Toshkent shahridagi sport ta’lim muassasalari o‘rganildi
Bugun Adkham Ikramov rahbarligidagi Sport vazirligi, Otabek Umarov boshchiligidagi MOQ mutasaddilari poytaxtimizdagi qator sport tashkilotlari, ularga tegishli inshootlar faoliyati bilan yaqindan tanishib, barcha jabhalarda o‘rganish ishlarini olib bordi.
Dastlabki manzil Yakkasaroy tumanidagi 1-sonli sport maktabi bo‘ldi. Unda mutasaddilar maktabning infratuzilmasi, yoshlar uchun yaratilgan sharoitlar, qish mavsumiga tayyorgarlik jarayoni bilan yaqindan tanishishdi. Keyingi manzil o‘zbek sporti uchun muhim ta’lim maskanlaridan biri bo‘lgan Respublika Olimpiya va Paralimpiya sport turlariga tayyorlash markazi (ROPSTTM) bo‘ldi.
Shu kunlarda ROPSTTM suzish bo‘yicha turli yosh toifalaridagi O‘zbekiston kubogi bahslariga mezbonlik qilmoqda. Rasmiylar musobaqa jarayonida terma jamoa murabbiylari bilan iqtidorli yoshlarni seleksiya qilish mavzusida suhbatlashishdi. Shundan so‘ng ishchi guruh gandbol, yengil atletika, kamondan otish, karate va boks zallarida ham bo‘lib, u yerdagi sharoitlarni o‘rgandi.
Yakunda federatsiya va assotsiatsiyalarning poytaxtimizdagi bo‘limlari vakillari, murabbiylar, shuningdek, ROPSTTM mutasaddilari bilan uchrashuv o‘tkazildi. Unda yosh sportchilarni xalqaro musobaqalarga munosib tayyorlash, sport ta’limi sohasida yangi metodikalar ustida ishlash kabi mavzularda suhbatlashildi.
Bunda BO‘SMlardan boshlab milliy terma jamoagacha bo‘lgan tizimni o‘rganish, ya’ni ishni eng quyi bo‘g‘indan tashkil etish, ish samaradorligini oshirish uchun hududiy tashkilotlar bilan o‘zaro hamkorlikda taklif tayyorlash ko‘zda tutilgan.
Web-Sayt | Telegram | Facebook | Instagram | Youtube
Bugun Adkham Ikramov rahbarligidagi Sport vazirligi, Otabek Umarov boshchiligidagi MOQ mutasaddilari poytaxtimizdagi qator sport tashkilotlari, ularga tegishli inshootlar faoliyati bilan yaqindan tanishib, barcha jabhalarda o‘rganish ishlarini olib bordi.
Dastlabki manzil Yakkasaroy tumanidagi 1-sonli sport maktabi bo‘ldi. Unda mutasaddilar maktabning infratuzilmasi, yoshlar uchun yaratilgan sharoitlar, qish mavsumiga tayyorgarlik jarayoni bilan yaqindan tanishishdi. Keyingi manzil o‘zbek sporti uchun muhim ta’lim maskanlaridan biri bo‘lgan Respublika Olimpiya va Paralimpiya sport turlariga tayyorlash markazi (ROPSTTM) bo‘ldi.
Shu kunlarda ROPSTTM suzish bo‘yicha turli yosh toifalaridagi O‘zbekiston kubogi bahslariga mezbonlik qilmoqda. Rasmiylar musobaqa jarayonida terma jamoa murabbiylari bilan iqtidorli yoshlarni seleksiya qilish mavzusida suhbatlashishdi. Shundan so‘ng ishchi guruh gandbol, yengil atletika, kamondan otish, karate va boks zallarida ham bo‘lib, u yerdagi sharoitlarni o‘rgandi.
Yakunda federatsiya va assotsiatsiyalarning poytaxtimizdagi bo‘limlari vakillari, murabbiylar, shuningdek, ROPSTTM mutasaddilari bilan uchrashuv o‘tkazildi. Unda yosh sportchilarni xalqaro musobaqalarga munosib tayyorlash, sport ta’limi sohasida yangi metodikalar ustida ishlash kabi mavzularda suhbatlashildi.
Bunda BO‘SMlardan boshlab milliy terma jamoagacha bo‘lgan tizimni o‘rganish, ya’ni ishni eng quyi bo‘g‘indan tashkil etish, ish samaradorligini oshirish uchun hududiy tashkilotlar bilan o‘zaro hamkorlikda taklif tayyorlash ko‘zda tutilgan.
Web-Sayt | Telegram | Facebook | Instagram | Youtube