#Yangi_yil_shukuhi
#Nazm

Yangi yil

Ketib borar "xayr" demasdan,
Ketaverar qayrilmay bir zum.
Ortda qolar baxtli onlarim,
Kutib tura olarmi bir kun?

Kelajakka tikilgan ko'zlar,
Omad cho'qqilarin ko'zlaydi.
Yil almashinar kiprik qoqqanday,
Yangi yil orzudan so'zlaydi.

O'tmishidan faxrlanar dil,
Kelajak-da g'ururga to'lib.
Yillar o'tar entikadi dil,
Go'yo omad timsoli bo'lib.

Kelaver yangi yil qarshi olaman,
Zarvaraqqa yozildi ortda qolgan yil.
Bir yosh ulg'aydik, aqlimiz o'sdi,
Bizni quvontirgin sen ham Yangi yil!

✍ Aminboyeva Nafisa,
Ogahiy nomidagi ijod maktabining 8-"B" sinf o'quvchisi

#Yangi_yil_shukuhi
#Nazm

Kumush qish

Ayoz bobo otin qanchilab,
Yelib keldi yana kumush qish.
Qir-adirni qip yalangʻochlab,
Dalalarda toʻxtadi yumush.

Havo sovuq, achchiq izgʻirin,
Toʻxtamaydi sovuqning shashti.
Hamma kiygan ustiga poʻstin,
Oʻzgachadir kumush qish gashti.

Qorlar yogʻar, havo ham toza,
Oppoq boʻlar qir-adir, oʻrmon.
Bolalarga qor yogʻsa mazza,
Oʻynashadi yayrab qorboʻron.

Yasaydilar oppoq Qorbobo,
Bezatilar uylarda archa.
Yangi yilga keling marhabo,
Yangi yilni kutadi barcha.

Yer muz qotgan, anhor yaxmlak,
Qishda uxlar tin olib borliq.
Tarnovlarda kumush sumalak,
Tabiat ham chiqarar hordiq.

✍: RUSTAMBOYEVA NIGINA,
Ogahiy nomidagi ijod maktabining
7-"A" sinf oʻquvchisi

#Yangi_yil_shukuhi
#Nazm

Sarhisob qilinar yilning soʻnggida...

Sarhisob qilinar yilning soʻnggida-
Nelar istadik-u nelarga yetdik?
Bajara oldikmi ezgu amallar,
Yoki gʻaflat uzra pinakka ketdik?

Chala qolldi baʼzan zikr-u ibodat,
Tark etdik gohida duo qilmoqni.
Qusurlar tilsa-da dilni behisob,
Har holda oʻrgandik-da yashamoqni.

Doʻstlar mehr bilan tutdi qoʻllardan,
Gʻanimlar panadan uzdilar paykon.
Ming bora rozimiz har ikkisidan,
Oʻzing kifoya qil ey Razzoq, Rahmon.

Xarajatlar qildik kattadan katta,
Daromadlar ham toʻldirdi qopni.
Bir moʻmin, muslimga qildikmi rahm.
Unutib qoʻymadikmi ekan Insofni?!

Noshud bandamiz-da xatolar qator,
Ranjib qolganlardan soʻrayman uzr.
Yaxshiyam borsizlar kurra-zaminda,
Mehribon insonlar sizga tashakkur.

Yangi yil keltirsin omad-u shodlik,
Neʼmatlarga toʻlsin oʻng-u soʻlimiz.
Sarhisob qilganda yilning soʻngida,
Baxtlar tutgan boʻlsin ikki qoʻlimiz!!!

✍: Barno Yusupova,
Ogahiy ijod maktabining ona tili va adabiyot fani oʻqituvchisi

#Yangi_yil_shukuhi
#Bayram_tabrigi
#Abdulla_Qodiriy_nomidagi_ijod_maktabi

🎄Yangi yilga viloyatdagi ijod maktablari tomonidan yo‘llangan bayramona tabriklar.

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|

#Yangi_yil_shukuhi
#Bayram_tabrigi
#Ibrayim_Yusupov_nomidagi_ijod_maktabi

🎄Yangi yilga viloyatdagi ijod maktablari tomonidan yo‘llangan bayramona tabriklar.

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|

#Yangi_yil_shukuhi
#Bayram_tabrigi
#Erkin_Vohidov_nomidagi_ijod_maktabi

🎄Yangi yilga viloyatdagi ijod maktablari tomonidan yo‘llangan bayramona tabriklar.

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|

#Yangi_yil_shukuhi
#Bayram_tabrigi
#Hamid_Olimjon_va_Zulfiya_nomidagi_ijod_maktabi

🎄Yangi yilga viloyatdagi ijod maktablari tomonidan yo‘llangan bayramona tabriklar.

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|

#Yangi_yil_shukuhi
#Bayram_tabrigi
#Muhammad_Yusuf_nomidagi_ijod_maktabi

🎄Yangi yilga viloyatdagi ijod maktablari tomonidan yo‘llangan bayramona tabriklar.

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|