Шоир, таржимон Матназар Абдулҳаким Азамат Отажановни 40 ёши билан табрикламоқда. Урганч, 2009-йил

Матназар Абдулҳаким

* * *
Олдирмайди лаҳза туғин тин,
Туғ ҳилпирар – мудҳиш бир парча,
Бахтни қилар дилдан қувғинди
У берган ва у еган зарба.

Узилса бир офат силсила
Дастидан сон саноқсиз дил қон,
Денгиз тубида у зилзила,
Тоғлар чўққисида у вулқон.

На бир жойда тартиб бузади,
Қилар ўздан суво санъатни.
Мувозанат уни бузади,
У бузади мувозанатни.

Талон-торож қилишда тенгсиз,
Увиллайди чарх уриб, гирён.
Увиллайди чайпилиб денгиз,
У не, гоҳ олифта,гоҳ урён?

Ким у? Ўкрар арслондек нега?
Ким у? Увлар мисли дайди ит?..
Умидини йўқотган эга,
Эгасини йўқотган умид!..
2008
@M_Abdulhakim

Устоз Матназар Абдулҳаким нафақат Шеъра, балки Сўзам дим усто бўлган 😄

Давоми шўллада: https://www.instagram.com/reel/DLaU7bNINmu/?igsh=MXYxOXR4bmJrdmozMw==

#бирга_кулишамиз | @Rahmat_Bobojon

Матназар Абдулҳаким
* * *
Севгимизни қиларкан тасдиқ,
Ҳикматини этажакмиз фош.
Икки бошга ошиқ бир ёстиқ.
Бир ёстиққа ошиқ икки бош.

Бир ёстиққа бош қўйдик. Бу дард
Унуттирар ҳижрон озорин.
Нафасини ичига ютар
Қанча-қанча қушлар бозори.

Ёз сершудринг, ёз, о, беқиров,
Гул фаслига тўйиб кетибди.
Ёстиғимнинг устига биров
Бир атиргул қўйиб кетибди.

Атиргулда илоҳий жамол,
Унутар жон ваҳми маргларни.
Япроқларни елпийди шамол,
Оралайди гул баргларини.

Бу дақиқа, бу лаҳза, бу дам
Келажаклар келар бунёда...
Ёстиқ узра чайқалган гулдан
Мўътабарроқ бахт йўқ дунёда.

@M_Abdulhakim

Садоқат Абдулҳакимова бобоси
Матназар Абдулҳакимнинг "Ибодат" шеъринини ижро этди

https://t.iss.one/Yoz_uyushmasi_Xorazm_viloyati

Матназар АБДУЛҲАКИМ

СОҒИНИШ
(туркум)
1
Кўзларингда зангор тиниқлик
Қийнар қушдек безовта жонни.
Лоқайдгина ерга бир қараб,
Сен яширдинг икки осмонни.

Бир маҳаллар порлоқ бу осмон
Сачратганди юлдуз - юлдуз чўғ.
Учмоқ истар кўксимдаги қуш,
Жовдирайди... осмонлари йўқ.

@M_Abdulhakim

2
Туйғуларим висол пайтида
Жуфт юракка туғён солдилар,
Айрилиққа дуч келиб энди
Бирдан ювош тортиб қолдилар.

Куч берганди уларга меҳринг,
Лоқайдлигинг, балки, ўлдирар.
Оҳу бўлиб қолган арслонлар
Юрагимдан сенга мўлтирар.

3
Наҳот, шунча мукаммал бўлса
Фариштамас, оддий бир одам.
Сўзинг ёниқ булбулларники,
Ўзинг бошдан-оёқ тиллодан.

Бу дийдорга тўйиб бўлмайди
Шеърлар ёзиб, торларни чертиб.
Юрагимга жо қилай энди
Кўзларимда сени эритиб.

Матназар АБДУЛҲАКИМ
4
Кел, яхшиси, севгимдан ҳайиқ,
Бир умр бўл мендан эҳтиёт.
Яширмайман, мен бахтга лойиқ,
Лекин... лекин сен бахтдан зиёд.

Такрорланмас энг авж пардасан
Қилар бўлсам ўртаниб наво.
Сен шу қадар юксаклардасан –
Ўзимга ҳам кўрмайман раво.

@M_Abdulhakim

“So’z” loyihasi ishtirokchilaridan Ozarboyjondan maxsus she’rlar e’lon qilindi.

To’lig’ini doimgidek you tubeda ko’ring:
https://www.youtube.com/watch?v=-DSUaUMe95A

Instagramda ham bormiz:

https://www.instagram.com/reel/DL2d9acNHen/?igsh=cWc2N3BhaXBjN211

Aytgancha, sahifalarga a’zo bo’lib oling, chunki tez kunlarda ajoyib tanlov e’lon qilamiz!

Loyiha bo’yicha takliflar, fikrlarga ochiqmiz! Izohlarda yozib, sahifalaringizga ulashib qo’ying!

So’zdan qo’ymasin!

Матназар АБДУЛҲАКИМ

ПОЕЗДДА

Дим вагонда кетиб борардик,
авжда эди ёзнинг ҳовури.
Пармаларди қулоқ-миямни
қартабозлар ғала-ғовури.

Шу пайт кимдир тиниқ осмонда
ногоҳ чақин чаққандек гўё,
деразага талпиниб,деди:
— Дўстлар, ана, қаранглар — дарё!

Мен ялт этиб қарадим шунда.
(Кимдир лоқайд боқиб ётарди.)
Дарё эса зилол ва шитоб
узун ўйдек оқиб ётарди.

Гўзалликдан баҳраманд бўлмоқ
душвор, ахир, учқур поездда.
Ўтиб кетдик.
Оний иқболдек
қолди фақат ул дарё ёдда.

Биласанми,сени ҳам шундай
йўлиқтирдим оддий бир дамда.
Ва инондим, тип-тиниқ бир бахт
барқарор деб ёруғ оламда.

Ғалвалардан безиб, мунтазир,
кутганимда порлоқ бир зумни,
сени кўрдим.
Узолмадим сўнг
на умидим ва на кўзимни.

Ул дарёдан айрилганимга
ўкинардим боладек ҳамон.
Барҳам топди ўшал жудолик
сен учраган саодатли он.

Пок бир висол, тиниқ бир бахтдан
энди сўнгги дамгача мастман...
Сен дарёмас, поездмас, ҳаёт,
мен ҳам ўксиб ўтиб кетмасман.

© Матназар Абдулхаким

***
Kel, yaxshisi, sevgimdan hayiq,
Bir umr bo‘l mendan ehtiyot.
Yashirmayman, men baxtga loyiq,
Lekin... lekin sen baxtdan ziyod.

Takrorlanmas eng avj pardasan,
Qilar bo‘lsam o‘rtanib navo.
Sen shu qadar yuksaklardasan,
O‘zimga ham ko‘rmayman ravo.

Matnazar Abdulhakim

* * *
Атоийга татаббуъ

Менинг жоним! Менга жон вақти етди,
Юракташнангман, уммон вақти етди.

Чекарман додлар шаҳлоларингдан,
Бу золимларга иймон вақти етди.

Қолиб ҳажрингда, бўлдим дашту саҳро,
Буюр ташриф, гулистон вақти етди.

Етиб келди висолинг васли менга,
Фироққа мендан ҳижрон вақти етди.

Юрак синдирди кўксимда қафасни,
Қушингман, менга осмон вақти етди.

Кўзингнинг ёшлари кўксимни эзди,
Баланд тоғларга толқон вақти етди.

Ғаминг келди қилич сермаб бошимга,
Ўзинг бир асра, қалқон вақти етди!..

https://t.iss.one/M_Abdulhakim

Шайх Нажмиддин Кубро

***
Огоҳ бўл ҳамиша, бу жаҳондир бор-йўқ,
Ҳеч нарса йўқ унда кемтиги зинҳор йўқ.
Йўқ десалар, бор деб уни қил исбот,
Бор десалар, айла дадил инкор: “Йўқ!”


Матназар АБДУЛҲАКИМ таржимаси
@M_Abdulhakim

* * *

«Тақиллади эшик ногаҳон,
Ҳали қуёш тиғ ёрмаган вақт.
Чиқиб дарров эшикни очсам,
Остонада турар эди... бахт!
Дабдурустдан довдираб қолдим,
Қалтиради танглайда сўзим.
Кўзларимга ишонганим йўқ,
Ишонарли эмасди, ўзи.
Турар эди сарвқад, гулюз,
Нигоҳида чароғон зиё...
« - Ие?!.. Қайси шамол учирди,
Йўлларингдан адашдингми ё?!..»

Матназар АБДУЛҲАКИМ