#Murojaat_va_yechim

Koʻlota mahallasi Yettiboy koʻchasida yashovchi bir guruh fuqarolar murojaat yo‘llagan edi.

Murojaat yuzasidan ishchi guruh tuzib, viloyat prokurori S.Eshquvvatov, tuman hokimi N.Yakubov, tuman prokurori X.Kenjayev, masʼul rahbarlar ushbu mahallada boʻlishdi. Aholi bilan yuzma-yuz muloqotda ularni qiynab kelayotgan muammolar tinglandi.

Yangi koʻchib kelgan xonadonlardan iborat boʻlgani sababli ushbu koʻchada ayrim muammolar mavjud. Ishchi guruh bilan muloqot chogʻida aholi vakillari yoʻllarni taʼmirlash, ichimlik suvi hamda beton ustunlar oʻrnatish masalasida yordam soʻradi.

Murojaat oʻrganilib, mutasaddi rahbarlarga 1,2 km masofada yoʻlni shagʻallashtirish, qariyb 2 km uzunlikda ichimlik suvi tarmogʻi tortish va eskirgan simyogʻochlar oʻrniga 25 ta beton ustun oʻrnatish hamda 500 m masofada gaz quvurlarini taʼmirlash vazifasi belgilandi.

Shu bilan birga tomorqalardan foydalanish holatini yaxshilash, suv oqib turgan ariqlarni tozalash va boshqa kamchiliklarni bartaraf etish boʻyicha xonadon egalariga ham tushuntirildi. Chunki, ariqlarda suv oqib turgan boʻlsa ham,aksariyat tomorqalar tartibga solinmagan, qarovsiz, achinarli holatda.

Ayni vaqtda bu borada amaliy ishlar boshlandi.

🎞Batafsil yuqoridagi videolavhada.

Kanalga ulanish⤵️
https://t.iss.one/piskenthokimligi