Vazir oʻrinbosari Boʻstonliq tumani Sport maktabi filiallarida bo`ldi

Sport vaziri o`rinbosari A.Karimov Toshkent viloyati Sport boshqarmasi boshligʻi R.Bobokulov hamrohligida Boʼstonliq tumanida yangitdan barpo etilayotgan Regbi hamda Veloshosse sport bazasida yakuniga etib borayotgan qurilish ishlari bilan yaqindan tanishdi.

Vazir o'rinbosari hududdagi qurilish-ta'mirlash ishlarini ko'zdan kechirib, mas'ullarga mazkur sport obyektlarini o'z vaqtida sifatli yakunlash bo'yicha ko'rsatma va tavsiyalar berdi.

Web-Sayt | Telegram | Facebook | Instagram | Youtube

Bugun Sport vaziri Adkham Ikramov sport va ommaviy jismoniy tarbiya tadbirlarining joriy yil uchun Respublika kalendar rejasi hamda nogironligi boʻlgan shaxslarning mahallalarda barpo etilayotgan sport maydonchalaridan foydalanishlari uchun shart-sharoit yaratish chora-tadbirlari toʻgʻrisida taqdimotlar bilan tanishdi.

Dastlab joriy yilda sport va ommaviy jismoniy tarbiya tadbirlarining kalendar rejasiga muvofiq ajratilishi rejalashtirilgan mablagʻlar koʻrib chiqildi.

Shundan soʻng, yangi quriladigan sport maydonchalarining loyiha hujjatlarini nogironligi boʻlgan shaxslarga moslashtirish yuzasidan oʻzgartirishlar kiritish masalalari tahlil qilindi.

Taqdimot yakunida Sport vaziri masʼullarga joriy yilda oʻtkazilishi rejalashtirilgan kompleks sport tadbirlariga puxta tayyorgarlik koʻrish, xalqaro musobaqalarda sportchilar uchun imkoniyatlar yaratib berish hamda sport maydonchalarini sifatli va oʻz vaqtida topshirish boʻyicha tavsiya va koʻrsatmalar berdi.

Web-Sayt | Telegram | Facebook | Instagram | Youtube