📌 Navbatdagi sessiya bo'lib o'tdi

#Toshkent_viloyati
#Nurafshon_shahar
#Sessiya
#Deputatlik_faoliyati

🔸 Nurafshon shahrida Xalq deputatlari Toshkent viloyati Kengashining navbatdagi sessiyasi boʼlib oʼtdi. Unda viloyat Kengashi deputatlari, sektor rahbarlari, viloyat hokimining oʼrinbosarlari, tegishli boshqarma va tashkilot mutasaddilari hamda OАV vakillari ishtirok etishdi.

🔸 Dastlab viloyat saylov komissiyasi raisi I. Noyobov Xalq deputatlari viloyat Kengashi deputatligiga boʼshab qolgan 10-“Chirchiq”, 17-“Boʼka”, 21-“Chorbogʼ”, 28-“Qizgʼaldoq”, 47-“Nurafshon” va 52-“Yangibozor” saylov okruglarida oʼtkazilgan saylov natijalari toʼgʼrisida hisobot berdi va saylangan deputatlarga guvohnomalarni topshirdi.

🔸 Shundan soʼng sessiyaga raislik qilishni viloyat Kengashi deputatligiga saylangan Toshkent viloyati hokimi vazifasini bajaruvchi Zoyir Mirzaev davom ettirdi.

🔸 Sessiya kun tartibiga koʼra, deputatlar tomonidan bir qator masalalar koʼrib chiqildi. Xususan, Toshkent viloyat sudi va Toshkent viloyat maʼmuriy sudi raislarining fuqarolar huquqlari va erkinliklarini, shuningdek korxonalar, muassasalar va tashkilotlarning huquqlari hamda qonun bilan qoʼriqlanadigan manfaatlarini sud yoʼli bilan himoya qilishni amalga oshirish, Yangiyoʼl tumani “Qovunchi” MFY hududida yangi kichik sanoat zonasini tashkil etish, viloyatda 2022 yilda “Obod qishloq” va “Obod mahalla” dasturiga asosan taʼmirlanadigan ichki yoʼllarni manzilli roʼyxatini tasdiqlash, Toshkent viloyati mahalliy byudjetining qoʼshimcha manbalaridan foydalanish toʼgʼrisidagi masalalar yuzasidan mutasaddilar hisoboti tinglandi. Sessiyada koʼrib chiqilgan masalalar boʼyicha tegishli qarorlar qabul qilindi.

👇Taklif va mulohazalar uchun👇

@Uzmtdp_Tosh_vil
https://t.iss.one/Partiyaviloyatkengashi
https://www.facebook.com/Toshkentviloyat
https://instagram.com/milliytiklanish_toshvil

✍️O'zMTDP Toshkent viloyati Kengashi Axborot xizmati