Xonqa tumanida g‘alla o‘rimiga puxta tayyorgarlik ko‘rilmoqda

Bugun tumanda g‘alla o‘rim-yig‘imi mavsumini uyushqoqlik bilan o‘tkazish masalalariga bag‘ishlangan seminar o‘tkazildi.

Tumanimizda 2024 yil hosili uchun 3 ming 500 gektar maydonda boshoqli don hosili yetishtirilmoqda. Agrotexnik tadbirlar o‘z vaqtida va belgilangan meʼyorlarga muvofiq o‘tkazilganligi bois mo‘l hosil yaratish reja qilingan.

Seminarda yetishtirilgan hosilni nest-nobud qilmay yig‘ishtirib olish bo‘yicha ko‘rilgan tayyorgarlik ishlari muhokama qilindi.

Shuningdek, texnikalarning mavsum oldidan texnik ko‘rikdan o‘tkazilganligi, yong‘inga qarshi vositalar bilan jihozlangani, otryad aʼzolarining favqulodda vaziyatlarda harakatlanish, xavfsizlik bo‘yicha bilim va ko‘nikmalari ko‘rikdan o‘tkazildi.

🔍Jarayonlar rivojini bizda kuzating

Xonqa.uz |Facebook| Instagram| X |Youtube

Samarqandda “Quvnoqlar va zukkolar-2024” ko‘rik-tanlovining navbatdagi hududiy bosqichi o‘tkazildi

O‘zbekiston Respublikasi Favqulodda vaziyatlar vazirligi tizimdagi yosh harbiy xizmatchilarni vatanparvarlik ruhida tarbiyalash, ularning intellektual salohiyatini yanada takomillashtirish maqsadida, Samarqand shahrida “Quvnoqlar va zukkolar-2024” ko‘rik-tanlovining navbatdagi hududiy bosqichi bo‘lib o‘tdi.

Tanlovda Andijon, Sirdaryo, Xorazm viloyatlari va “Qamchiq” Maxsus yong‘in qidiruv-qutqaruv  boshqarmalarida xizmat qilib kelayotgan yoshlar, harbiy xizmatchilar ishtirok etdi. Ko‘tarinki ruxda boʻlib oʻtgan tanlovda:

🔹1-o‘rinni Sirdaryo viloyatining "Bojalar" jamoasi;

🔹2-o‘rinni Qamchiq maxsus yong‘in qidiruv-qutqaruv boshqarmasining "Qamchiq lochinlari" jamoasi;

🔹3-o‘rinni Xorazm viloyatining ''Quvnoq qutqaruvchilar'' jamoasi egalladi.

Yakunda g‘olib va sovrindorlar diplom, tashakkurnoma va esdalik sovg‘alari bilan taqdirlandilar.

Boshqa yangiliklar👇

Facebook | Telegram | instagram | Youtube