Qashqadaryo viloyati FVB xodimi – Osiyo chempionati sovrindori

Joriy yilning 20-21-may kunlari Toshkent shahrida “Ashihara-karate” sport turi bo‘yicha Osiyo ochiq chempionati o‘tkazildi.

Musobaqada 700 nafardan ortiq ishtirokchi g‘oliblik uchun o‘zaro bahs olib bordi. Murosasiz kechgan jangda Qashqadaryo viloyati FVB Maxsus vazifalarni bajaruvchi mintaqaviy qutqaruv otryadi qutqaruvchisi Ro‘zimurod Umbarov 70 kg vaznda kurash olib borib, 2-o‘rinni egalladi hamda jahon chempionatiga yo‘llanmani qo‘lga kiritdi.

G‘olib va sovrindorlar diplom hamda medallar bilan taqdirlandilar.

O‘z o‘rnida, hamkasbimiz Ro’zimurod Umbarovni ushbu muvaffaqiyat bilan qizg‘in muborakbod etib, kelgusida tashkil etiladigan musobaqalarda ham omad va zafarlar tilab qolamiz.

Boshqa yangiliklar
Fvv.uz | Facebook | Telegram | Youtube | instagram

Cho‘kish bilan bog‘liq hodisalarning yuz bermasligi uchun avvalambor cho‘milish qoidalariga qat'iy rioya qilish lozim. Buning uchun birinchi navbatda ob-havo quyoshli va shamol bo‘lmagan paytda, havo harorati issiq bo‘lgan vaqtda cho‘milish tavsiya etiladi. Qorin och bo‘lganda, charchaganda, chanqaganda, yaqinda bemorlikdan turganda, spirtli ichimlik iste'mol qilinganda, yolg‘iz bo‘lganda va oftob urish hollarida cho‘milish maqsadga muvofiq emas. Shuningdek, taqiqlangan joylarda cho‘milish, kater va qayiqlarga yaqin suzib borish, yosh bolalarni suvda qarovsiz qoldirish, chegaralangan belgilardan tashqariga chiqish, ko‘prik, damba va kemalardan suvga sakrash, notanish joylarga sho‘ng‘ish taqiqlanadi. Batafsil...

Boshqa yangiliklar👇

Fvv.uz | Facebook | Telegram | Youtube | instagram

OCHIQ SUV HAVZALARIDA CHO‘MILISH HAYOTINGIZ UCHUN XAVFLIDIR

Har bir faslning o‘ziga yarasha jozibasi bo‘lgani singari bahor va yozning issiq tafti ham insonlarni soya-salqinlik sari chorlaydi. Bunda zamonaviy sovutkich o‘rnatilgan xonada dam olishga, muzdek salqin ichimlik ichishga yoki bo‘lmasa, huzurbaxsh suvda maza qilib cho‘milishga nima yetsin.

Biroq cho‘milishning huzurbaxshligi bilan bir qatorda, har yili dunyo bo‘ylab 300 ming nafarga yaqin inson mana shu huzur istagida belgilanmagan joylarda cho‘milishlari oqibatida hayotdan bevaqt ko‘z yumayotganligi yoki bo‘lmasa, har yili kemalar halokatga uchrashi oqibatida ko‘plab insonlarning hayotdan bevaqt ko‘z yumishi kishini o‘yga toldiradi.

Bunday vaqtlarda har bir inson “suvda cho‘kish men va mening yaqinlarim bilan sodir bo‘lmaydi” degan befarqlik va beparvolik chulg‘agan fikrdan biroz chekinib, o‘zi, oila a’zolari va yaqin kishilarini ehtiyot bo‘lishga chaqirishi va ogohlantirib turishi uning kundalik vazifasi emasmikan, deb o‘ylaysan kishi. Zero, har bir fuqaro uchun farzandlari, yaqin kishilari azizdir.

Yoshlar o‘rtasida yuzaga kelayotgan suvdagi halokatlarning aksariyati ularning nazoratsiz qoldirilishi va o‘zboshimchaliklari oqibatida sodir bo‘lmoqda. Statistik ma’lumotlarga ko‘ra, suvda cho‘kib halok bo‘lgan yoshlarning 95 foizi ota-onalar tomonidan nazoratsiz qoldirilganligi hamda o‘zboshimchalik bilan belgilanmagan va taqiqlangan joylarda cho‘milishi oqibatida sodir bo‘lgan. Asosan katta yoshdagi fuqarolarning suvda cho‘kishlariga ularning spirtli ichimliklar iste’mol qilib, mast holda cho‘milish uchun suvga tushishlari sabab bo‘lmoqda.

Shu bois suv havzalaridagi baxtsiz hodisalarning oldini olish maqsadida quyidagi oddiy qoidalarga amal qiling:

✅hech qachon belgilanmagan joylarda (daryo, soy, ko‘l, suv ombori, kanal va ariq) cho‘milmang;

✅“Cho‘milish taqiqlanadi” deb yozilgan maxsus belgilarga qat’iy amal qiling;

✅yozgi ta’til davrida bolalarning belgilanmagan joylarda cho‘milishga borishlariga yo‘l qo‘ymang;

✅yosh bolalarni nazoratsiz qoldirmang;

✅spirtli ichimliklar iste’mol qilib, cho‘milishga bormang;

✅faqatgina ruxsat etilgan maxsus suv havzalarida cho‘miling.

Boshqa yangiliklar
Fvv.uz | Facebook | Telegram | Youtube | instagram

#ANONS

Bugun, 26-may kuni soat 14:00 da O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida Favqulodda vaziyatlar vazirligi Seysmoprognostik monitoring Respublika markazi boshlig‘i Qahramon Qo‘chqorov ishtirokida O‘zbekiston Respublikasi Prezidentining 2023-yil 16-maydagi "O‘zbekiston Respublikasi aholisi va hududining seysmik xavfsizligini ta'minlash tizimini yanada takomillashtirishga oid qo‘shimcha chora-tadbirlar to‘g‘risida"gi PQ-158-son Qarori mohiyati mavzusida brifing o‘tkaziladi. Ushbu jonli tarzda o‘tkaziladigan brifingni "O‘zbekiston 24" va "Uzreport" telekanallarida tomosha qilishingiz mumkin.

Boshqa yangiliklar👇

Fvv.uz | Facebook | Telegram | Youtube | instagram

Surxondaryo viloyati Sariosiyo tumanidagi 50-sonli umumta'lim maktabida "Ilmni qadrlang, ilmga intiling" shiori ostida tashkil etilgan "So‘nggi qo‘ng‘iroq" tadbirida viloyati Favqulodda vaziyatlar boshqarmasi rahbariyati ishtirok etib, bitiruvchi yoshlarga hamda o‘qituvchilarga Favqulodda vaziyatlar boshqarmasi boshlig‘ining esdalik sovg‘alarini topshirdilar.

Boshqa yangiliklar
Fvv.uz | Facebook | Telegram | Youtube | instagram