HURMATLI VATANDOSHLAR!

Sizlarni eng ulugʻ, eng aziz bayram — Oʻzbekiston Respublikasi davlat mustaqilligining oʻttiz uch yillik bayrami bilan samimiy muborakbod etaman.

Istiqlol yillarida mamlakatimiz qanday yutuq va natijalarga erishgan boʻlsa, bularning barchasi mustaqillik sharofatidir.

U tufayli oʻzligimizni angladik, Oʻzbekiston ulkan salohiyatini butun dunyoga namoyon qildi. Xalqimizning fidokorona mehnati, yoshlarning gʻayrati, azmu shijoati ila vatanimizning shon-shuhrati olam uzra yanada kengroq yoyilmoqda.

Bugun mamlakatimiz mustaqillikka erishganiga 33 yil toʻldi. Shu munosabat bilan, Sizlarni jonajon Vatanimiz mustaqilligining oʻttiz uch yillik bayrami bilan chin qalbimdan bilan tabriklab, barchangizga sihat-salomatlik, oilaviy baxt tilayman.

Yurtimiz hamisha tinch va farovon, osmonimiz musaffo boʻlsin! Mustaqillik bayrami barchangizga muborak boʻlsin!

Hurmat bilan Nurota tuman ixtisoslashtirilgan maktab ma'muriyati

Hurmatli ustozlar,
Qadrli o‘quvchilar!

Avvalo barchangizni jonajon O‘zbekistonimiz mustaqilligining 33 yillik bayrami hamda bugungi yana bir katta shodiyona — “Bilimlar kuni” bilan samimiy tabriklayman.

Aytish lozimki, so‘nggi yillarda maktabgacha va maktab ta’limi tizimida olib borilayotgan izchil islohotlar natijasida sohadagi har bir jabhada katta o‘zgarishlar kuzatilmoqda. Bugun ta’lim tizimida mehnat qilayotgan yuz minglab ustozlarimiz bu islohotlar samarasini o‘z faoliyati misolida ko‘rmoqda, his etmoqda.

Muhtaram Prezidentimiz mustaqillik bayrami munosabati bilan yo‘llagan tabrigida bu fikrlarimizga hamohang ravishda Yangi O‘zbekistonni barpo etishda avvalo sifatli ta’lim tizimini yo‘lga qo‘yishni birinchi navbatdagi vazifa ekanligini alohida ta’kidlab o‘tdi. Shuningdek, “Muammolarimizning yechimi savollarimizning javobi faqat va faqat ta’limda. Hamma eshiklarni ochadigan kalit ham – faqat va faqat ta’lim va tarbiyadir” degan so‘zlari ham biz soha xodimlariga katta mas’uliyat va ishonch bag‘ishlaydi.

Bugun maktab ostonasiga ilk bor qadam qo‘yayotgan 700 mingga yaqin o‘g‘il-qizlarimiz hamda ularning ota-onalari, yaqinlari yuragidagi hayajon ular qatorida barcha ustozlarimiz qalbini ham egallagan desam, yanglishmagan bo‘laman. Zero, muqaddas maskan — ta’lim dargohiga bilim istab kelayotgan bolalarimiz bizning ertangi ishonchimiz, suyanchimizdir.

Aziz o‘quvchilar!

Yana bir bor barchangizni bugungi bayram, quvonchli kun bilan qizg‘in tabriklayman. Bilim cho‘qqilarini zabt etishda barchangizga katta muvaffaqiyatlar tilayman.

Hilola Umarova,
Maktabgacha va maktab ta'limi vaziri