БҮЛҮҮ ЭБЭ ТУҺУНАН БЛЮЗ

Сайыҥҥы киэһэ Бүлүү
Түҥ былыргыны түһүүр,
Долгун устун
күлүмүрдүү,
Устар санньыар
музыка блюз,

Эргэ кулуупка
гитаралаах уол
Оонньуур биһиэхэ
рок-н-рол,
Сүрэҕи өрүкүтэр
дорҕоон,
Чвҕылыйа тыгар
Чолбон!

Өйдөө ээ, эн, попса,
Кырдьык мөлүйүөн
саастаах,
Биһиги баҕарар
суолбут
Баара-суоҕа
Кырдьык диэн
ааттаах.

Баҕар, биһиги
көлүөнэ
Өйдөммөтөх
дьоннор
дэтиэҕэ,
Ыра санаабытын
кэлин
"Чолбон" музыката
кэпсиэҕэ,
Сүгүрүйэбин эйиэхэ
айылҕа,
Долгуйа тыынар
Сир Ийэ,
Олох быстыбакка
салҕанар
Хаһан да бүппэт
СИМФОНИЯ!

Борис Кэм

*✅Ыам ыйын 25 күнэ-Бүлүү өрүс күнэ.*
*Оо, Бүлүү, оо Бүлүү, мин таптыыр өрүһүм.*..🌤️🌷🍀🌿🌲🐟🌸
*Бүлүү Эбэ барахсан.* Өбүгэ дьоммут сөбүлээн да, таптаан да,эн сиэдэрэй айылҕалаах кытылгар олохсуйбута,ууһаабыта, тэнийбитэ. Ол кэмҥэ тулаҥ барыта ып-ыраас,уйгулаах уугунан бар дьоҥҥун күндүлүүрүҥ, үөрдэриҥ.Хаһан да кэрэҕин ыһыктыбат,уйгуну-быйаҥы эрэ бэрсэ туруох курдугуҥ! Хотун Бүлүү, Сыа Бүлүү диэн ытыктанан ааттанан, көмүс хатырыктааххынан күндүлээн бар дьоҥҥун баччаҕа дылы аһатан кэллэҕиҥ.
Ньурба сирин киэн туттар эколога, дьиҥнээх патриота, Ийэ айылҕатын ис сүрэҕиттэн таптаабыт, биһиктэммит, көөчүктэммит *Бүлүү эбэтин көмүскэлигэр олоҕун толук уурбут *Петр Николаевич Мартыновы* Ньурба сирин дьоно бүгүн ахтан санаан ааһарбыт тоҕоостоох курдук.
Петр Мартынов *1992 сыллаахха « Бүлүү” уопсастыбаннай-экологическай кэмитиэт* салайааччытынан ананаат, Бүлүү өрүс сүһүрүүтүн,ядернай дэлби тэптэриилэр, ракеталар тобохторун сүлүһүннээх дьайыыларын тохтотуу, чинчийии уонна туһааннаах буруйдаах тэрилтэлэртэн төлөбүрү ирдээһин курдук улахан боппуруостары сытыытык туруорсубута.Бу туһуттан элбэх анал литератураны хасыһан аахпыта, үөрэппитэ.Дьон өйүн санаатын уһугуннарар айылҕабытын быыһыыр сыаллаах элбэх ыстатыйалары бэчээттэппитэ, көмүскэнэр сокуоннарга үлэлэспитэ.Хомойуох иһин Петр Николаевич үлэтин хамнаһын үгэнигэр сылдьан, үгүс баҕа санааларын кэннигэр хаалларан, ыарахан ыарыыттан эрдэ бу олохтон барбыта.
Петр Мартыновтыын истиҥ алтыһыытын олоҕун устата тыыннаах сулус оҥостон, Бүлүү экологическай хамсааһыны төрүттэспит,чөл айылҕа туһугар туруулаһар, уопсастыбаннай деятель,биллэр эколог *Иван Семенович Бурцев 2000 сыллаахха “ *Бүлүү Эбэ көмүскэлигэр”*, 2006 сыллаахха *Күн айыы киһитэ”* диэн чугас доҕоро Петр Мартынов олоҕун,ыыппыт үлэтин-хамнаһын туһунан сиһилии кэпсиир кинигэлэри хомуйан таһааттарбыта.
Махталлаах Ньурба сирэ бэйэтин уолун үтүө аатын үйэтитэн, олорбут уулуссата *Петр Мартынов* аатын сүгэр, тапталлаах Бүлүүтүн биэрэгэр П.Н.Мартыновка анаммыт пааматынньык турар.Олорбут түөлбэтин олохтоохторо бу сквер тулатын тупсарарга анал бырайыагынан үлэлииллэрин астына истэбит. Ньурба сирин поэта Клара Васильева Петр Мартыновка анаабыт *"Үтүө аатыҥ үйэтийиэ"* хоһоонун тылларынан түмүктээн,
"...Хаһан эрэ Эн аатыҥ
Хаттаан тиллиэ, күлүмнүө,
Хотун Бүлүү түргэн аалын
Сырдык ыраҥ көтөҕүө..." -
инникитин даҕаны экология, ийэ айылҕабытын харыстааһын боппуруоһа хас биирдиибит сүрэҕин долгутар,кэнчээри ыччаппыт инникитин саныыр биир сүрүн кыһалҕабыт буолуохтун диэн баҕа санаабын тиэрдэбин.
*Хаһааҥҥыта эрэ “Сыа Бүлүү” диэн киэн тутта ааттаммыт Хотун эбэбит-Бүлүү өрүспүт барахсан, көмүөл муускун этэҥҥэ көтөҕөн, күн уотугар күлүмүрдүүр сүдү күүскүн сүтэрбэкккэ уостар диэни билбэккэ,мөлбөйө уста тур! Эн биэрэгиҥ үрдүгэр турар Ньурба куораппыт күөҕүнэн чэлгийэ, ырааһынан ымсыырда туруохтун!

М.Николаева.

Про отца нашей Иры Мартыновой о П. Н. Мартынове. В память об общественном экологе его именем названа улица в Нюрбе, установлен бюст на берегу Вилюя.

Поздравляю предпринимателей города Якутска с Днем российского предпринимательства!

Малый и средний бизнес представлен во всех отраслях экономики и социальной сферы города, вносит большой вклад в развитие столицы республики, создавая новые рабочие места, обеспечивая занятость для тысяч граждан, поступление налогов в муниципальный бюджет.

Я благодарю предпринимателей за высокую социальную ответственность, трудолюбие и любовь к родному городу. Желаю вашему бизнесу процветания и развития, крепкого здоровья, добра и благополучия вам, и вашим близким!

В Якутске началась реализация инициативы Ивана Яковлева, главы Лючинского наслега Кобяйского улуса, об установлении на кольцевых развязках сэргэ. На фото кольцевая Вилюйского тракта.
Напомним, в позапрошлом году Иван Яковлев озвучил инициативу об установлении сэргэ в Якутске, это не только придаст городу национальный колорит, но сэргэ также имеет сакральный смысл говорил он в интервью Aartyk.Ru. Инициатива нашла отклик. И теперь мы наблюдаем результат двухлетней работы инициативнай группы с мэрией.

https://aartyk.ru/recommended/ivan-yakovlev-dokuuskajy-saxalyy-tyynnyaxxa/?ysclid=lwn410n2p5469298214

-Саха төрүт итэҕэлинэн – Сэргэ буолар, онон Үс сиргэ Үс куту көрдөрөр Үс сэргэни анньан – Дьокуускайга биһиги, сахалар, баарбытын туоһулуох тустаахпыт диир санаа киирбитэ. Сахабыт төрүт култууратын, итэҕэлин норуокка көрдөрүөххэ, дьоҥҥо таһаарыахха диэн. Сэргэ – харысхал, көмүскэл, араҥаччы, арчы бэлиэтэ. Айыылары кытары ситимниир утах, төрдү-ууһу араҥаччылыыр аналлаах.

Ысыах Алматы. Видео из запрещенной на территории РФ соцсети.

Түөрт улууһу аһатан олорор улуу эбэ промышленность сайдыаҕыттан ылата уута киртийэн, тыынар-тыыннаахха кутталлаах да буолан ылаттыыр кэмнэрэ баар. Уу - олох төрдө. Кини тыыннаах, иччилээх, кини эмиэ ыалдьар, ытыыр. Онон эбэлэр туруктара быһаччы икки атахтаахха, сүүрэргэ-көтөргө, устарга, үүнэргэ барытыгар дьайар.

Үөрэхтээхтэр этэллэринэн, кэлэр кэмҥэ Сир шарыгар саамай сытыы боппуруоһунан - Айылҕа боппуруоһа туруоҕа.

Бүлүү Эбэ күнүгэр Ньурбаҕа Петр Николаевич Мартынов, "Бүлүү" экологическэй кэмитиэти тэрийсибит дьонтон биирдэстэрэ, Бүлүүгэ түһэр Марха өрүс төрдүгэр сир аннынааҕы ядернай дэлби тэптэриилэр содулларын чинчийсибит киһиэхэ анаан, кини аатын дьоҥно санатар тэрээһин ыыттылар. Оттон Үөһээ Бүлүүгэ Бүлүү өрүс киртийиитин көрдөрөр, ону бопсор туһунан Борис Павлов "СЮЗАННА" айымньытынан "КЭРЭТЭ СУОХ ОЛОХ ТУРУГУРБАТ" музыкальнай испэктээк туруорда.

https://aartyk.ru/recommended/үөһee-bүlүү-noruodunaj-teatra-boris-pavlov-ajymnytyn-scenaҕa-taһaarda/

Федора Алексеевна ЛУКИНА, тыа хаһаайыстыбатын наукатын кандидата:

- Биһиги кылгас сайыммытыгар үүнэн-ситэн, өлгөм үүнүүнү биэрэр хортуоппуй биир бастыҥ суорда "Гала" буолар.  "Гала" төрдө-ууһа - Германия. Бу суорду кэтэхтэн саҕалаан улахан хаһаайыстыбаларга тиийэ олус сөбүлээн олордоллор. Саамай үчүгэй хаачыстыбата диэн олус түргэнник ситэрэ, ас биэрэрэ буолар. Ол курдук олордубуппутун кэннэ 2,5-3 ыйынан ситэр, аһа улаатар. Бу суорт атын регионнар усулуобуйаларыгар тургэнник адаптацияланар, сиргэ-буорга хаппырыыһа суох, ыарыыларга тулуурдаах.

Хортуоппуй биир көһүйэттэн 15-20 диэри ас биэрэр, көрүҥэ ньолбуһах, таһа сырдык, иһэ араҕас астаах, харахтара бытархайдар, онон хастыырга олус судургу.

Билэр дьон бу суорду "Адретта" суорка  майгыннаталлар. "Гала" "Адретта" курдук минньигэс амтаннаах хортуоппуй буолар. Буһардахха өҥүн уларыппат, ньыһыйарга, ыһаарыга уонна араас салааттарга туттарга барсар универсальнай суорт. 

Көрүүтэ-истиитэ атын суортартан уратыта суох. Саха сирин усулуобуйатыгар "Гала" суорт 15-20 т/га биэрэр. Крахмала 13%, ол иһин диетаҕа олорор дьон бу суорду эмиэ сиэхтэрин сөп. Бу суорт интенсивнай көрүҥҥэ киирсэр, ол аата төһөнөн элбэх үлэ ыытаҕыт  да (уута, көмүүтэ), соччонон үүнүүтэ элбиир, - диэн учуонай сүбэлиир.

https://aartyk.ru/recommended/xannyk-xortuoppuj-үүnүүte-үrdүgүj/

#пишут✍️

Билиҥҥи кэм саха омук историятыгар биир бэлиэ кэм буолуоҕа. Саха омук быһыытынан эстиитин процеһа бу маннык саҕаламмыта диэн суруйуохтара.
Хобдох санаа да буоллар хайдах баарынан.
Ханнык баҕарар норуокка бас-көс Саарын дьон баар буолаллар. Онтон сахаларга - биһиэхэ тоҕо эрэ дьиҥ омугун сирин иччилээн хаалларар туһугар туруулаһар киһибит билиҥҥитэ көстүбэт. Тоҕо оннук эбитэ буолла🤔
Сир хайаатар да иччилээх-хаһаайыннаах буолуохтаах.
Дьиҥнээҕэр, өркөн өйдөөх сүбэһиттэрдээх үтүө баһылык тыа да сирдэригэр үтүө олоҕу тобулан сааһылаан таҥыан сөп буоллаҕа.
Гос Дума депутата Аммосов сөпкө этэр ээ. Республика баайын төнүннэриэххэ диэн.
Республика баайа төннөрө буоллар тыа сирдэрин сайыннарыыга төһөлөөх кыах үөскүөх этэй.

#пишут✍️

-Анаан-минээн ыhыахтыы диэн ааттаан Алматыга сылдьабыт. Түгэнинэн туһанан Аартыктарга хонор көстүүнэй аадырыһын булан биэрбиккитигэр махтанабыт! Сахалар элбэхтик түһэр сирдэрэ эбит.
Ардахтаах да күн буоллар дьон элбэхтик кэлбиттэр. Ыһыаҕы эдэр дьон диэтэххэ олус үчүгэйдик, үрдүк таһымнаахтык тэрийбиттэр! Саастаах дьон астыннвбвт маннык дойдуларын, норуоттарын үгэһин тута сылдьалларыттан киэн тутуннубут! Хайгыы санаатыбыт. Сири-дойдуну кэрийэн, үүнэн-сайдан,ситэн-хотон баран олох уоскуйдаҕына Сахаларын сирин кэлэн сайыннарыахтара, өрө тардыахтара диэн эрэнэбит. Бэйэлэрэ да оннук санаалаахтар эбит. Хата сахаларын тыына күүскэ уһуктубут диэн имнэнсэбит эмээхсимминээн. Ыччарбыт, оҕолорбут ханна да этэҥҥэ сырыттыннар диэн баҕа санаабыт улахан!

О чем думал казак Бекетов, когда поставил острог на долине Туймаада, где раньше было русло огромной реки ??!😂

https://t.iss.one/Torboznoe_radio/7715