Respublikamiz bo`ylab 2-8-sentabr kunlari an'anaviy tarzda o`tkazilayotgan "Muzeylar haftaligi" doirasida Urganch, Xiva shahar, Gurlan, Tuproqqal`a tumanlari shaxsiy tarkibi hududlarda joylashgan "Ichan-Qal'a muzeyi", "O'zbekiston zamonaviy san'at muzeyi", "Aloqa tarixi muzeyi" hamda "Tuyamo'yin gidrouzelidan foydalanish boshqarmasining tarixiy muzey"lariga tashrif buyurishdi.

Muzeylar xodimlar uchun nafaqat bilim manbai, balki madaniy, hissiy va ijodiy rivojlanish uchun ajoyib joylardir. Ular shaxsiy tarkibga tarixni, san'atni va boshqa madaniy boyliklarni yaxshiroq tushunishga yordam beradi. Muzeyga tashrif buyurish xodimlarning dunyoqarashini kengaytiradi va ular uchun yangiliklarga, go‘zallikka va ilhomga to‘la tajribalarni taqdim etadi.