#Dolzarb_90_kun

📍“Dolzarb 90 kun” va “Yoshlar oyligi” oyligi doirasida.

Xorazm viloyati Favqulodda vaziyatlar boshqarmasi va hududiy bo‘limlari tomonidan yozgi ta’til davrida yoshlarni bo‘sh vaqtini mazmunli o‘tkazish, ularni harbiy vatanparvarlik ruhida tarbiyalash bo‘yicha keng ko‘lamli ishlar tashkil etilmoqda.

Xususan, boshqarma Hayot faoliyati xavfsizligi o‘quv markazi xodimlari tomonidan yozgi bolalar dam olish oromgohlarida “Qutqaruvchi bolalar”musobaqasi, “Fuqaro muhofazasi” kuni tadbirlari, sport musobaqalari hamda ko‘rgazmali namoyishlar tashkil qilindi.

Tadbirlarning asosiy maqsadi — o‘sib kelayotgan yosh avlod ongida xavfsizlik madaniyatini shakllantirish, ularni sog‘lom turmush tarziga yo‘naltirish, vatanparvarlik, jamoaviylik va ijtimoiy mas’uliyat tuyg‘usini kuchaytirishdan iborat.

Boshqa yangiliklar👇
xorazm.fvv.uz | Facebook | Telegram | Youtube  | instagram

#Dolzarb_30_kun

Jizzax, Xorazm, Toshkent viloyatlari va Toshkent shahar FVB xodimlari tomonidan "Yong‘in xavfsizligini ta'minlash bo‘yicha "Dolzarb 30 kun" tadbiri doirasida hamda cho‘milish mavsumida olib borilayotgan profilaktik tadbirlar va o‘quv mashqlari tafsilotlari OAVlar dasturlarida.

Boshqa yangiliklar
Fvv.uz | Facebook | Telegram | Youtube | instagram | X

O‘QUV SEMINAR TASHKIL QILINDI

Xorazm viloyatida O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil devoni xodimlari tomonidan o‘quv seminari tashkil etildi.

Mazkur seminarda nazorat qiluvchi organlarning tekshiruv o‘tkazish huquqini beruvchi maxsus guvohnomaga ega bo‘lgan xodimlar ishtirok etib, tadbirkorlik subyektlarini tekshirish tartibi, qonuniy asoslar va amaldagi normativ-huquqiy hujjatlar yuzasidan atroflicha tushunchalarga ega bo‘ldilar.

🔹 Seminar davomida nazorat va tekshiruv faoliyati qonunchilik doirasida qanday amalga oshirilishi, xodimlarning vakolatlari, shuningdek, tadbirkorlarning huquqlari va ularni himoya qilish mexanizmlari yuzasidan amaliy misollar asosida tushuntirishlar berildi.

Boshqa yangiliklar👇
xorazm.fvv.uz | Facebook | Telegram | Youtube  | instagram

Payshanba - Huquqbuzarliklar profilaktikasi kuni

Bugun, 19-iyun kuni Xorazm viloyati Favqulodda vaziyatlar boshqarmasi va uning hududiy bo‘limlari shaxsiy tarkibi o‘rtasida “Islohotlar yoʻlidagi eng katta toʻsiq va gʻov - bu korrupsiyadir” mavzusida profilaktik tadbirlar o‘tkazildi.
Unda jalb qilingan mutaxassislar tomonidan shaxsiy tarkibga huquqbuzarliklarga yo‘l qo‘ymaslik, korrupsiya, radikalizm, yo‘l harakati xavfsizligi qoidalari va boshqa qonunbuzilish holatlarini oldini olish maqsadida tushuntirish ishlari olib borildi.
Bu kabi profilaktik tadbirlar huquqbuzarliklarning oldini olish va jamiyatda huquqiy madaniyatni oshirishda muhim ahamiyatga ega. Ayniqsa, korrupsiya va boshqa noqonuniy xatti-harakatlarning oldini olishga qaratilgan tushuntirish ishlari davlat tizimidagi shaffoflik va adolatlilikni ta’minlashga xizmat qiladi.

Boshqa yangiliklar👇
xorazm.fvv.uz | Facebook | Telegram | Youtube  | instagram