#Konstitutsiya_31
#Yangi_nafas

Avval xabar berganimizdek, Oʻzbekiston Respublikasi Konstitutsiyasining 31 yilligiga bagʻishlab, bugun Piskent tumanida Suvti mahallasida katta tantana boʻlib oʻtdi.

Erta tongdan mahallaning Tinchlik va Oʻzbekiston koʻchalari boʻylab “Yangi nafas” yugurish marafoni tashkil etildi. Unda Milliy gvardiya xizmatchilari, otliq askarlar, sportchilar, yoshlar vakillari va koʻngilli aholi faol qatnashdi. Jarayonda bayroqdor jamoalar boshchiligida 3 km masofa bosib oʻtildi.

Kanalga ulanish⤵️
https://t.iss.one/piskenthokimligi

#Konstitutsiya_31
#Bunyodkorlik

Yangi mahalla tibbiyot punkti foydalanishga topshirildi

“Obod xonadon, obod koʻcha, obod mahalla” mezonlarini joriy etish jarayonida Suvti mahallasida aholiga tibbiy xizmat koʻrsatish sifatini yanada oshirishga imkoniyat yaratildi. Bugungi tadbir davomida yangi mahalla tibbiyot punkti barpo etib, foydalanishga topshirildi.

Tantanali ochilish marosimida respublika ishchi guruhi, Toshkent viloyati hokimi Zoir Mirzayev, tuman hokimi Nodirbek Yakubov, tibbiyot hodimlari, aholi vakillari, nuroniylar ishtirok etishdi. Taʼkidlash joizki, Suvti mahallasida qariyb uch oy davomida viloyat va tuman koʻp tarmoqli markaziy poliklinikasining malakali tor mutaxassislarini jalb etgan holda tibbiy koʻriklar oʻtkazildi.

Bugun foydalanishga topshirilgan tibbiyot punkti esa hududda istiqomat qiluvchi 2 ming 759 nafar aholiga malakali tibbiy xizmat koʻrsatishga xizmat qilishi bilan ahamiyatlidir.

Kanalga ulanish⤵️
https://t.iss.one/piskenthokimligi

#Konstitutsiya31
#Tantana

Konstitutsiya-xalqchil davlat, barqaror taraqqiyot va farovon hayot asosi!

Bosh qomusimiz qabul qilingan sana munosabati bilan “Konstitutsiya-xalqchil davlat, barqaror taraqqiyot va farovon hayot asosi!” shiori ostida katta tantanalar tashkil etildi.

Karnay va surnay sadolari barchani mahalla markaziga chorladi. Bayram tantanasi Oʻzbekiston Respublikasi davlat madhiyasi bilan boshlandi. Shundan soʻng viloyat hokimi Zoir Mirzayev barchani qutlugʻ sana – Konstitutsiyamizning 31 yillik bayrami bilan qutladi. Bir guruh faollarga va aholi vakillariga “Mehnat faxriysi”, “Ibratli xonadon”, “Maʼnaviyat fidoyisi” singari koʻkrak nishonlari, Obod honadon, obod koʻcha, obod mahalla tanlovi gʻoliblariga qimmatbaho sovgʻalar topshirildi.

Tadbir konsert dasturiga ulandi. Toshkent viloyati va Piskent tumani madaniyat xodimlari tomonidan tayyorlangan musiqiy dastur barchaga koʻtarinki kayfiyat ulashdi.

Kanalga ulanish⤵️
https://t.iss.one/piskenthokimligi