Нурафшон шаҳрида ПҚ-1-сонли Президент қарори ижроси юзасидан навбатдаги таҳлилий йиғилиш бўлиб ўтди.

2025 йил 3 январдаги Ўзбекистон Республикаси Президентининг ПҚ-1-сонли “Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги қарори ижроси доирасида 3-чорак ҳолати таҳлили ва амалга оширилмай қолган вазифалар бўйича мониторинг ишлари амалга оширилди.

Шу муносабат билан Нурафшон шаҳрида кенг қамровли таҳлилий ва танқидий руҳда йиғилиш ташкил этилди. Йиғилишда шаҳар ҳокими И.Кличханов, шаҳар прокурори ўринбосари А.Олимов, Ички ишлар бўлими бошлиғи А.Юлдашев, шунингдек, мутасадди ташкилотлар иштирок этдилар.

Йиғилиш давомида қарор ижроси бўйича масъул идоралар раҳбарларининг ҳисоботлари эшитилди. Ҳар бир маҳаллада қонунийликни таъминлаш, жиноятчиликни камайтириш ва профилактик тадбирларни кучайтириш юзасидан кўрилаётган чоралар таҳлил қилинди.

Мониторинг жараёнида айрим топшириқлар бажарилишида сусткашликка йўл қўйилаётгани, профилактика инспекторлари ва маҳалла фаоллари ўртасида ҳамкорлик етарли даражада эмаслиги, айрим ҳолларда эса назорат ва ҳисобот механизмлари самарасиз экани қайд этилди.

Йиғилиш якунида мутасаддилар олдига аниқ вазифалар қўйилди. Жумладан:
- амалга оширилмаган топшириқларни тезкорлик билан бажариш;
- ҳар бир маҳаллада жиноятчиликни барвақт аниқлаш ва унинг олдини олишда инновацион ёндашувларни жорий этиш;
- профилактик тадбирларда аҳоли иштирокини ошириш;

Масъул раҳбарлар фаолиятини доимий таҳлил ва назорат қилиш юзасидан чоралар белгиланди.

Телеграм | Instagram  | Youtube | Tik tok | Facebook

Toshkent yo‘li ko‘chasida obodonlashtirish holati o‘rganildi

Nurafshon shahrida hududlarni obodonlashtirish, yashil maydonlarni saqlash va shahar ko‘rkini oshirish bo‘yicha tizimli ishlar davom etmoqda.

Shu maqsadda Nurafshon shahri hokimi I. Klichxanov, shahar IIB boshlig‘i A. Yuldashev, prokuror o‘rinbosari A. Olimov, hokim o‘rinbosarlari hamda tegishli tashkilot rahbarlari ishtirokida Toshkent yo‘li ko‘chasida navbatdagi o‘rganish ishlari olib borildi.

Tashrif davomida ko‘cha bo‘ylab amalga oshirilgan obodonlashtirish holati, xususan:

🔹 ekilgan daraxt va rayhon gullarining holati,
🔹 ularning parvarishi va sug‘orilishi,
🔹 begona o‘tlarni tozalash ishlari,
🔹 umumiy tozalik va sanitariya holati o‘rganildi.

Shuningdek, ushbu ko‘cha bo‘ylab joylashgan muassasa va tashkilotlarga biriktirilgan mas’ul rahbarlarga obodonlashtirish ishlari bo‘yicha aniq vazifalar yuklatildi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Nurafshon faxri — Mirjalol Komilov jahon chempionatida kumush medalni qo‘lga kiritdi

🇵🇹Portugaliyaning Montemor-o-Velyu shahrida bo‘lib o‘tgan baydarka va kanoeda eshkak eshish bo‘yicha U18 va U23 toifasidagi jahon chempionatida O‘zbekiston milliy terma jamoasi yurtimiz sha’nini munosib himoya qildi.

Mazkur nufuzli musobaqada dunyoning 64 davlatidan kuchli sportchilar ishtirok etib, kuch sinashdilar. O‘zbekiston delegatsiyasi musobaqani 2 ta kumush va 1 ta bronza medali bilan yakunlab, jahon arenalarida yana bir bor o‘z salohiyatini namoyon etdi.

Faxrli jihati shundaki, ushbu kumush medallardan birini Nurafshon shahri o‘g‘loni, U23 toifasida ishtirok etgan Mirjalol Komilov C-2 yo‘nalishida qo‘lga kiritdi. U jahonning eng kuchli sportchilari bilan bellashib, kuchli ikkinchi o‘rinni egalladi va milliy bayrog‘imizni xalqaro maydonda yana bir bor baland ko‘tardi.

Nurafshonlik Mirjalol Komilovning ushbu yutug‘i nafaqat shahrimiz, balki butun yurtimiz sporti tarixida muhim voqea bo‘lib qoladi.