O‘zbekiston Respublikasi Vazirlar Mahkamasining 2021-yil 2-avgustdagi "Kichik hajmli kemalardan xavfsiz foydalanishni ta’minlash chora-tadbirlar to‘g‘risida"gi 484-son qarori talablari asosida FVV mas’ul xodimlari tomonidan Toshkent viloyati Bo‘stonliq tumanidagi Chorvoq suv ombori qirg‘og‘idagi dam olish maskanlarida kichik hajmli kemalardan xavfsiz foydalanish bo‘yicha hamkor xizmatlar bilan nazorat tartibidagi reyd tadbirlari o‘tkazildi.

Jarayonda dam oluvchi fuqarolar va maskan rahbarlari bilan tushuntirish ishlari olib borilib, yuqorida qayd qilingan qaror talablariga rioya qilmagan 8 nafar kema egalariga nisbatan ma’muriy bayonnoma rasmiylashtirildi. Mazkur reyd tadbirlari davom ettirilmoqda.

Boshqa yangiliklar
Fvv.uz | Facebook | Telegram | Youtube | instagram | X

FVV Maxsus muhandislik-qurilish boshqarmasida xizmat qilib kelayotgan yosh harbiy xizmatchi va xizmatchilar bilan “Yoshlar oyligi” doirasida “O‘zbekiston yoshlari, birlashaylik!” shoiri ostida uchrashuv bo‘lib o‘tdi. Uchrashuvda sohada xizmat qilib kelayotgan ko‘p yillik tajribaga ega ofitserlar ishtirok etib, bugungi kunda yoshlarga yaratilayotgan imkoniyatlar, shart-sharoitlar va ulardan unumli foydalanish to‘g‘risida so‘z yuritdi. Shuningdek, o‘zlarining kasbiy bilim va tajribalari bilan o‘rtoqlashdi. Tadbir yakunida bir guruh faol yoshlar taqdirlandi.

Boshqa yangiliklar
Fvv.uz | Facebook | Telegram | Youtube | instagram | X

FVV xodimi “Mard o‘g‘lon” Davlat mukofotiga sazovor bo‘ldi

Prezidentimizning tegishli qaroriga asosan mamlakatimizda amalga oshirilayotgan keng ko‘lamli islohotlarda faollik ko‘rsatib, halol va samarali mehnati bilan Vatanimiz taraqqiyotini yuksaltirish, yangi O‘zbekistonni barpo etish va uning xalqaro nufuzini oshirishga munosib hissa qo‘shib kelayotgan bir qator vatandoshlarimiz “Mard o‘g‘lon” davlat mukofoti bilan taqdirlandilar.

Quvonarlisi, ular orasida FVV tizimida o‘zining bilim va iqtidori, intiluvchanligi va tashabbuskorligi, salohiyati bilan ajralib turgan Toshkent viloyati Favqulodda vaziyatlar boshqarmasining yongʻin-qutqaruv qismi qutqaruvchi-yongʻin oʻchiruvchisi oddiy askar Saparov Javoxirbek Xikmatjon o‘g‘li ham mana shunday yuksak davlat mukofotiga sazovor bo‘ldi.

Fursatdan foydalanib, vazirlik rahbariyati hamda barcha shaxsiy tarkibi nomidan hamkasbimiz Saparov Javoxirbek Xikmatjon o‘g‘lini samimiy qutlaymiz.

Boshqa yangiliklar
Fvv.uz | Facebook | Telegram | Youtube | instagram | X

Шайхонтоҳур  туманида содир бўлган ёнғин тўғрисида бирламчи маълумот

Бугун, 28 июнь куни соат 01:12 да Тошкент шаҳар, Шайхонтоҳур тумани, Беруний кўчасида жойлашган “Чорсу” бозор ҳудудидаги савдо дўконларида ёнғин содир бўлаётганлиги тўғрисида ФВБга хабар тушган.

Шунга кўра, 12 та ёнғин-қутқарув экипажи соат 01:17да воқеа жойига етиб бориб, ёнғин соат 02:22 да қуршаб олинган ва ҳозирда ёнғинни бартараф этиш ишлари олиб борилмоқда.

Ёнғин натижасида тан жароҳати олган ва вафот этган фуқаролар тўғрисида хабар келиб тушмади.

Вазият тўлиқ назоратга олинган. Ҳодиса жойига Фавқудодда вазиятлар вазири етиб борган.

Яқин дақиқаларда қўшимча маълумот тақдим этилади.

G‘ijduvon tumanida qo‘mondonlik-shtab o‘quv mashqi o‘tkazildi

Buxoro viloyati FVB tomonidan G‘ijduvon tumanida 25-27 iyun kunlari “Boshqaruv organlari, Favqulodda vaziyatlar davlat tizimi hududiy quyi bo‘g‘inining zilzila bilan bog‘liq favqulodda vaziyatlarni bartaraf etish bo‘yicha hamkorlikdagi harakatlari” mavzusida qo‘mondonlik-shtab o‘quv mashqi o‘tkazildi.

Tadbir davomida Favqulodda vaziyatlar davlat quyi tizimi tarkibiga kiruvchi korxona va tashkilotlarning favqulodda vaziyatlarga tayyorgarlik darajasi o‘rganildi, shuningdek, ishchi va xizmatchilarning bunday vaziyatlarda harakatlari sinovdan o‘tkazilib, bilim va ko‘nikmalari oshirildi.

Boshqa yangiliklar
Fvv.uz | Facebook | Telegram | Youtube | instagram | X