Buxoro va Xorazm viloyatlarida "Rahbar va yoshlar" uchrashuvi bo‘lib o‘tdi

Buxoro va Xorazm viloyatlari Favqulodda vaziyatlar boshqarmasida “Yoshlar oyligi” doirasida “Rahbar va yoshlar uchrashuvi” o‘tkazildi. Unda boshqarma boshliqlari, faxriylar, yosh harbiy xizmatchilar va xizmatchilar ishtirok etdi.

Uchrashuvda rahbar va faxriylar bugungi kunda yoshlarga yaratilayotgan imkoniyatlar, shart-sharoitlar va ushbu imkoniyatlardan unumli foydalanish to‘g‘risida so‘z yuritib, oʻzlarining kasbiy bilim va tajribalari bilan oʻrtoqlashdilar.

Yakunda o‘z xizmat vazifalariga sidqidildan yondoshib, yuqori natijalarga erishgan bir qator xodimlar boshqarma boshlig‘ining “Faxriy yorlig‘i”, “Tashakkurnoma”, navbatdagi harbiy unvonlar va esdalik sovg‘alari bilan taqdirlandi.

Boshqa yangiliklar
Fvv.uz | Facebook | Telegram | Youtube | instagram | X

Navoiy viloyati FVB, IIB, MG, Sport va Madaniyat boshqarmalari hamda FVDqT kuch va vositalarini jalb qilgan holda odamlar ko‘p yig‘iladigan Navoiy shahrida joylashgan “Yangi hayot” savdo kompleksida maxsus-taktik o‘quv mashqi o‘tkazildi. Unda ommaviy tadbirlarni o‘tkazish mobaynida shartli ravishda sodir bo‘lgan zilzila oqibatida kelib chiqqan yong‘inni bartaraf etish, bino va konstruksiyalar qulashi natijasida vayronalar ostida qolgan insonlarga yordam ko‘rsatish, xavfsizlik va jamoat tartibini ta’minlash bo‘yicha amaliy harakatlar bajarildi.

Boshqa yangiliklar
Fvv.uz | Facebook | Telegram | Youtube | instagram | X

Kuni kecha, Namangan viloyati FVB tomonidan Namangan tumani “Kichik Toshbuloq” Mahalla fuqarolar yig‘inida “Tuman boshqaruv organlari, Favqulodda vaziyatlarda davlat tizimi hududiy quyi bo‘g‘inining aholini va hududlarni tabiiy hamda texnogen xususiyatli favqulodda vaziyatlardan muhofaza qilish bo‘yicha harakatlari” mavzusida maxsus-taktik o‘quv mashqi o‘tkazildi.

Mahsus-taktik o‘quv mashqida zilzila sodir bo‘lgan hududdagi aholini evakuatsiya qilish, jabrlanganlarga tibbiy yordam ko‘rsatish, ularga hayot maromini ta’minlovchi zaruriy shart-sharoitlar yaratish, shuningdek, vayron bo‘lgan hududlar obyektlarida qutqaruv va boshqa kechiktirib bo‘lmaydigan ishlarni olib borishga mo‘ljallangan moddiy-texnik ta’minot zaxiralari o‘rganildi.

Boshqa yangiliklar
Fvv.uz | Facebook | Telegram | Youtube | instagram | X