⚡️Xorazm viloyati Favqulodda vaziyatlar boshqarmasi tomonidan “Dolzarb 90 kun” loyihasi doirasida “Men qutqaruvchiman” musobaqasi tashkil etildi.

Unda 200 nafardan ortiq yoshlar faol ishtirok etdi. Ushbu musobaqaning asosiy maqsadi yoshlarning bo‘sh vaqtini mazmunli o‘tkazish, ularning qiziqishlarini yuzaga chiqarish hamda harbiy-vatanparvarlik ruhida tarbiyalashdan iborat bo‘ldi. Musobaqaning viloyat bosqichida barcha shahar va tumanlardan jami 13 ta jamoa ishtirok etdi. Tadbirni Favqulodda vaziyatlar boshqarmasi boshlig‘i, polkovnik O‘.Meyliyev ochib berib, ishtirokchilarga muvaffaqiyatlar tiladi. Bahs-munozaralarga boy tarzda o‘tgan musobaqa yakunlariga ko‘ra, Shovot tumanining “Jaloliddin Manguberdi” jamoasi faxrli birinchi o‘rinni egalladi va Respublika bosqichiga yo’llanmani qo’lga kiritdi. Bog‘ot tumanining “Jaloliddin” jamoasi ikkinchi o‘ringa, Xonqa tumanining “Xorazm” jamoasi esa uchinchi o‘ringa sazovor bo‘ldi.

Boshqa yangiliklar👇
xorazm.fvv.uz | Facebook | Telegram | Youtube  | instagram

🔰 Huquqbuzarliklar profilaktikasi kuni munosabati bilan tadbir o‘tkazildi

Xorazm viloyati Favqulodda vaziyatlar boshqarmasi va uning quyi tizimlari xodimlari ishtirokida “Yo‘l-transport hodisasi: uning kelib chiqish sabablari va oldini olish choralari” mavzusida profilaktik tadbir tashkil etildi.

Tadbir davomida:
🚗 Yo‘l harakati xavfsizligi qoidalariga rioya etish,
🚧 YTH sabablari va ularning oqibatlari,
🛟 Favqulodda vaziyatlarning oldini olish usullari haqida viloyat IIB YHXB mas'ul xodimlari tomonidan batafsil tushuntirishlar berildi.

🎯 Mazkur tadbir yo‘l harakati ishtirokchilarining hushyorligini oshirish, xavfsizlik madaniyatini shakllantirish va sodir bo‘lishi mumkin bo‘lgan ko‘ngilsiz holatlarning oldini olishga qaratilgan.

📍Profilaktik tadbirlar viloyatning barcha hududlarida davom etmoqda.

Boshqa yangiliklar👇
xorazm.fvv.uz | Facebook | Telegram | Youtube  | instagram