#қарор_ва_ижро
#депутат_назорати

Вазирлар Маҳкамасининг “Коронавирус пандемияси даврида дори воситалари, тиббий буюмлар ва тиббий техникалар муомаласини тартибга солишга доир чора-тадбирлар тўғрисида”ги қарори қабул қилинди.

Шу муносабат билан Олмалиқ шаҳар Кенгаши депутати Гулноза Холбаева томонидан шаҳар дорихоналарида мониторинг тадбири олиб борилди.
Тадбир давомида пандемия шароитида дорихоналарнинг фаолияти ташкил этилиши, шунингдек, ходимлар учун белгиланган қоидалар ижроси ҳам назорат қилинди.

Дорихона ходимлари қуйидаги қоидаларга риоя қилишлари шарт:

📌 – иш бошлашдан олдин уй кийими ва пойафзалларни алмаштириш;
📌 – санитария кийимларини (халат, қалпоқ) ва оёқ кийимларини кийиш, қўлни ювиш (камида 20 сония) ва қўлларни дезинфекция қилиш, шахсий ҳимоя воситаларини кийиш;
📌 – ҳожатхонага боришдан олдин, халатни ечиб, ташриф буюргандан сўнг қўлни яхшилаб ювиш ва дезинфекция қилиш;
– санитария кийимлари ва пойафзалларда дорихонадан ташқарига чиқмаслик;
📌 – дорихона ходимлари юзларига ниқоб (респиратор) ва қўлларига латекс қўлқоп кийиши шарт.

Депутат томонидан шунингдек, тиббиёт клиникалари ва элтиб бериш хизмати билан шуғулланаётган ошхоналардаги жараён ҳам ўрганилди.

@Olmaliq_shahri

⚡️Коронавирус пандемиясининг салбий таъсирини камайтириш учун янги имтиёзлар белгиланди

Шавкат Мирзиёев «Коронавирус пандемиясининг салбий таъсирини камайтириш учун аҳоли, тадбиркорлик субъектлари, умумий овқатланиш, савдо ва хизматлар соҳасини қўллаб-қувватлашнинг қўшимча чора-тадбирлари тўғрисида»ги Фармонга имзо чекди.

Фармонга кўра, 2020 йил 1 июлдан 2020 йил 31 декабрга қадар:

👉 умумий овқатланиш корхоналари ва биноларни ижарага беришга ихтисослашган корхоналар айланмадан олинадиган солиқни тўлашдан озод этилади;

👉 жисмоний шахслар кўчмас мулкни ижарага беришдан олинган даромадлар бўйича жисмоний шахслардан олинадиган даромад солиғи тўлашдан озод этилади;

👉 мол-мулкини (бинолар ва автомобиль транспорти) ижарага берувчи жисмоний шахсларга солиқ мақсадида ижара тўловларининг энг кам ставкаларини қўллаш тартиби тўхтатиб турилади;

👉 ижарага берувчиларга 2020 йил учун ижара тўлови миқдорини пасайтириш мақсадида, шу жумладан тақдим этилаётган солиқ имтиёзларини инобатга олган ҳолда ижара тўловини қайта кўриб чиқиш тавсия этилади;

👉 Шунингдек, 2020 йил 1 апрелдан 2020 йил 31 декабрга қадар умумий овқатланиш корхоналари алкоголь маҳсулотлари билан чакана савдо қилиш ҳуқуқи учун йиғимни тўлашдан озод қилинади.


➡️ @uzauz

#бандлик

⚡️ Олмалиқ шаҳар Аҳоли бандлигига кўмаклашиш маркази томонидан кунлик ишга чиқиб, даромад топаётган фуқароларнинг (мардикорлар) бандлигини таъминлаш бўйича бир қатор тадбирлар олиб борилди.

👥 Жумладан, мардикор бозордаги 121 нафар фуқаролар билан индивидуал суҳбат ўтказилиб, оилавий шароитлари ўрганилди. Суҳбат натижасида жами 121 нафар фуқаролардан 45 нафарининг доимий яшаш манзили Пискент тумани, 44 нафар фуқаронинг доимий яшаш манзили Оҳангарон тумани, 21 нафар фуқаронинг доимий яшаш манзили Олмалиқ шаҳрида эканлиги ҳамда 11 нафар фуқаронинг доимий яшаш манзили бошқа туманлардан эканлиги маълум бўлди.

👨🏻‍💻 Ушбу фуқароларга марказ томонидан “Течно контенентал” МЧЖ, “Тиа жаҳон” МЧЖ, Тошкент шахридаги "Артел" корхонаси, “Нуртекс” МЧЖ ва ҳақ тўланадиган жамоат ишлари таклиф этилди.

🙅🏻Фуқаролар таклиф этилган иш ўринларининг ойлик маоши камлиги, ушбу корхоналар томонидан бериладиган ойлик маошни кунлик ишда ишлаб, бир ҳафта ичида топиши мумкинлиги важидан рад жавоби беришди.

✅ Аммо ушбу фуқаролардан доимий рўйхати Олмалиқ шаҳрида бўлган 8 нафар фуқаро ҳақ тўланадиган жамоат ишларида ишлаш истагини билдириб, 2020 йил 1 август санасидан жамоат ишларига қатнашишга рози бўлишди. Ҳозирда мазкур фуқароларнинг бандлигини таъминлаш бўйича расмийлаштириш ишлари олиб борилмоқда.

Дилмурод Балтаев,
Олмалиқ шаҳар АБКМ директори.

@Olmaliq_shahri