#DIQQAT
#OGOHLANTIRISH

Aziz hamyurtlar, hurmatli viloyatimiz fuqarolari va mehmonlari.

⚡️Joriy yilning 28-sentabr kuni Hazorasp tumanidagi "Avtomobil va Temir yoʻl qoʻshma koʻprigida" hamkorlikdagi maxsus-taktik o‘quv mashqi bo‘lib o‘tishini ma’lum qilamiz.

Shu munosabat bilan aholidan, ortiqcha sarosimaga tushmaslikni, ushbu maxsus-taktik o’quv mashqlarida faol ishtirok etishlarini so’rab qolamiz.

Bizni kuzatishda davom eting 👇👇👇

https://t.iss.one/joinchat/VrBfwyXZOEKCs9hn

Сергели туманида содир бўлган ёнғин тўғрисида бирламчи маълумот

Бугун, 28 сентябрь куни соат 02:43 да Тошкент шаҳар Сергели тумани "Қурувчилар" даҳасида жойлашган омборхоналарнинг бирида кучли чақнаш оқибатида ёнғин содир бўлганлиги тўғрисида ФВБга хабар тушган.

Шунга кўра, 16 та ёнғин-қутқарув экипажи ва  3 та автонарвон соат 02:48 да ҳодиса рўй берган ҳудудга етиб бориб, ҳозирда  ёнғинни ўчириш ишлари амалга оширилмоқда.

Ёнғин оқибатида фуқароларни тан жароҳати олиш ва ҳалок бўлиш ҳолатлари бўйича ҳозирча маълумот келиб тушмади.

Ҳодиса юзасидан қўшимча маълумот тақдим этилади.

Айрим ижтимоий тармоқларда Сергели туманидаги ҳодиса "Самолёт қулаши оқибатида содир бўлган" мазмунидаги фейк хабарлар тарқалмоқда. Бу мутлако ҳақиқатга тўғри келмайди.

Ёнғин ҳодисаси “Inter Logistics” МЧЖга қарашли омборхонада содир бўлган.

ФВВ ходимлари томонидан ёнғинни ўчириш ишлари давом этмоқда. Вазият тўлиқ назоратга олинган. Ёнғин соат 05:02 да қуршаб олинган. ФВВ ходимларининг тезкор ҳаракатлари натижасида ёнғин майдони қисқартирилиб борилмоқда. Воқеа жойида дастлабки дақиқалардан бошлаб ФВВ раҳбарияти ҳамда куч ва воситалари, шунингдек, тегишли ташкилотлар ходимлари иш олиб бормоқда. Ёнғин келиб чиқиш сабабини аниқлаш мақсадида ФВВнинг махсус лабораторияси ҳодиса жойида иш олиб бормоқда. Воқеа жойида ФВВ раҳбарлигида штаб ташкил этилган.

📣O‘zbekiston Respublikasi Favqulodda vaziyatlar vazirligi quyidagi mutaxassisliklar bo‘yicha vakant lavozimlarga tanlov e’lon qiladi.

✔️- gidrolog
✔️- psixolog
✔️- muxandis-texnik
✔️- pedagog
✔️- muxandis-quruvchi
✔️- tibbiyot
✔️- muxandis-mexanik
✔️- huquqshunos
✔️- falsafa va ma’naviyat asoslari
✔️- axborot kommunikatsiya texnologiyalari
✔️- geologiya
✔️- hayot faoliyati xavfsizligi

🔷Nomzodlarga qo‘yiladigan talablar:

✔️- 40 yoshgacha bo‘lishi;
✔️- jismoniy tayyorgarlikka ega bo‘lishi;
✔️- kompyuter savodxonligiga ega bo‘lishi;

🔷Tanlov o‘tkazish tartibi:

✔️- jismoniy tayyorgarlik bo‘yicha sinov topshirish;
✔️- psixoemotsional barqarorligini baholash (test);
✔️- kompyuter savodxonligini baholash;
✔️- yakka tartibda suhbat.

🔷Tanlovda ishtirok etish istagini bildirgan fuqarolar, joriy yilning 10-oktabr kunga qadar soat 09.00-17.00 oralig‘ida Qoraqalpog‘iston Respublikasi, viloyatlar va Toshkent shahar Favqulodda vaziyatlar boshqarmasi Kadrlar bo‘limiga shaxsiy hujjatlari bilan murojaat qilishlari mumkin.

📞Murojaat uchun telefon raqamlari:

Qoraqalpog‘iston Respublikasi – 61 224-70-35
Samarqand viloyati – 66 234-71-28
Andijon viloyati – 74 291-15-22
Sirdaryo viloyati – 67 343-55-30
Buxoro viloyati – 65 220-94-09
Surxondaryo viloyati – 76 223-16-76
Jizzax viloyati – 72 222-29-63
Toshkent shahar – 71 212-69-78
Qashqadaryo viloyati – 75 224-46-40
Toshkent viloyati – 70 763-10-07
Navoiy viloyati – 79 229-46-31
Farg‘ona viloyati – 73 229-18-12
Namangan viloyati – 69 228-14-59
Xorazm viloyati – 62 223-11-57

Boshqa yangiliklar
Fvv.uz | Facebook | Telegram | Youtube | instagram

Сергели туманида содир бўлган фавқулодда вазият тўғрисида қўшимча маълумот

Аввал хабар берганимиздек, бугун, 28 сентябрь куни соат 02:43 да Тошкент шаҳар Сергели тумани “Қурувчи” МФЙ Хонобод кўчасида жойлашган “Inter Logistics” МЧЖга қарашли омборхоналар ҳудудида чақнаш оқибатида ёнғин содир бўлганлиги тўғрисида ФВБга хабар тушган.

Шунга кўра, ёнғин-қутқарув бўлинмалари соат 02:48 да ёнғинга етиб бориб, тезкор ҳаракатлар натижасида, соат 05:02 да ёнғин қуршаб олинган ва соат 10:47 да батамом ўчирилган.

Ўзбекистон Республикаси Президенти Шавкат Мирзиёевнинг топшириқларига асосан Бош вазир ўринбосари Очилбой Раматов бошчилигида содир бўлган фавқулодда вазиятни ўрганиш, кўрилган талофатларни бартараф этиш ва жабрланганларга ёрдам кўрсатиш бўйича Ҳукумат комиссияси тузилди.

Ёнғин жойига, Ўзбекистон Республикаси Бош вазири – Фуқаро муҳофазаси бошлиғи А.Арипов, Фавқулодда вазиятлар вазирлиги, Тошкент шаҳар ҳокимлиги, Прокуратура, Ички ишлар вазирлиги, Божхона бошқармаси ҳамда Фавқулодда вазиятларнинг олдини олиш ва бундай вазиятларда ҳаракат қилиш давлат тизимига кирувчи хизматларнинг раҳбарлари чиққан.

Воқеа жойида тегишли ташкилот ва хизматлар ҳамкорлигида тезкор Штаб ташкил этилди.

Ушбу вазият оқибатида жабрланганларнинг умумий сони 163 нафарни ташкил этмоқда. Жабрланганларнинг асосий қисми саломатлиги яхши бўлганлиги учун амбулатор тиббий ёрдам кўрсатилиб, уйига жавоб берилган.

Ҳодиса оқибатида ёнғин яқинидаги кўп квартирали уйларнинг бирида бўлган 2006 йилда туғилган 1 нафар фуқаро воқеа жойида ҳалок бўлган.

Ёнғинни бартараф этиш ишларига, ФВВ ва бошқа тегишли ташкилотлардан жами 210 та техника ва 2000 дан ортиқ шахсий таркиб жалб қилинди. Дастлабки ўрганиш ишларига кўра 15 минг кв.м омборхона майдонида ёнғин ўчирилиб, 30 минг кв.м майдони сақлаб қолинди.

Вазият тўлиқ назоратга олиниб, ҳозирда унинг оқибатларини бартараф этиш ишлари амалга оширилмоқда.

Содир бўлган ёнғин юзасидан дастлабки терговга қадар суриштирув ишлари ва моддий зарар миқдорини аниқлаш ишлари Тошкент шаҳар Прокуратураси, Ички ишлар бош бошқармаси ва Фавқулодда вазиятлар бошқармаси томонидан ҳамкорликда олиб борилмоқда.

Sergeli tumanida sodir bo‘lgan favqulodda vaziyat tafsilotlari "O‘zbekiston 24" telekanalida tayyorlangan maxsus lavhada.

Boshqa yangiliklar
Fvv.uz | Facebook | Telegram | Youtube | instagram