Ижтимоий тармоқларда тарқалган видеода “Сумалак сайли” муносабати билан йиғилган жамоатчилик кайфиятини кўтариш мақсадида маданият маркази ташаббуси билан қадриятларимиз ҳамда анъаналаримиз мос қўшиқлар ижроси акс этганини маълум қиламиз.

Ушбу муносабат билан маданият муассасалари юртимиз бўйлаб “Обод хонадон – обод кўча – обод маҳалла” мезонлари асосида олиб борилаётган самарали ишларни, миллий мумтоз санъатимиз дурдоналарини аҳолига улашишни ва ҳаваскор санъаткорларимизни қўллаб қувватлашни давом этишини билдиради.

Ижтимоий тармоқларда “МОТОЧИЛАРГА ПИЧОҚ БИЛАН ТАҲДИД ҚИЛИШДИ” сарлавҳаси билан тарқалган видеохабарда акс этган ҳолатга Андижон вилояти ИИБ томонидан ойдинлик киритилиб, ушбу ножўя ҳаракатларни содир этган шахснинг хатти-ҳаракатларига ҳуқуқий баҳо берилди.

Мазкур ҳолат юзасидан Жиноят кодексининг 112-моддаси (Ўлдириш ёки зўрлик ишлатиш билан қўрқитиш) 1-қисми ҳамда 169-моддаси (Ўғирлик) 1-қисми билан жиноят иши қўзғатилиб, гумонланувчи шахсга нисбатан қамоққа олиш тарзидаги эҳтиёт чораси қўлланилди.

Жиноят иши Андижон вилояти прокуратураси томонидан назоратга олинди.

Бугун ижтимоий тармоқларда бир гуруҳ фуқаролар уй сотиб олиш мақсадида тўлов қилиб, алдангани ҳақида хабарлар тарқалди. Қурилиш ва уй-жой коммунал хўжалиги вазирлиги мазкур ҳолат юзасидан қуйидагиларни маълум қилади:

Тошкент шаҳри Олмазор туманидаги “Чилтўғон” маҳалласи, “Уста Олим” 2-берк кўчасида жойлашган қурилиш ишлари “STRONG CITIES” МЧЖ томонидан амалга оширилган. Бироқ ушбу объект бўйича қонунчиликда белгиланган тартибда зарур рухсатнома ва ҳужжатлар олинмаган.

Хусусан, Вазирлар Маҳкамасининг 2022-йил 20-апрелдаги 200-сонли қарори талабларига кўра:
• қурилишга рухсатнома олинмаган;
• архитектура-режалаштириш топшириғи ишлаб чиқилмаган;
• лойиҳа-смета ҳужжатлари Тошкент шаҳар Қурилиш бошқармаси билан келишилмаган.

Тошкент шаҳар Қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан ўтказилган текширувда, объектда фақат ер учун кадастр ҳужжатлари мавжудлиги, қурилиш ва монтаж ишларини амалга ошириш учун эса зарур ҳужжатлар йўқлиги аниқланган.

Натижада белгиланган тартибда огоҳлантириш хати юборилиб, қурилиш ва монтаж ишлари тўхтатилган.

Шунингдек, объект сейсмик хавфсизлик талабларига жавоб бермагани боис, қурувчи ташкилот томонидан ўз ихтиёри асосида объектда демонтаж ишлари амалга оширилган.

Шу билан бирга, лойиҳа-смета ва бошқа тегишли техник ҳужжатлар қайта кўриб чиқилиб, тўлиқ расмийлаштирилган ҳолда қурилиш ишларини белгиланган тартибда давом эттирилиши қурувчи ташкилот вакиллари томонидан таъкидланган.

❗️ Шу ўринда эслатма: ФУҚАРОЛАРДАН УЙ-ЖОЙ ХАРИД ҚИЛИШДА ОБЪЕКТНИНГ БАРЧА ҲУҚУҚИЙ ҲУЖЖАТЛАРИ ВА РУХСАТНОМАЛАРИ МАВЖУДЛИГИНИ СИНЧИКЛАБ ТЕКШИРИШ ТАВСИЯ ЭТИЛАДИ.