#tadbir

🔰 Nurafshon shahar hokimligi va Diniy qo‘mita hamkorligida shahrimizdagi barcha tashkilot rahbarlari, MFY raislari, hokim yordamchilari, yoshlar yetakchilari hamda Xalq ta’limi mutasaddilari ishtirokida "Jaholatga qarshi - ma’rifat" mavzusida targ‘ibot uchrashuvi o‘tkazildi.

⚡️ Uchrashuvda Din ishlari bo‘yicha qo‘mita xodimi Ilhom Marupov va Jaxongir Meliqo‘ziyevlarning ma’ruzasi tinglandi. Tadbir davomida "Soxta da’vat" va "Jar yoqasida" nomli videoroliklar namoyish etildi. Shuningdek, ma’ruza davomida yoshlarni yot g‘oyalar ta’siriga tushishining oldini olish, turli ijtimoiy tarmoqlardan to‘g‘ri foydalanish va tinchlikning bebaho ne’mat ekanligi ta’kidlandi.

@Nurafshonpressa

#sayohat

Kuni kecha Nurafshon shahrida ayollar daftarining 3-bosqichida ro‘yxatda turuvchilar uchun shahar hokimligining tashabbusi bilan sayohat uyushtirildi.

Madaniy hordiq olishga shaylanganlar dastlab Yangi O‘zbekiston bog‘iga yo‘l olishdi.

Sayohat shunchaki aylanish bilan emas, aksincha “Xalqlar do‘stligi” saroyida o‘tkazilgan konsert bilan nihoyasiga yetdi.

Ko‘ngli ko‘tarilgan ayollar o‘z minnatdorchiliklarini izhor etishdi.

@Nurafshonpressa

#til_bayrami

O‘zbek tili bayrami kuni munosabati bilan yozma ishlar tanlovi maktab bosqichi bo‘lib o‘tdi

Respublikamizning barcha hududlari qatorida Nurafshon sharidagi barcha maktablarda 21-oktabr O‘zbek tili bayrami kuni munosabati bilan tadbirlar o‘tkazilmoqda.

O‘zbek tiliga davlat tili maqomi berilganining 33 yil to‘lishi munosabati bilan "Qadring baland bo‘lsin ona tilim" mavzusida 10-11-sinflar o‘rtasida insholar tanlovining maktab bosqichi bo‘lib o‘tdi. Ushbu tanlovda barcha sinf o‘quvchilari faol qatnashdilar.

@Nurafshonpressa

#sport

2022-yil 7-oktyabr kuni Nurafshon shahar sport maktabi sport zalida "Prokuror kubogi" uchun milliy kurash sport turidan 1-2-3-4 sektrlararo 16-21 hamda 22-26 yosh toifasida  musobaqalar o‘tkazildi.

Bellashuvlarda g‘olib bo‘lganlar munosib taqdirlanishdi.

@Nurafshonpressa