​⚡️Aholiga quyosh panellari orqali ishlab chiqarilgan elektr energiyasi uchun subsidiya beriladi

“2023 yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi Prezident qarori (PQ–57-son, 16.02.2023 y.) qabul qilindi

✅ Qarorga ko‘ra, 2023-yilda umumiy quvvati 4 300 MVt bo‘lgan qayta tiklanuvchi energiya manbalari ishga tushiriladi. Jumladan:

▫️2 100 MVt – yirik quyosh va shamol elektr stansiyalari;
▫️1 200 MVt – ijtimoiy soha ob’yektlari, xo‘jalik sub’yektlarining bino va inshootlari hamda xonadonlarda o‘rnatiladigan quyosh panellari;
▫️550 MVt – tadbirkorlar tomonidan barpo etiladigan kichik fotoelektr stansiyalari.

🔰Shuningdek, 2023-yilda:

🔹davlat-xususiy sheriklik asosida 27 ta yirik quvvatli quyosh va shamol elektr stansiyalari quriladi;
🔹20 mingta ijtimoiy soha ob’yektlari va davlat idoralarida kichik quvvatli qayta tiklanuvchi energiya manbalari qurilmalari o‘rnatiladi;
🔹jami 11 ming nafar tadbirkorning bino va inshootlarida quyosh panellari o‘rnatiladi hamda kichik fotoelektr stansiyalari quriladi;
🔹37 ming aholi xonadonlarida kichik quvvatli qayta tiklanuvchi energiya manbalari qurilmalari o‘rnatiladi;
🔹foydalanishga topshiriladigan 765 ta ko‘p qavatli uylar qayta tiklanuvchi energiya manbalari bilan ta’minlanadi;
🔹hududlarda 103 ta kichik va mikro gidroelektrstansiyalar barpo etiladi;
🔹5 407 ta ijtimoiy soha ob’yektlari ko‘mir bilan isitiladi.

🗓 2023-yil 1-apreldan respublika hududlarida aholi xonadonlariga kichik quvvatli (umumiy quvvati 50 kVt gacha) quyosh panellarini o‘rnatishni rag‘batlantirish bo‘yicha “Quyoshli xonadon” dasturi amalga oshiriladi.

Dastur doirasida aholi tomonidan quyosh panellari orqali ishlab chiqarilgan ortiqcha elektr energiyasining har bir kilovatt-soatiga 1 000 so‘mdan subsidiya ajratiladi.

➡️ Qarorga ko‘ra shuningdek, ijtimoiy soha ob’yektlari, davlat organlari va boshqa tashkilotlarning bino va inshootlarida kichik quvvatli qayta tiklanuvchi energiya manbalari qurilmalarini o‘rnatish va ekspluatasiya qilish bo‘yicha mas’uliyati cheklangan jamiyat shaklidagi “Yashil energiya” kompaniyasi tashkil etildi.

🏢“Yosh chegarachilar” harbiy-akademik litseyi haqida bilasizmi?

☑️O‘zbekiston Respublikasi Davlat xavfsizlik xizmati Chegara qo‘shinlari muassisligida Termiz shahrida “Yosh chegarachilar” harbiy-akademik litseyi 2021 yil 1 sentyabrdan o‘z faoliyatini boshlagan.
▶️Ta’lim yo‘nalishi: 50 foiz o‘quvchilar aniq fanlar, 50 foiz ijtimoiy-gumanitar fanlar.
O‘qish davomiyligi ikki yil bo‘lib, yillik qabul kvotasi 100 kishini tashkil etadi.
🔘O‘zbekiston Respublikasi ta’lim muassasalariga qabul qilish bo‘yicha Davlat komissiyasining qaroriga muvofiq dastlabki va harbiy-kasbiy tanlash tadbirlaridan muvaffaqiyatli o‘tgan quyidagi nomzodlar litseyga test sinovlarisiz o‘qishga qabul qilinadi:
🥇xalqaro va respublika fan olimpiadalarining g‘oliblari – belgilangan qabul kvotasi doirasida;
✅o‘z xizmat vazifalarini bajarish chog‘ida halok bo‘lgan yoki jarohatlanish (shikastlanish) natijasida nogiron bo‘lib qolgan harbiy xizmatchilarning farzandlari – kvotadan tashqari;
♻️joriy yilda umumta’lim maktabining 9-sinfini tamomlagan yetim, ota-ona qarovisiz qolgan, davlat va jamiyat ko‘magiga muhtoj bo‘lgan, Voyaga yetmagan yoshlar bilan ishlash bo‘yicha hududiy idoralararo komissiya tavsiyasiga ko‘ra, kvotadan tashqari, belgilangan kvotaning 5 foizidan ko‘p bo‘lmagan miqdorda.
🟢Ushbu toifadagi nomzodlar litseyning qabul komissiyasining tavsiyasiga asosan DXX rahbariyatining ruxsati bilan kvotadan tashqari o‘qishga qabul qilinishi mumkin.

Xalq deputatlari Piskent tuman Kengashiga saylov o‘tqazuvchi tuman saylov komissiyasi qarori

"Xalq deputatlari Piskent tuman Kengashi deputatligiga bo‘shab qolgan o‘ringa deputatlikka nomzodlarni ro‘yxatga olish to‘g‘risida"

Tuman saylov komissiyasiga O‘zbekiston Respublikasi Xalq demokratik partiyasi,
Tadbirkorlar va ishbilarmonlar harakati-O‘zbekiston Liberal demokratik partiyasi,
O‘zbekiston “Adolat” sotsial-demokratik partiyasi va O‘zbekiston Ekologik partiyasi Piskent tuman Kengashlaridan Xalq deputatlari Piskent tumani Kengashi deputatligiga bo‘shab qolgan o‘ringa deputatlikka nomzodlarni ro‘yxatga olish uchun zarur bo‘lgan hujjatlar taqdim etildi. Ushbu hujjatlar O‘zbekiston Respublikasi Saylov kodeksi talablariga muvofiqligi tuman saylov komissiyasi tomonidan o‘rganib chiqildi. O‘zbekiston Respublikasining Saylov kodeksi 40-moddasiga muvofiq, Xalq deputatlari Piskent tumani Kengashiga saylov o‘tqazuvchi Piskent tuman saylov komissiya
QAROR QILADI:

Xalq deputatlari Piskent tuman Kengashi deputatligiga bo‘shab qolgan o‘ringa deputatlikka nomzodlar ro‘yxatga olinsin:

1. Yakubov Nodirbek Gulmuradovich- Tadbirkorlar va ishbilarmonlar harakati-O‘zbekiston Liberal demokratik partiyasi.

2. Hamidjonova Nilufar Xusanboy qizi - O‘zbekiston “Adolat” sotsial-demokratik partiyasi.

3. Abdullajonova Malika Abduvali qizi - O‘zbekiston Ekologik partiyasi.

4. Mirxaidov Mirzohid Mirvoid o‘g‘li - O‘zbekiston Respublikasi Xalq demokratik partiyasi.

B.Jo‘lbarisov
Piskent tumani saylov komissiyasi raisi