, 50 kgdan kaliy mineral o‘g‘itlari, o‘rtacha 42 litr yoqilg‘i-moy bilan ta’minlandi. Klasterda 2023 yil uchun zarur mahsulotlar zahirasi mavjud.
Qolgan 10 ta fermer xo‘jaligining 8 tasi bilan klaster o‘rtasidagi shartnoma shartlari bajarilmaganlik holati yuzasidan sud jarayoni olib borilmoqda.”

Shuningdek, “Real agro kotton” MCHJ paxta klasteri boshqaruvchi o‘rinbosari Z.Dadayev bergan ma’lumotlariga ko‘ra, fermerlar bilan 23 ming 885 tonna paxta yetishtirish bo‘yicha shartnoma imzolangan. Ammo bahorda tabiiy ofat natijasida Do‘sbekov va Oxunboboyev hududlarida 1000 gektar maydonda g‘o‘za nihollarining do‘l urishi oqibatida qariyb 1200 tonna hosil yo‘qotildi, tumanning umumiy paxta xirmoniga zarar yetdi. Shu bois, hosilning yetmagan qismini tumanning boshqa hududlaridagi serhosil maydonlardagi paxta hisobiga to‘ldirish maqsadida dalalardagi bor paxta hosilini terib topshirish uchun takliflar berilgan.

E’tiborga loyiq jihati, respublika va viloyatda o‘rtacha hosildorlik 34-35 sentnerdan bo‘lib turgan vaqtda tumandagi ilg‘or fermerlar -“Eshbekova Ma’suda” f/x rahbari B.Eshbekov, “Ismatov Islom” f/x rahbari M.Ismatov, “Ulug‘bek Piskent agro”f/x rahbari Ya.Yo‘ldoshev, “Topilova Hakima”f/x rahbari H.Topilova, “Jahongir”f/x rahbari J.Isoqov, “Avazova Muhabbat” f/x rahbari M.Avazov, “Jamshid” f/x rahbari N.Xojiyev, “Baxt Alpomish”f/x rahbari B.Abralov singari fermerlar tumanimiz mirishkorlari hosildorlikni 31 sentnerdan ko‘tarishini ta’kidlab, tashabbus ko‘rsatishdi. Yog‘ingarchilik to‘xtagach, dalalardagi ming mashaqqat evaziga yetishtirilgan hosilni so‘nggigacha terib olish va 96,5% lik rejani 100%ga yetkazish bo‘yicha munosabat bildirganlar.

Kanalga ulanish⤵️
https://t.iss.one/piskenthokimligi

#Bayonot

Bugun "Real agro cotton" UK tomontdan paxta tozalash zavodi ishchilariga oylik ish haqlari vaqtida berilmayotgani haqida murojaat e’lon qilindi.

Holat yuzasidan quyidagilarni ma'lum qilamiz:

"Real agro cotton" UK paxta tozalash zavodining 37 nafar ishchi xodimlari oylik ish haqi o‘z vaqtida berilmayotgani to‘g‘risidagi 12 dekabr kuni
arizalarini tuman prokuraturasiga taqdim etishgan. Bugun Paxta tozalash korxonasi rahbari P.Esonov ishtirokida ushbu holat bo‘yicha tushuntirish olindi. P.Esonov tomonidan 3 kun ichida ishchilarga oylik ish haqi to‘lab berilishini ma’lum qilingan.
Vaziyat tuman prokuraturasi nazoratiga olingan.

Kanalga ulanish⤵️
https://t.iss.one/piskenthokimligi