Qarshi shahrida “13-oktabr Xalqaro tabiiy ofatlar xavfini kamaytirish kuni” munosabati hamda kuz-qish mavsumiga tayyorgarlik bo‘yicha olib borilayotgan ishlar va ularning muhokamasiga bag‘ishlangan tadbir bo‘lib o‘tdi.

Ayni kunlarda respublikamiz bo‘ylab tabiiy ofatlar xavfini kamaytirish va sodir bo‘lganda oqibatlarini bartaraf etish dolzarb masala ekanligi yuzasidan joylarda turli seminarlar o‘tkazildi.
Seminarda mas’ullar tomonidan yuzaga kelishi mumkin bo‘lgan noxush holatlarni oldini olishda nimalarga e’tibor qaratilishi haqida taklif va fikr mulohazalar bildirildi, bu borada mas’ul tashkilotlarga qat’iy ko‘rsatma va topshiriqlar ham berildi.

Boshqa yangiliklar👇

Fvv.uz | Facebook | Telegram | Youtube | instagram

13-oktabr “Xalqaro tabiiy ofatlar tahlikasini kamaytirish kuni”
Shu sana munosabati bilan Shahrisabz “Temurbeklar maktabi” harbiy-akademik litseyida davra suhbati tashkil etildi. Davra suhbatida dunyoda ilmiy-texnik taraqqiyot natijasida tabiat va inson o‘rtasidagi paydo bo’layotgan muammolar, jumladan, tabiiy va texnogen ofatlar xavfi, yildan yilga ortib borayotgan jiddiy talafotlar oqibatlari, ularni bartaraf etishda FVV xodimlarining o’rni haqida so’z bordi. Xavfli tabiiy va texnogen jarayonlarni kuzatish, ularni prognoz qilish va oldini olish bo’yicha mamlakatimizda olib borilayotgan islohotlar va bo’lajak qutqaruvchilar oldida turgan muhim vazifalar haqida ma’lumotlar berildi.
https://t.iss.one/temurbeklar_maktabi_hal

Bugun, Jizzax viloyati Favqulodda vaziyatlar boshqarmasi xodimlari tomonidan Jizzax Politexnika instituti talaba va professor-o‘qituvchilari o‘rtasida “13-oktabr – Xalqaro tabiiy ofatlar xavfini kamaytirish kuni”ga bag‘ishlab seminar o‘tkazildi.

Seminar davomida Favqulodda vaziyatlar vazirligi tizimida uzoq yillar samarali mehnat qilib, o‘zlarining favqulodda vaziyatlarda ko‘rsatgan jasoratlari ortidan davlat mukofotlariga sazovor bo‘lgan xodimlar so‘zga chiqib, seminar ishtirokchilariga tabiiy ofatlar xavfini kamaytirish sohasidagi bilim ko‘nikmalarni shakllantirish, tabiiy ofatlar xavfini bartaraf qilish, ularning oqibatlarini kamaytirish va ofatlarga tayyorgarligini oshirish borasida ma’ruzalar qilishdi. Shundan so‘ng seminarning amaliy qismiga o‘tilib, yong‘in-qutqaruv avtomobillari va qutqaruv asbob-anjomlarining ko‘rgazmali namoyishlari tashkil qilindi.

Boshqa yangiliklar👇

Fvv.uz | Facebook | Telegram | Youtube | instagram

13-oktyabr – Xalqaro tabiiy ofatlar xavfini kamaytirish kuni munosabati bilan Toshkent shahar Mirzo Ulug‘bek tuman Favqulodda vaziyatlar bo‘limi tomonidan tumandagi 187-maktabning 5-sinf o‘quvchilari uchun ko‘rgazmali seminar tashkil etildi.

Tadbir davomida o‘quvchilarga ro‘y berayotgan favqulodda vaziyatlarda inson omilining o‘rni, arzimagan befarqlik katta yo‘qotishlarga olib kelishi va eng asosiysi, favqulodda vaziyatlarning oqibatlarini bartaraf etishdan ko‘ra uning oldini olish afzalligi atroflicha tushuntirib berildi. Seminar doirasida o‘quvchilarga tumanning 6-yong‘in qutqaruv qismidagi yong‘in o‘chirish ekipajlari, foydalanishdagi maxsus anjomlar, shuningdek, qutqaruvchilarning o‘zlari ishlab chiqqan yong‘in-qutqaruv motorollerining texnik jihatlari tushuntirilib, ulardan to‘g‘ri foydalanish ko‘rgazmali namoyish etib berildi.

Qiziquvchan o‘quvchilarda qutqaruvchilik kasbiga nisbatan xurmati ortib, kelajakda xalqiga shu sohada xizmat qilishga qiziqishi o‘yg‘ondi.

13-oktabr - Xalqaro tabiiy ofatlar xavfini kamaytirish kuni munosabati bilan Toshkent viloyati FVB xodimlari tomonidan Qibray tumanidagi O‘zbekiston Respublikasi IIV 2-son Toshkent akademik litseyida ko‘rgazmali seminar o‘tkazildi

Seminar ishtirokchilariga tabiiy ofatlar xavfini kamaytirish sohasidagi bilim ko‘nikmalarini shakllantirish, tabiiy ofatlar xavfini bartaraf etish, ularning oqibatlarini kamaytirish va ofatlarga tayyorgarligini oshirish borasida ma’ruzalar qilindi.
Inson hayotining rivojlanish tarixi tabiiy ofatlar, avariyalar, halokatlar va xavfli tabiiy hodisalar bilan bog‘liqdir.

Ushbu yo‘nalishda asosiy e’tibor, favqulodda vaziyatlar sodir bo‘lganda uning oqibatlarini tugatishga emas, balki favqulodda vaziyatlarning oldini olishga, ularning ro‘y berishi xavfini imkon qadar kamaytirishga, bunday vaziyatlar ro‘y bergan taqdirda esa, odamlar sog‘lig‘ini saqlash, atrof muhitga yetkaziladigan zarar va moddiy talofatlar miqdorini kamaytirishga qaratilishi lozim.