#битирувчи_2024

"Оқ йўл, ТДТУ ОФ битирувчилари!"

⚡️Бугун Тошкент Давлат Техника Университети Олмалиқ филиалининг 2023-2024 ўқув йили битирувчиларига тантанали диплом топшириш тадбири ўтказилди.

📌 Тадбирда битирувчилар, уларнинг ота-оналари, филиал раҳбарияти ва фахрий меҳмонлар - ТДТУ ректори, академик С.Турабджонов, Тошкент вилоят ҳокимининг ўринбосари Ж.Бобожонов, Олмалиқ шаҳар ҳокимининг ўринбосари С.Аҳмедов, ОКМК Ўқув маркази директорининг ўринбосари М.Тагаев иштирок этдилар.

✅ “Саодат калити – илмдадир” деб номланган тантанали тадбирда сўзга чиққанлар катта ҳаётга учирма бўлаётган бакалавр таълим йўналиши ва магистр мутахассислиги битирувчиларига келажакдаги ишларида омад тилаб, уларнинг олдида кўплаб янги имкониятлар мавжудлигини таъкидладилар.

✨ Шундан сўнг фахрий меҳмонлар томонидан битирувчиларга мутахассислик дипломлари тантанали равишда топширилди. Тадбир давомида сўзга чиққан ота-оналар ва битирувчилар олий таълим муассасаси жамоасига, профессор устозларга ўз миннатдорчилигини билдириб, дил сўзларини айтдилар.

📎 Маълумот ўрнида, 2023-2024 ўқув йилида ТДТУ Олмалиқ филиалини 784 нафар битирувчи тугаллаган бўлса, улардан 1 нафари Ўзбекистон Республикаси Президенти стипендияси соҳиби, 3 нафари Ислом Каримов ва Беруний номидаги давлат стипендияси соҳибларидир.

Kаналга уланиш ⤵️
@Olmaliq_shahri

🌍Web-site |✅ Telegram | ✅Faсebook | ✅You tube