#Баёнот

Халқ таълими бўлими баёнот берди

Пискент туман Халқ таълими бўлимига қарашли 8-сонли умутаълим мактаби тўғрисида ижтимоий тармоқларда танқидий мақола юзасидан аниқлик киритди

Бугун ижтимоий тармоқда Пискент тумани Халқ таълими бўлими тасарруфидаги 8-умумтаълим мактаби тўғрисида танқидий ва шикоят постлар эълон қилинди.

Бу борада туман ХТБ томонидан 2022 йил 14 июль куни 8-мактабда ўрганиш ўтказилди ва қуйидагилар аниқланди:

1.Ўзбекистон Республикаси Конституциясига ўзгартириш киритиш муносабати билан ўтказиладиган рефередумга тайёргарлик кўриш мақсадида Пискент тумани 8-сонли умумий ўрта таълим мактаби 531-референдум участкаси этиб белгиланган. Мазкур мактаб директори М.Махмудова референдум участкаси раиси сифатида, комиссияси аъзоларидан икки нафарини сайловчилар рўйхатини компютерга киритиш мақсадида чақирганлиги аниқланди. Қолган ходимлар эса ишга жалб этилмаган. Ишлаётган ходимларга Сайлов кодексининг 99-моддаси асосида ишлаган даври учун ҳақ тўланади.

2. 8-мактабнинг собиқ филиали, ҳозирги 39-сонли умумий ўрта таълим мактаби ҳудудидан чиққан панжара (решётка)лар 8-мактаб ҳудудидан оқиб ўтувчи ички ариқ ёнларини ихоталаш ва ўқувчилар хавфсизлигини таъминлаш мақсадида ўраш учун ишлатилмоқда. Ҳозирги кунда ушбу панжараларни туман халқ таълими бўлими махсус эксплуатация қурилиш ва таъмирлаш ходимлари ёрдамда ўрнатиш ишлари амалга оширилмоқда.

3.Туман ҳокимининг ташаббуси билан мактабларда бюджетдан ташқари маблағ топиш мақсадида ихтиёрий равишда қуёнчилик ва паррандачилик ташкил қилиниши белгиланган. Шу муносабат билан 8-мактабда ҳам қуёнчилик ва паррандачилик йўлга қўйилган, ҳозирги кунда 3 та қуён, 30 та парранда мавжуд. Мактаб ҳудудида хеч қандай чорва моллари учун молхона ёки шунга ўхшаш бинолар қурилмаган.

4.Бундан ташқари, 8-мактабда 2014 йил 0,01 га ер майдонига мактаб жамоаси ташаббуси билан лимонария ташкил қилинган. 2014 йилдан буён мактаб жамоси томонидан парваришлаб келинади, лимонлар етилган вақтида мактаб директори туман халқ таълими бўлими ҳамда ўз жамоси иштирокида ҳосил йиғиб олиниб, савдосидан тушган даромади мактаб эҳтиёжи учун ишлатилиб келиниши аниқланди. Жумладан, 2 млн 200 минг сўмга мактаб учун юмшоқ стул ҳарид қилинган, ҳозирги кунда ҳам лимонариядан тушган 2 млн сўм маблағ мактаб ҳисоб рақамида турибди.

Пискент тумани Халқ таълими бўлими фуқаролардан умумтаълим мактабларида қонунбузилиш ҳолатларини билган тақдирда ҳеч қандай тўсиқсиз мурожаат қилишларини сўраймиз!

Мурожаат учун телефон:+998994061387

Ҳаётжон Рашидов, туман ХТБ мудири

Каналга уланиш⤵️
https://t.iss.one/piskenthokimligi

#Баёнот

Қабристон панжаралари ҳеч қаерга олиб кетилмаган, аксинча таъмирланган

Бугун ижтимоий тармоқлар орқали Пискент туманида жойлашган «Бадал ота» қабристонидан панжаралар олиб кетилгани тўғрисида хабарлар тарқалди.

Ҳолат юзасидан Пискент тумани Ободонлаштириш бошқармасидан муносабат билдирилди. Маълум бўлишича, панжаралар марҳумларнинг қариндошлари томонидан олиниб, қабристон атрофини ўраш, ободонлаштириш учун ишлатилган.

Бу борада тегишли органлар ўрганиб, аниқлик киритгач, қўшимча маълумот берилади.

Каналга уланиш⤵️
https://t.iss.one/piskenthokimligi

#Баёнот

Бугун ижтимоий тармоқда Пискент туманида "Тез тиббий ёрдам" фаолияти танқид қилинган эди. Бу борада туман Тиббиёт бирлашмаси раҳбари М.Қодирова қуйидагиларни маълум қилади:

Тошкент вилоятида "Тез тиббий ёрдам" хизмати марказлаштирилган бўлиб, барча туман ва шаҳар чақирувлари Нурафшон шаҳрига, яъни вилоят марказига бириктирилган.

Қисқа “103” рақамига қўнғироқ қилиб, мурожаат йўллаётган фуқаро тўғридан тўғри "Call center" га уланади ва марказ диспетчери бемор тўғрисидаги маълумотларни тегишли ҳудуд "Тез тиббий ёрдам" бригадасига узатади. Айни вақтда Пискент туманида жами 10 та махсус жиҳозланган “Тез тиббий ёрдам” автотранспортлари мавжуд бўлиб, ҳар бири малакали тиббиёт ходимларидан иборат бригадалар аҳолига тез тиббий хизмат кўрсатмоқда.

Каналга уланиш⤵️
https://t.iss.one/piskenthokimligi

#Баёнот

Ижтимоий тармоқда Пискент тумани Дўстлик маҳалласида ичимлик суви муаммолари бўйича танқидий видеолавҳа эълон қилинди.

Ушбу видеолавҳада кўтарилган масала юзасидан "Тошкент сув таъминоти" корхонаси Пискент тумани филиали раҳбари И.Қосимов билан боғланиб, ҳолатга аниқлик киритдик.

Дўстлик маҳалласида ичимлик суви билан боғлиқ муаммо мавжуд бўлиб, ушбу муаммони хал этиш чоралари кўрилмоқда. Яъни, маҳаллага “Тошкент сув таъминоти” вилоят бўлими ва туман филиали ходимлари томонидан янги сув минораси (башняси) ўрнатиш ва 1200 м масофага янги сув қувурларини тортиш ишлари бошланган.
Бунинг натижасида Дўстлик маҳалласининг Шодлик, Ёшлик ва видеомурожаатда келтириб ўтилган Янгиобод кўчаларидаги жами 140 та хонадонга тоза ичимлик суви етиб боради.

Каналга уланиш⤵️
https://t.iss.one/piskenthokimligi

#Баёнот

Ижтимоий тармоқ орқали бугун Чимқўрғон маҳалласи Гулистон кўчасида бир қанча хонадон йўли таъмирдан қолиб кетганлиги тўғрисида мурожаат эълон қилинди.

Ҳолат юзасидан туман ҳокимлиги ва Ободонлаштириш бўлими масъуллари ушбу маҳаллага бориб, ўргандилар.

Аниқланишича, Чимқўрғон маҳалласининг Гулистон кўчаси 800 м қисми август ойида “Обод қишлоқ” дастури асосида асфальтланган. Аммо янги қурилган 5 та хонадонга хали сув қувурлари тортилмаганлиги учун ички кўча таъмирланиши тўхтатилган. Ичимлик суви қувурлари тортилиб, қазиш ишлари якунлангандан сўнг ушбу Гулистон кўчасининг қолган қисми таъмирланади.

Каналга уланиш⤵️
https://t.iss.one/piskenthokimligi

#Баёнот

KUN.UZ САЙТИ ЖУРНАЛИСТИ ДИЛШОДА ШОМИРЗАЕВАНИНГ МАҚОЛАСИ ЮЗАСИДАН

Kun.uz журналисти Дилшода Шомирзаева Зангиота тумани Назарбек қўрғонидаги вазият бўйича кеча ташкил этган матбуот анжуманимизни умуман бошқа мазмунда талқин қилган. Биз бу ўринда журналист томонидан касб этикаси, ҳақиқатга одилона ёндашув принципи бузилган, деб ҳисоблаймиз. Қуйида лўнда қилиб масалани тушунтиришга ҳаракат қиламиз.

Тошкент вилояти ҳокимлиги матбуот хизмати журналист Дилшода Шомирзаевани қўярда-қўймай бу матбуот анжуманига чақирган эмас. Шундай тадбир ўтказилаётгани ҳақида хабардор қилинган, холос.

Қурилиш сансалорликка учрагани ҳақидаги гап ҳам асоссиз. Бу ўринда гап – аҳоли учун ниҳоятда зарур бўлган, давлат ўз вақтида эътибор қаратган мана шу объектнинг қурилиши мобайнида қўшимча жиҳатлар пайдо бўлаётганидадир. Яъни объектни лойиҳалаш давомида ер остидаги коммуникация, дарахт кесилиши, снос масаласи ҳужжатларда акс этмаган. Натижада, қайта ҳужжатлар тўпламини тайёрлаш, тегишли тартибда рухсат олиш, сносга маблағ йўналтириш билан боғлиқ жараён бўлаяпти. Бусиз иложи йўқ.

Таъкидлаймизки, бу ўринда лойиҳа муаллифи ёки буюртмачи, ташаббускор томонни ҳам айбдор қилмоқчи эмасмиз. Қурилиш жараёнида кутилмаган ҳолатлар юзага келиши, қўшимча иш олиб борилиши эҳтимоли ҳар доим, ҳар қандай йирик объектларда бўлади. Бу ерда асосий мантиқ – давлат аҳоли учун ниҳоятда зарур бўлган мана шу объектни қуришга қарор қилганида.

Кўприк қурилади. Қурилиш бошланган. Менимча, бу ерда бугун, ҳозир ҳал қилиниши лозим бўлган асосий муаммо бошқа. Яъни, токи кўприк қурилгунича, вилоят ҳокимлиги, туман ҳокимлиги мутасаддилари бошқа муқобил йўллардаги қатновни тартибга солиши, алтернатив вариантларни тақдим этиши керак эди. Аҳолининг бугунги норозилиги мана шундан. Биз айни пайтда мана шу мазмунда қўшимча баёнот беришга тайёрланаяпмиз.

Қурилиш соҳасига доир норматив-ҳуқуқий ҳужжатлар, тартиб-таомиллардан хабардор журналист воқеликка бундай ёндашмас, давлат идораларини сансалорлик ва ва ҳоказоларда айбламас эди.

Мавзуга доир: мана шу матбуот анжуманида қатнашган бошқа бир профессионал журналист мавзуга профессионал ёндашиб, ҳолатни асл воқеликка мос талқин қилган. Гап – мавзуга профессионал ёндашувда.

@Behzod_Qobulov