#Расмий_мунсабат

Ижтимоий тармоқда Пискент тумани “Фермерлар” маҳалласида йўллар таъмирталаб, деган мазмунда видеолавҳа эълон қилинди.

Аниқлаштириш зарурки, лавҳада айтилган “Фермерлар” номли маҳалла туманда мавжуд эмас. Пискент тумани ҳокимининг 2022 йил 12 январдаги 10-10-142/Q21-сонли қарорига кўра, жорий йилнинг январь-май ойларида 19 та маҳалладаги тупроқ йўлларни шағаллаштириш белгиланган.

Ушбу қарор асосида, Пискент тумани Ободонлаштириш бошқармаси томонидан Бирлик, Лолаариқ, Майлобод, Саидобод, Чимқўрғон, Холиқберди, Тараққиёт, Мингтепа, Дўнгқўрғон, Сувти, Дўстлик, Новкент, Ғайрат, Зоминовул, Гулистон, Намуна, Мустақиллик, Култепа, Кўлота маҳалла фуқаролар йиғинларидаги тупроқ кўчаларида жами 48 км узунликда йўллар таъмирланади.

Эслатиб ўтамиз, ушбу кўчалар туман Ободонлаштириш бошқармаси ходимлари, маҳалла фуқаролар йиғини раиси ва масъул ходимлари томонидан ҳудудларда ўтказилган хатлов натижасига кўра, таъмирталаб йўл сифатида тақдим этилган маълумотлар асосида таъмирлаш режасига киритилган.

Каналга уланиш⤵️
https://t.iss.one/piskenthokimligi