#Кибр #тўла #банк #раҳбарларига етарли таълим тарбия бериш керак Ҳурматли Туробжон Исломович.

Айрим банк раҳбарларингиз банкни ўзиникидек, банк ичидаги пулларни ҳам ўзинидек, ўзгаларга ёрдам беришга ожиздек тутиши яхши эмас.

Банк муаммолари бўйича бир икки банк раҳбарларига телефон қилдим, имкон бўлса муаммони ечими топиб фуқароларга ёрдам беринг, деб.

Бирам ўзича осмонда гаплашдики шунчаки куласиз😄ўле бир кичик банкка раҳбарча бўлиб ўзини виқордек бир ишни виждонан жой жойига қўйиб ишлагандек🙄

Қандай ишлаганини, кўплаб тадбиркорларни атайин боши берк кўчаларга тиққанини исботи билан кўрдик.

Бу ҳақида бир неча маротаба ижтимоий тармоқларда ёзиб билдирдим.

Лекин ўша банкка жойлашиб олган валломатлар ҳали ҳануз ўз лавозимида ўзгармасдан ишлаб келишини кўриб ҳайрон қолдим.

Бизда тизим издан чиққан.

Бизда фуқароларни сарсон қилганларга чора кўриш йўқ.

Бизда коррупцияга ботган ҳолда ишлаш давомий.

Банк кимники ўзи Ўзбекистонда Ҳурматли Президент, банк Халқники, дегандингиз, афсуски банк Халқники эмаслигини, банк, банк раисиникини исботи билан кўряпмиз.

Қачон бу бурни осмонда банк раҳбарларига қонунан чора кўрасизлар?!

Қачон Халқ учун бериладиган кредитлар Халқни сарсон қилмасдан берилади?!

https://t.iss.one/Nigora_Alimova

#Олтин кукуни қўшилган ош ва гўшт бўйича диний уламоларимиз ўз фикрларини билдирибдилар.

Қўқон шаҳар Пирамида ресторанининг бойвуччалари ўқинг, хулоса қилинг, фойдаси текса ажаб эмас, манга деса кейинги сафар бриллиант кукунини сепиб 10000$ долларлик емак тайёрланг👇

ОЛТИН ҚЎШИЛГАН ТАОМ ЕЙИШНИНГ ҲУКМИ
#ҳалол_ҳаром
#таомланиш
#исроф  #кибр

❓1119-CАВОЛ: Ҳозирда олтинни ош, кабоб ёки пиццага қўшиб тайёрлаш урф бўлмоқда. Динимизда ушбу таомларни тановул қилиш мумкинми?

💬 ЖАВОБ: Бисмиллаҳир роҳманир роҳийм.
Олтинни ўзини ейиш ёки уни бирор таомга қўшиб тановул қилиш динимизда мумкин эмас.
Биринчидан,  аслида олтин ва кумуш нақд пул ҳамда аёлларга зийнат қилиб яратилган. Уни ейдиган нарсага айлантириш жоиз эмас. Бундай қилиш шаръий ва инсоний урфга зиддир. Бирор бир миллат, дин ёки жамият олтин ва кумушни таом сифатида қабул қилмаган. Қуръони каримда Аллоҳ таоло шундай деган:

وَقُلْنَا يَا آَدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ

“Биз айтдик: «Эй Одам, сен ва жуфтинг (Ҳавво) жаннатда яшангиз ва хоҳлаган жойларингизда ундан (неъматларидан) бемалол тановул қилингиз. Фақат мана бу дарахтга яқинлашмангиз, (акс ҳолда) золимлардан бўлиб қолурсиз” (Бақара сураси,35-оят).

Ушбу оятда емаслик керак бўлган нарсани ейиш зулм, деб эътиборга олинмоқда. Демак, тилла ёки кумушни ейиш ҳам зулм ҳисобланади.

Иккинчидан, олтин ва кумушдан ясалган идишларда таомланиш ва ичиш ҳам жоиз эмас. Пайғамғамбаримиз алайҳиссалом бу ҳақда шундай деганлар:

"لَا تَشْرَبُوا فِي آنِيَةِ الذَّهَبِ وَالفِضَّةِ" (متفق عليه)
“Олтин ва кумуш идишларда (таом ва сув) ичманглар...” (Муттафақун алайҳ).

Уламоларимизнинг сўзларига кўра, бу қайтариқнинг сабаби олтин ва кумуш идишларда еб-ичиш кибр ҳамда фахрга олиб боради ва фақир инсонларнинг кўнглини синдиради. Ушбу салбий сифатлар олтинни идиш сифатида ишлатгандан кўра олтинни истеъмол қилишда кўпроқ топилади. Бу эса ўз навбатида инсон қалбидаги бандалик сифатини  йўқолишига сабаб бўлади.

Учинчидан, бу молни исроф ва зое қилиш ва неъматларнинг қадрини ерга уриш ҳисобланади. Пайғамбаримиз алайҳиссалом еб-ичиш, садақа ва кийинишда исроф қилиш ҳамда кибрга кетишдан қайтариб шундай деганлар:

كُلُوا واشرَبوا وتَصدَّقوا والْبَسوا ما لم يخالِطْهُ إسرافٌ أو مَخيَلةٌ (رواه الامام ابن ماجه)

“Модомики исроф ва кибр аралашмас экан енглар, ичинглар, садақа қилинглар ва кийинглар” (Имом Ибн Можа ривояти).

Бошқа ҳадиси шарифда Расулуллоҳ саллаллоҳу алайҳи ва саллам: “Аллоҳ таоло қийлу қол (миш-миш тарқатиш), кўп савол бериш ва молни зое қилишингизни ёмон кўради”, деганлар (Имом Муслим ривоятлари).

Тўғри, айрим табиблар шифо мақсадида кам миқдорда олтин истеъмол қилишни тавсия қилган бўлиши мумкин. Бу заруратда бошқа дори қолмагани учун “ҳаром билан даволаниш” бобидан бўлиб, алоҳида мавзу ҳисобланади. Лекин одатдаги ҳолатда тилла ва кумушни таомга қўшиб ейиш ҳалол эмас. Валлоҳу аълам.

Ўзбекистон мусулмонлари идораси
Фатво маркази.

ЖАВОБ: 👇👇
https://t.iss.one/Shayx_Hazrat/35829

https://t.iss.one/Nigora_Alimova