“Xalq so‘zi” gazetasining 2022-yil 13-aprel 76-sonida e'lon qilingan “Daryoning uvoli urmasin!” nomli maqolaga MUNOSABAT

“Xavfsiz daryo” davlat unitar korxonasi ushbu maqolada ba'zi faktlar to‘liq o‘rganilmasdan, bir yoqlama bayon etilganini ma'lum qiladi. Xususan, maqolada O‘zbekiston Respublikasi Favqulodda vaziyatlar vazirligi huzurida tashkil etilgan “Xavfsiz daryo” DUKga qo‘yilgan ayblovga to‘xtalamiz.
Ayni shu e'tiroz bo‘yicha aytadigan bo‘lsak, “Xavfsiz daryo” DUKda Davlat geologiya va mineral resurslar qo‘mitasining 3-mart sanasi bilan yo‘llagan 02/358-sonli xulosasi mavjud. Vazirlar Mahkamasining 2018-yil 3-dekabrdagi “Daryolar o‘zanlarini tozalash ishlariga tadbirkorlik subyektlarini elektron onlayn-auksion orqali jalb qilish tartibini joriy etish to‘g‘risida”gi 981-son qarorida mas'ul tashkilotlarning vakolat va majburiyatlari belgilab berilgan.
Mazkur qaror bilan tasdiqlangan Nizomning 1-ilovasiga ko‘ra, “Daryolar o‘zanlarini tozalash maqsadida ishlab chiqilgan loyihalarni amalga oshirish huquqini elektron onlayn-auksion orqali realizatsiya qilish uchun materiallarni tayyorlash sxemasi”ga asosan jarayon 13 bosqichda amalga oshirish belgilangan.
Bundan xulosa qilish kerakki, yuqoridagi Qarorga asosan ushbu jarayonga bir nechta vazirlik va idoralar qaror ijrosiga mas'uldirlar. Tadbirkorlarning daryo o‘zanlaridan qum-shag‘allarni qazib olish jarayonini Ekologiya va atrof-muhitni muhofaza qilish davlat qo‘mitasi tomonidan berilgan Davlat ekologik ekspertiza xulosasi asosida qo‘mitaning hududiy boshqarmalari nazorat qilib boradi. Shuni alohida aytib o‘tish kerakki, Vazirlar Mahkamasining 2018-yil 3-dekabrdagi qarori bilan daryo o‘zanlaridagi qum-shag‘allarni qazib olish va tozalash faqat onlayn-auksion orqali berilishi belgilab qo‘yilgan.
2019-yilgacha esa, daryo o‘zanlari Davlat geologiya va mineral resurslar qo‘mitasi tomonidan beriladigan litsenziya orqali amalga oshirilgan. Tadbirkorlarga berilgan litsenziyalar orasida muddat 2024, 2030-yilgacha hatto, 2050-yilgacha etib belgilanganlari ham mavjud.
Chirchiq daryosi o‘zanidagi qum-shag‘allarni qazib olish va tozalash bilan shug‘ullanayotgan tadbirkorlarning taxminan 65 foizi Davlat geologiya va mineral resurslar qo‘mitasi tomonidan berilgan litsenziya asosida faoliyat yuritmoqda.
Mavjud qonunlarga asosan, Davlat geologiya va mineral resurslar qo‘mitasi tomonidan berilgan litsenziya asosida faoliyat yuritayotgan tadbirkorlar faoliyatini “Xavfsiz daryo” DUK nazorat qilish vakolatiga ega emas.
Daryo o‘zanlaridan qum-shag‘allarni qazib olayotgan subyektlar 2 toifaga bo‘linadi:
1. Litsenziya asosida foydali qazilmalarni qazish ishlari bilan shug‘ullanib kelayotgan tadbirkorlik subyektlari – Davlat geologiya va mineral resurslar qo‘mitasi huzuridagi Kon geologiya faoliyatini nazorat qilish inspeksiyasi tomonidan nazorat qilinadi.
2. Daryo o‘zanlarini tozalash jarayonida qum-shag‘al materiallarini qazib olish uchun elektron-onlayn auksion savdo maydonchasi orqali g‘olib deb topilgan tadbirkorlik suyektlari hamda hech qanday ruxsatnomaga ega bo‘lmagan (noqonuniy) daryo o‘zanlaridan qum-shag‘al qazib olayotganlar – Ekologiya qo‘mitasi tomonidan nazorat qilinadi.
“Xalq so‘zi” gazetasida “Daryoning uvoli urmasin!” nomli maqolada berilgan tanqidiy fikrlar esa yuqoridagi keltirilgan barcha toifa subyektlar faoliyatini nazorat qilish “Xavfsiz daryo” DUKga yuklab qo‘yilgan. Bu esa muxbirning mavzuni to‘liq o‘rganmasdan, bir tomonlama yondoshganini anglatadi.
Raqamlarga e'tibor qiladigan bo‘lsak, muxbir Shodiyor Mutaharov bayon etgan uzunligi 155 km.dan iborat Chirchiq daryosining 62,7 km. hududida ishlayotgan 65 nafar tadbikorlik subyektlariga Davlat geologiya va mineral resurslar qo‘mitasi litsenziyalar rasmiylashtirib bergan.

Atigi 25,7 km. maydonda daryo o‘zanlarini tozalash jarayonida qum-shag‘al materiallarini qazib olayotgan 24 ta tadbirkorlik subyektlariga O‘zbekiston Respublikasi Prezidentining 2019-yil 12-noyabrdagi PQ-4518-son Qarori hamda Hukumatning tegishli qaror va bayonnomalari asosida istisno tariqasida “Xavfsiz daryo” DUK bilan tadbirkorlik subyektlari o‘rtasida daryo o‘zanlarini tozalash jarayonida qum-shag‘al materiallarini qazib olish huquqi uchun shartnoma imzolangan.
“Xavfsiz daryo” DUK mazkur 24 ta tadbirkorlik subyektlarining faqatgina shartnoma talablarini bajarishini nazorat qiladigan bo‘lsa, Davlat ekologik ekspertiza xulosasi talablarining bajarilishini nazorat qilish ekologiya organlariga yuklatilgan.

Boshqa yangiliklar👇

Fvv.uz | Facebook | Telegram | Youtube | instagram

Navoiy viloyatida “Favqulodda vaziyatlarning oldini olish va fuqaro muhofazasi oyligi” doirasida amalga oshirilayotgan keng ko‘lamli profilaktik tadbirlar va o‘quv mashg‘ulotlari

Boshqa yangiliklar👇

Fvv.uz | Facebook | Telegram | Youtube | instagram