#халқ_орасида
#1_сектор

⚡️Пискент тумани 1-сектор раҳбари, туман ҳокими Р.Рихсиев сектор ҳудудидаги маҳалла фуқаролар йиғинларида жадал ижтимоий-иқтисодий ривожланишини таъминлаш масаласида йиғилиш ўтказди.

✅Унда туман ҳокимининг барча ўринбосарлари, Соғлиқни сақлаш, иқтисодиёт бўлими раҳбарлари иштирок этди. Сектор ҳудудидаги маҳаллалар ободлиги, тадбиркорликка кўмаклашиш, камбағалликни қисқартириш, яширин иқтисодиётни аниқлаш бўйича "маҳаллабай" амалга ошириладиган ишларга эътибор қаратилди.

📌Шунингдек, ҳоким ва ўринбосарлари "Холиқберди" МФЙда бўлдилар. Маҳаллада 4462 нафар аҳоли истиқомат қилиб, "Темир дафтар"даги 17 та оила, "Аёллар дафтари"даги 58 нафар аёл, "Ёшлар дафтари"даги 78 нафар ёшнинг бандлигини таъминлаш, тадбиркорликка жалб қилиш борасида амалий ишлар олиб борилмоқда.

📍Жараёнда маҳалладаги марказий кўчаларни ободонлаштириш, пандемия даврида тадбиркорлар фаолияти, санитария талабларига риоя этилиши танқидий ўрганилди.

Каналга уланиш⤵️
https://t.iss.one/piskenthokimligi

#халқ_орасида

♻️Туман ҳокими Р.Рихсиев "Култепа" маҳалласидаги 27-мактабда ёш педагоглар билан учрашди. Очиқ мулоқотда тумандаги умумтаълим мактабларидан келган ўқитувчилар ўзларини қийнаётган муаммолари бўйича мурожаат қилишди.

✅Ҳоким уларга нималарни ваъда бергани ҳақида видеолавҳада ўзингиз кўринг👆

Каналга уланиш⤵️
https://t.iss.one/piskenthokimligi

#Халқ_орасида

Навбатдаги манзил "Дўнгқўрғон" МФЙ бўлди

Шундай масалалар бўладики, уларни фуқаронинг оғзидан эшитишнинг ўзи камлик қилади. Ҳолатни жойига чиқиб кўриш, ечимини излаш, имкониятларни чамалаш зарур бўлади. Пискент туман ҳокими томонидан қишлоқ ва маҳаллаларда аҳолининг ёрдамга муҳтож вакиллари билан учрашувлар давом этмоқда.

Бу сафар “Дўнгқўрғон” маҳалласида бўлган туман ҳокими ва ҳоким ўринбосари, Маҳалла ва оилани қўллаб-қувватлаш бўлими бошлиғи Ҳ.Исамуҳаммедов маҳалла раиси тавсияси билан бир гуруҳ фуқаролар хонадонига кириб, турмуш тарзи билан яқиндан танишдилар.

Маҳалланинг Намуна кўчасида яшовчи Қ.Бегматов саломатлигидан шикояти мавжуд. Бундан ташқари, яшаб турган хонадони таъмирталаб аҳволда. Бахт кўчаси 7-уйда яшовчи Г.Қурбонова 4 фарзандини ўзи вояга етказаётганини айтиб, иш фаолиятини тўлиқ ставкага ўтказишда амалий ёрдам сўради. Боғбон кўчасидан Н.Тошматовнинг уй таъмири ва тиббий ёрдам, Тинчлик кўчасидан М.Тошматованинг қурилиш моллари олиб бериш сингари мурожаатлари бўйича суҳбатлашилди.

Қонун доирасида ижобий ҳал этиш юзасидан қурилиш, халқ таълими ва соғлиқни сақлаш соҳаси бўйича тегишли раҳбарларга аниқ топшириқлар юклатилди.

Туман раҳбарларининг хонадонларда ўрганишлари давом этади...

Пискент тумани ҳокимлиги Ахборот хизмати

Каналга уланиш⤵️
https://t.iss.one/piskenthokimligi

#Халқ_орасида

Одамлар бугунидан рози бўлиб яшасин

“Янги Ўзбекистонда эркин ва фаровон яшайлик” шиори остида бошланган умумхалқ ҳашари маҳаллаларда, хонадонларда давом этмоқда.

Ҳашар доирасида нафақат ободонлаштириш, таъмирлаш ишлари, балки эҳтиёжманд ва имконияти чекланган оилалар ҳолидан ҳам хабар олинмоқда.
Бугун “Саидобод” маҳалласида ҳашар жараёнларида қатнашган туман ҳокими Р.Рихсиев, ҳоким ўрибосари, Маҳалла ва оилани қўллаб-қувватлаш бўлими бошлиғи Ҳ.Исамуҳаммедов маҳалладаги имконияти чекланган инсонлар хонадонларида ҳам бўлди.

П.Турсун кўчасида яшовчи Л.Саидбоева оғир хасталик сабабли бугун тўшакка михланиб қолди. Туман раҳбари аёл билан суҳбатида нафақат тиббий, балки моддий тарафдан ҳам ёрдам кераклиги маълум бўлди. Л.Саидбоевага ногиронлик рўйхатига олиш ва нафақа тайинлаш, коллеж талабаси бўлган фарзандининг контракт тўловларида амалий ёрдам бериладиган бўлди.

Шунингдек, ногирон фарзанди тарбияси билан машғул бўлган М.Маҳкамованинг илтимосига кўра ҳовлисига субсидия асосида иссиқхона ҳамда фарзанди вилоят касалхонасида даволаниши учун амалий ёрдам, уй таъмири учун қурилиш материалларидан ёрдам берилиши маълум қилинди. М.Бегалиева эса Олмалиқ шаҳрида доимий рўйхатда туриши, паспортини янгилаш ва туманга прописка қилдириш ҳамда уйига табиий газ тортишда амалий кўмак сўради. Унга туман раҳбарияти томонидан ҳужжатларини расмийлаштириш ва газ масаласида ёрдам кўрсатилиб, доимий иш таклиф этилди.

М.Хошимова эса 3 қизи ва турмуш ўртоғи билан 1 хонали ижара уйда яшаб келмоқда. Аёл ва эрига доимий иш тайинланиб, “Ғайрат” маҳалласида қурилаётган уй-жойлардан 2 хонали хонадон олишга тавсия этилди. Маҳалла ва қариндошлари ёрдами билан уйнинг бошланғич тўлови тўлаб берилди. 3 фарзандини ёлғиз вояга етказаётган Ш.Хожиматованинг уй таъмирида кўмак беришга келишиб олинди.

Кун давомида маҳалладаги аксарият хонадонларда бўлган туман ҳокими Президентимиз таъкидлаганидек, одамлар, айниқса боқувчисини йўқотган, имконияти чекланиб, ўзгалар ёрдамига муҳтож бўлган инсонларнинг ҳаётидан рози бўлиб яшашлари учун ҳамиша зарур кўмак берилишини таъкидлади.

Каналга уланиш⤵️
https://t.iss.one/piskenthokimligi

#Халқ_орасида
#Очиқ_мулоқот

Туман ҳокими Ўсмат қишлоғида бўлди

Туманимиз раҳбарлари томонидан аҳоли орасида учрайдиган каттаю-кичик барча камчиликларни жойида кўриш, ўрганиш ва бартараф этиш мақсадида ҳудудларда очиқ мулоқотлар, сайёр қабуллар ўтказилмоқда.

Бугун шу мақсадда Пискент туман ҳокими Раҳимжон Рихсиев халқ мурожатларини тинглаш мақсадида 3-сектор ҳудудида жойлашган "Дўстлик" маҳалласи аҳолиси билан учрашди.

Маҳалланинг Ўсмат қишлоғи аҳли билан кечган тўғридан тўғри, очиқ мулоқотда одамларнинг электр энергияси, суюлтирилган газ етказиб бериш, ичимлик суви таъминотини яхшилаш бўйича мурожаатлари соҳа мутасаддилари иштирокида ўрганилди. Одамларнинг талаб ва таклифлари асосида ичимлик суви яроқлилигини текшириш ва қўшимча сув тармоғини тортиш учун 2,5 км узунликда қувур билан таъминлаш, электр симларини янгилаш бўйича масъул раҳбарларга аниқ вазифа ҳамда муддат белгиланди.

Шунингдек, қишлоқда яшовчи прописка муаммоси билан мурожаат қилган Юқоричирчиқлик фуқаронинг истаги ИИБ ходимлари томонидан ижобий ҳал этилди.

Қишлоқнинг Самарқанд кўчасида яшовчи Ф.Раҳматова хонадонида бўлиб, мурожаати тингланди. Мазкур кўчадаги электр устунлар ва симларини янгилаш, йўлни шағаллаштириш бўйича вазифа белгиланиб, мутасаддилар томонидан назоратга олинди.

Каналга уланиш⤵️
https://t.iss.one/piskenthokimligi

#Халқ_орасида
#Муносабат

Анор ая Жонсаидова:
"Оиламиз Президентимиз назарига тушганидан жуда ҳурсандман!"

Давлатимиз раҳбари тилга олган Жонсаидовлар оиласи эсингиздами? Етти келин - етти миллат вакиллари билан ҳамжиҳатликда яшаётган оиланинг таърифи олисга кетган.

Бугун туман ҳокими Раҳимжон Рихсиев мутасадди раҳбарлар ҳамроҳлигида “Оқтепа” маҳалласида бўлди. Маҳалла фуқаролари билан учрашиш асносида туман раҳбари кўпмиллатли Жонсаидовлар оиласидан хабар олди. Оила бекаси, 87 ёшли нуроний онахон Анор ая Жонсаидова билан суҳбат қуриб, саломатлиги билан қизиқди.

Ушбу оила ўзининг ҳамжиҳатлиги билан нафақат маҳалла балки туман аҳлига ҳам ўрнак бўлишга арзийди. 87 ёшни қаршилаган Анор ая Жонсаидова бахтиёр нуронийлардан бири саналади. Унинг етти ўғил, икки қизи, етти миллатга мансуб келинлари бор. Онахоннинг айтишича, раҳматли турмуш ўртоғи Серикбой ота билан салкам қирқ йил умргузаронлик қилишган.

-Келин танлашда ўғилларимнинг юрак хоҳишига қараб уйлантирганман. Мана, қарийб эллик йилга яқин қуда-андачиликда "сан-манга" бормадик. Кўнгилни кенг қилишда гап кўп, -дейди Анор ая донишмандлик билан.- Камтаргина оиламиз Президентимиз назарига тушганидан жуда ҳурсандман. Юртбошимиз омон бўлсин!

Дуо олган омондир, дейди халқимиз. Нуроний Анор ая туман ҳокими билан суҳбатда юртга тинчлик, элга хотиржамлик, тўкинлик тилаб дуолар қилди.

Каналга уланиш⤵️
https://t.iss.one/piskenthokimligi