#мутолаа

Яхшилик

Учиб бормоқдадир қиммат лаҳзалар,
Яна битта кун ҳам топмоқда якун.
Ортингга бир муддат ташлагин назар,
Кимгадир яхшилик қилдингми бугун!?

Меҳрга зор бўлиб қанча мурғак кўз,
Таскин кутмоқдадир қайларда ҳануз,
Ҳеч бўлмаса, айтиб битта ширин сўз,
Кимгадир яхшилик қилдингми бугун!?

Оқибат қўрғони кетмасдан нураб,
Дунёни саҳоват-меҳрга ўраб,
Етим, бева, кекса ҳолини сўраб,
Кимгадир яхшилик қилдингми бугун!?

Отаю онангдан олдингми хабар,
Ё жигар ҳолига солдингми назар,
Қилган гуноҳингга айтиб алҳазар,
Кимгадир яхшилик қилдингми бугун!?

Халқингнинг ризқини тунадингми ё,
Поралар кўзингни қилдими шайдо,
Қалбингда эзгулик бўлмасми пайдо,
Кимгадир яхшилик қилдингми бугун!?

Асли эзгуликдан тирикдир инсон,
Эзгулик иймонга куч берар дармон,
Шу саволни бергин ўзингга ҳар он,
Кимгадир яхшилик қилдингми бугун!?

©️ Вафо Мўмин

Каналга уланиш⤵️
https://t.iss.one/piskenthokimligi

#Шукрона
#тадбир

Бугун ҳар кўчада тадбир, тантана

🇺🇿Бугун "Намуна" МФЙ да ҳам "Янги Ўзбекистон - Янгича дунёқараш" ғояси асосида маънавий-маърифий кеча бўлиб ўтди. "Нурнигор" тантаналар мажмуасига карнай-сурнай овозидан маҳалла аҳли йиғилди. Бир томонда китоб кўргазмалари, иккинчи томонда қўли гул ҳунармандлар ясаган гўзал буюмлар терилган. Намуналик спортчи ёшлар ютуқлари, диплом ва мелаллар шодаси бир тарафни тўлдирса, қўли кўксида, миллий либослари ярашган қизлар бошқа тарафда таъзимда.

Саккиз ойлаб пандемияда уйидан чиқишга ҳадиксираган, зериккан кексалар, ўйин-кулгуга шайдо ёшлар шундай шодиёна кунларга етказганига шукур айтиб кириб келадилар.

Пискент туман ҳокимлиги, Маънавият ва маърифат маркази туман бўлими, Ёшлар агентлиги, маҳалла фуқаролар йиғини масъуллари ҳамкорлигида ўтаётган ҳар бир тадбир юқори савияда ташкил этилди.

Бугунги тадбирда туман ҳокими бошчилигидаги сектор раҳбарлари, республика тарғибот гуруҳи аъзолари иштирок этдилар. Йиғилганларга республикамизда олиб борилаётган кенг кўламдаги ислоҳотлардан кўзланган энг асосий мақсад инсон манфаатларига хизмат қилишини таъкидлаб ўтдилар.

Ўқувчи ёшлар ижросидаги шеъру қўшиқлар, ажойиб рақслар даврага файз киритди. 34-мактаб ўқувчилари ижросидаги "Широқ" афсонаси асосида тайёрланган спектакл барчага манзур бўлди. Таькидлаш жоизки, она ватани озодлиги, уни ёвуз душманлардан ҳимоя қилиш йўлида ўз жонини қурбон қилган қаҳрамон Широқ сиймоси ёшларда ватанпарварлик туйғуларини мустаҳкамлашда энг муҳим тарбия восита бўлиб хизмат қилиши шубҳасиз.

Тадбир давомида республика, вилоят ҳамда туманимизда амалга оширилаётган ислоҳотлар, бунёдкорлик ишлари тўғрисида видеороликлар намойиш этилди.

Каналга уланиш⤵️
https://t.iss.one/piskenthokimligi

#расмий

Тошкент вилоятида электр энергияси таъминотида юз берган ҳолат юзасидан ахборот

🔰 Жорий йилнинг 20 ноябрь куни соат 15:51да “Тўрақўрғон ИЭС”нинг 2 та энергоблоки авариявий тўхтади. Шу боис, мазкур станция орқали энерготизимга етказиб берилаётган қувват 600 МВтга камайди.

❇️Бунинг оқибатида Тошкент шаҳри ва вилояти, Самарқанд, Бухоро ва Қашқадарё вилоятларида автоматик равишда чекловлар киритилди.

✳️Хусусан, Нурафшон шаҳри, Бўка ва Ўрта Чирчиқ туманларида бугун соат 17:50 да энергия таъминотида узилиш рўй берди. Айни пайтга келиб, мазкур ҳудудларга электр энергияси етказиб бериш тикланган. Шунингдек, бугун ижтимоий тармоқларда Тошкент, Зангиота туманларида аҳоли электрдан узиб қўйилгани бўйича видео, аудио мурожаатлар тарқалди.

⚡️Амалдаги тартиб бўйича истеъмол қилинган электр энергия учун қарздор истеъмолчиларни масофадан (АСКУЭ тизими) электр таъминоти тўхтатилади. Бу ҳолатда ҳам автоматик равишда тизим қарздор истеъмолчиларга таъминотни тўхтатган.

🌨 Фуқароларнинг мурожаатларини, шунингдек, ноқулай об-ҳаво шароитини инобатга олиб, инсонпарварлик юзасидан айни пайтда таъминот қайта тикланган.

👉Каналга уланиш: https://t.iss.one/toshvilpressa

Web-site| Facebook| Instagram|Telegram

Бугун соат 20:10 да “O‘zbekiston 24” телеканали ва Президент матбуот хизматининг Facebook ва Youtube'даги расмий саҳифаларида "Остонам. Юксалиш формуласи" ҳужжатли фильмини томоша қилинг.

Фильмда таълим тизимида бошланган ислоҳотлар, мактаблар ва ўқитувчиларга эътибор, ўқувчи ёшларнинг мақсадлари ҳақида ҳикоя қилинади.
—
Смотрите сегодня, в 20:10, документальный фильм "Остонам. Юксалиш формуласи" на телеканале “O‘zbekiston 24” и официальных страницах пресс-службы Президента в Facebook и Youtube.

В фильме рассказывается о начатых реформах в системе образования, внимании, уделяемом школам и учителям, а также о стремлениях учащейся молодежи.

Prezident.uz|Facebook|Instagram|YouTube|Twitter

2020 йил 21 ноябрь соат 19:16 ларда Қибрай тумани, Гулистон-3 кўчаси, 15-уйда газ-ҳаво аралашмасининг чақнаши содир бўлди. Чақнаш оқибатида уйнинг бир қисми қулаб тушди, қолган қисмининг деворлари ва шифти ҳосил бўлган кинетик зарба натижасида, деформацияга учраган.
ФВВ томонидан олиб борилган қидирув-қутқарув ишлари вақтида уй вайроналари остидан соат 19:45да уй эгаси Х.Н оғир аҳволда олиб чиқилиб, Тошкент шаҳар 7-сонли клиник касалхонасига ётқазилди, олиб борилган реанимацион муолажаларга қарамасдан, бемор соат 20:45 да вафот этган.
Шунингдек, олиб борилган қидирув-қутқарув ишлари давомида соат 23:06да уй эгасининг ўғли А.А. нинг жасади топилди.
Газ-ҳаво аралашмасининг чақнаши хонадон ёнидан ўтган ер ости газ қувуридан табиий газ сизиб чиқиб, хонадонинг ертўла қисмига тўпланиши тахмин қилинмоқда.
Воқеа жойига вилоят ҳокимлиги, ФВБ, ИИБ, ССБ, Прокуратура ва бошқа тегишли идораларнинг куч ва воситалари жалб этилиб, авария тиклаш ва суриштирув ишлари олиб борилмоқда.
Fvv.uz | Facebook | Telegram |