#Õzbekiston_tarixi
#7_dars

📣 Maktabgacha va maktab ta’limi vazirligi tomonidan O‘zbekiston tarixi fani bo‘yicha animatsion roliklar tayyorlanayotganidan xabaringiz bor.

✅ Navbatdagi videodars "IV-VII asrlarda Xorazm" mavzusiga bagʻishlanadi.

❗️Mazkur animatsion roliklar 2D formatida tayyorlangan va unda Ilk o‘rta asrlarda Xorazmdagi ijtimoiy-iqtisodiy va siyosiy jarayonlar aks ettiriladi.

➖ Davomi bor...

#7_ta_iqtidor
#2_mavsum
#3_kun
#Nazm

Yurak amri

Jimgina boqaman nigohlaringga,
Ko'zingda ko'raman mayus ko'zimni.
Kiraman sezdirmay hayollaringga,
Baxtiyor sezaman shunda o'zimni.

So'ng mahzun boqaman suratingga jim,
Ko'ksimda boshlanar unsiz g'alayon.
Nahotki tug'yonim sezmaydi hech kim,
Nahotki qalbimni yem qilar hijron?!

Jimgina boqaman, ruhimda titroq,
Sen ham o'rtanasan dardimni bilib.
Sog'inib olovda yonasan biroq,
Shunchaki qo'yasan tabassum qilib.

Istagim - ketmagin hayollarimdan,
Qo‘ygin borligingni menga bildirib.
Yo olisdan turib erkala zimdan,
Manguga qol meni baxtga to'ldirib.

✍: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#3_kun
#Nasr

Kunduzi yongan chiroq

O'zining zar, uzun etakli koʻylagi va olovli yopinchig'ini kiyib shaharga oltin kuz kirib keldi. Barglar qarib asta-sekinlik bilan yaproqqa aylanmoqda. Daraxtlar esa bellari ogʻrib, sochlari oqarib qolgan hassasi bilan zo'rg'a oyogʻida tura oladigan keksalarga o'xshab qolgandi. Havo deyarli har kuni bir xil - kunduzi quyosh iliq nurlarini sochib turar, kechasi bo'lsa salqin shabada va onda-sonda yomg'ir yog'ib olardi. Kechasi bilan ko'p qavatli binolarda yashovchi odamlar oʻzlarining uylarida zerikkach yo'l chetidagi xiyobonchalarda sayr qilishar, shu joyga oʻrnatilgan yog'och oʻrindiqlarga kuchukchasini yetaklab, qoʻllarida oʻzlari yoqtirgan bir badiiy kitobni olib kelishar va yarim tungacha soyabon ostida yomg'irni tomosha qilib, tungi chiroqlarning mayin og'ushida mutolaa qilar edilar. Ammo ertalab, bu joylarda yomg'irdan qolgan ko'lmaklar-u uchib yuradigan xazonlardan bo'lak hech nima qolmasdi. Chunki hamma o'z ishlari bilan band. Ayniqsa, bu shaharda kunduzi bilan harakat sira to'xtamaydi xoh mashinada bo'lsin, xoh piyoda...
Xullas, hayotda bir qadam oldinda bo'lishni istashadi.
Mana bugun erta tongdan mayin shabada esdi, quyoshning yuzini esa avzoyi buzuq bulutlar to'sib qo'ygandi. Xazonlar xuddi pianinoda chaladigan simfoniya kuylarining notalari kabi u yoqdan bu yoqqa, bu yoqdan u yoqqa shiv-shiv uchar edilar. Shu odamlar sayr qiladigan xiyobon oldidagi o'rindiqlar tepasida turgan chiroqlar kunduzi rosa zerikar edilar. Axir ular oldiga hech kimsa kelmas, quyosh esa o'zining yorugʻligi bilan butun shaharni ta'minlab turardi-da. Shunday zerikarli kunduzlarning yana biri bugun. Ammo bitta tungi chiroq zerikib ketganini bildirdi va:
- E doʻstlar, -dedi boshqa chiroqlarga yuzlanarkan, -kelinglar kunduz kuni ham nur tarqatamiz, -tag'in quyosh ham ko'rinmayapti. Balki odamlarga yordamimiz kerak boʻlib qolar.
Shunda javob qildi boshqa bir tungi chiroq:
- Yo'q, -dedi qo'rquv aralash tovushi bilan pichirlab, -biz nur tarqatadigan bo'lsak hech kim payqamaydi, buni ustiga bizga faqat kechqurun yonishimiz kerak ekanligi haqida aytilgan.
Shundan so'ng u boshidagi shlyapaga o'xshash, qalpoqchasimon kabelini silkitib, doʻstining gapi to'g'riligini bildirdi. Lekin u bundan juda norozi edi.
Biroz paytdan so'ng shu xiyobon oldida ko'zoynakli bir keksa kishi qoʻlida qandaydir hujjatlarni titkilab, ko'rolmasdan kelayotgandi. Shunda boyagi chiroq:
- E, nima bo'lsa boʻldi, -deya oʻzidan nur tarqata boshladi.
U o'sha odamga juda yordam bergisi, uning mushkulini oson qilgisi kelgan edi.
Buni ko'rgan odam ham chiroq ostida to'xtab masalaga oydinlik kiritarkan, hayron boʻldi.
"Qiziq nega tungi chiroq kunduz kuni ham yonayapti ekan" deb xayolidan o'tkazdi.
Biroq shunday bo'lsa ham tungi chiroq juda xursand edi. Bugun bekorchilik qilmaganiga, aqalli bir kimsaga yordami tekkaniga bo'lsa kerak.
O'sha kuni nafaqat ko'plab odamlar va yana boshqa jonzotlarga ham yordami tegdi kunduzi yongan chiroqning.
Nihoyat kunni quva-quva falak sathiga tun kirib keldi. Chiroqlarning bari o'z nurlarini sochishga kirishishdi. Kunduzi yongan chiroq esa bag'oyatda xursand, hatto bir pas dam olgani yo'q edi. Yomg'ir yog'ib havo salqinlay boshlagan mahal, mohi tobonning yog'dusi yerga tushgan bir pallada xiyobon odamlar bilan liq to'lib ketdi. Ular har xil rangdagi soyabonlar ushlagancha, ba'zilari kuchukchalarini yetaklab kirib kelmoqda edilar. Shunda kuni bilan yongan chiroq mag'rurona ko'rinishda odamlarni qarshi olmoqchi bo'ldi. Ammo-lekin hech qaysi odam uni oldiga kelmasdi. So'ngra ma'yus chehrasi bilan hamma joyiga nazar tashlar ekan, nur taratmayotganiga guvoh bo'ldi. Uning bitta simi kuyib qolgan edi.
Qancha chiranmasin yonmasdi, o'sha kuni kechasi bilan u biron marta yona olmadi.

Ertasi kuni ertalab uning oldiga siyoh rangli kiyimlar va nishonli bosh kiyim kiygan odamlar kelib o'rnidan bo'shatib olishdi va yangi chiroqni o'rnatishdi. Kunduzi yongan chiroqning umri esa axlatxonaning qutilaridan birida davom etadigan bo'ldi.

✍: Nurmamatova Oygul,
Ogahiy ijod maktabining 8-"B" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#Diqqat_diqqat

📍Yoshlar ishlari agentligi Xiva shahar bo'limi va Ogahiy nomidagi ijod maktabi bilan hamkorlikda bilimdon va zukko o‘quvchilarining ta'til vaqtini mazmunli o‘tkazish maqsadida "Zakovat quiz" onlayn turniri bo‘lib o‘tadi.

🪧 Turnirda yakka tartibda qatnashmoqchi bo‘lgan bilimdonlarimiz @Zakovat_ogahiy maxsus telegram guruhiga ulanishlari mumkin.

🕒 Zakovat quiz turniri joriy yilning 6-yanvar soat 15:00 da start oladi.

⚡️Barcha zakovatlilarimizga omad tilaymiz!

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

YANGI YILIM – YAXSHI YILIM
(Yangi yil yozishmasi...)

Yaqin-u yiroqdagi yurtdoshlarim,
yuragimga yaqinlarim!
Yangi yilda yutuqlaringiz yanada yuqoriga yuksalsin!
Yangi yilda yoronlarimga yuzi yorug'likni, yumorga yondoshlikni, yuksak yutuqlarga yo'ldoshlikni Yaratgandan yolvoraman.
Yurtimiz yutug'iga yo'naltirilgan yuksak yumushlarda yelkama-yelka, yonma-yon yurayotganlarim!
Yurar yo'llaringizni yog'dular yorug'lantiraversin!
Yonoqlari yal-yal yonayotgan yaxshilarim!
Yangi yilda yodingizga yaxshi yangiliklarni yo'llang, yoningizga yoqimli yumushlarni yo'lating!
Yalqovlik yang'lig' yoqimsizlikni yoningizdan yumalab yuboring!
Yoqimtoy, yuvoshgina yangajonlarim!
Yoningizda yoqimli yallalar yangrayversin, Yoringiz-la yeyilib-yozilib yashagaysiz!
Yuz bilan yuzlashib yurgaysiz!

              ✍Yozdi: Yangiariqlik
      SAIDA SAFO, Ogahiy nomidagi ijod maktabi o'qituvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

OZ QOLDI!

🥰Sinf xonasini, dars jarayonlarini, kitoblar hidini sog‘inganlar bormiiii?

🎬Saida Safo

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

Qishki taʼtilda dunyoqarashingizni boyituvchi videolarni tomosha qiling!

❄️Aziz bolajonlar! Qishki taʼtil kunlaringiz maroqli o‘tishi uchun har bir daqiqangizdan unumli foydalaning. Misol uchun, Edukids sahifalaridan o‘rin olgan qiziqarli videolarni tomosha qilishni tavsiya etamiz.

💻Quyida Siz uchun
Xotirangizni mustahkamlovchi
Aqlingizni charxlovchi
Dunyoqarashingizni boyituvchi
videolarni eʼtiboringizga havola etmamiz.

Vazirlikning rasmiy sahifalariga ulanish
Telegram | Youtube | Facebook | Instagram