🇺🇿Joriy yilning 4-mart kuni Investitsiyalar, sanoat va savdo vaziri Laziz Kudratov Arab muvofiqlashtirish guruhining Toshkent shahrida bo‘lib o‘tgan davra suhbatida ishtirok etdi.

🟠Tadbirning asosiy maqsadi – joriy qoʻshma loyihalarni amalga oshirish jarayonini koʻrib chiqish va iqtisodiyotning ustuvor tarmoqlarida yangi istiqbolli tashabbuslarni aniqlash.

🟠Muloqotda arab davlatlarining yetakchi moliya institutlari rahbarlari, xususan, Islom savdo va moliya korporatsiyasi, Islom taraqqiyot Banki, Saudiya taraqqiyot jamgʻarmasi va boshqalar ishtirok etdi.

✍️ Bugungi kunga qadar O‘zbekistonda Arab muvofiqlashtirish guruhi a’zolari bilan birgalikda 40 dan ortiq loyihalar amalga oshirilgan, 21 ta loyiha esa amalga oshirilmoqda va 8 tasi ishlab chiqilmoqda.

🟠Davra suhbati kun tartibiga muvofiq Orolbo‘yi mintaqasi uchun Inson xavfsizligi bo‘yicha ko‘psheriklik trast jamg‘armasi tomonidan O‘zbekistonda amalga oshirilayotgan loyihalar ko‘rib chiqildi. Delegatsiya vakillari hududda ijtimoiy ahamiyatga ega tashabbus va loyihalarni amalga oshirishda ishtirok etishga taklif etildi.

🟠Uchrashuv yakunida tomonlar aviatsiya, avtomobil va temir yoʻl transporti, logistika, turizm infratuzilmasini rivojlantirish, suv taʼminoti, sogʻliqni saqlash va taʼlim hamda kichik va o‘rta biznes loyihalarini moliyalashtirish kabi sohalarda 20 ta istiqbolli loyihadan iborat Davra suhbatining Yakuniy bayonnomasini imzoladilar.