Қашқадарё вилояти ҳокими диққатига!

⚡️Мактабда қишда "буржуйка" печлардан фойдаланилади - Қашқадарё

"Мен Қашкадарё вилояти, Китоб тумани, Сафарча кишлоғидан Яллаев Тўлқин Худоёрович бўламан.

Қишлоғимиздаги 19-мактабда иситиш тизими умуман ишламайди. Қишда "буржуйка" печлардан фойдаланилади.

Мактабимизда спорт зали йўқ.

Мен Халк таълим вазирлигигача ёздим. Туман Халк таълими бўлими мудири қаерга мурожаат этсам ҳам бир хил жавоб қайтаришдан чарчамаяпди.

Мактабимизда икки сменада ўқитилади, синфхоналар етишмайди, 225 ўринли мактабда 350 та бола таълим олади.

Қишлоқ болалари мактаб ўқувчилари номидан мурожаат қилаяпмиз: спорт зал билан иситиш тизимини қуришга ёрдам берсангиз".

👉 @Kusherbayevga_murojaat

O‘qituvchilar tibbiy ko‘rik uchun pul to‘lashmoqda➖Dehqonobod

Men Muminov Jasurbek Toshtemirovich, Qashqadaryo viloyati Dehqonobod tumanidagi 1-sonli kasb-hunar maktabida o‘qituvchiman.

Bizni tashkilotimiz Dehqonobod TTB dan ko'riklan o'tishimizga ham pul to'laymiz: erkaklar100-110 ming, ayollar 120-130 ming so‘m atrofida.

Shu to'lovlar bizni tashkilotda ham bekor qilinsa juda yaxshi bo'lardi. Iltimos yordam bering!

👉 @Kusherbayevga_murojaat

Chiqindi loyqa qumini kanalga oqizishayapti➖Yangiyo‘l tumani

Men Rixsibaev Abdulla Tuychievich, Yangiyo'l tumani Bunyodkor QFY Mezazor ko'chasida (Niyozboshning Imom Sulton mozorining pasti qismida, Qorasuv arig'ini bu tarafida) istiqomat qilaman.

Murojaatimga sabab, sobiq Avangard maxallasidagi drobilkalar bo'yicha. Ulardan biri yuqirisidagisi (Sanjar-Sardor ismli tadbirkolarniki) chiqindi loyqa qumini O'rta Chirchiq kanaliga oqizishayapti va Chirchiq kanali quyqa qumga to'lib oqmoqda va osha kanalning bir irmog'i uyimiz oldidan oqib o'tadi. U ham loyqa qumga to'lga. Drobilkalar chiqindi qumlarini tabiatga zarar bermasdan oqizish bo'yicha qandaydir reglament bo'lishi kerak deb o'ylaman.

Uning ustiga sobiq Avangardda joylashgan drobilkalarning barchasi 24 soat ishlab, kechasi axolini tinchini xam buzmoqda. Ular rioya qilishlari kerak bo'lgan normalar bormi?

👉 @Kusherbayevga_murojaat

Ҳокимлик судга бор дейди, суд вилоят ҳокимига бор дейди➖Каттақўрғон

Ушбу мурожаатимни шахсан  Самарқанд вилоят ҳокими  Э.О.Турдимовга етиб борилишида ёрдам беришларингизни сўрайман.

Икки йилдан буён уларга такрор-такрор  портали орқали, қонунчилик палатаси, сенат, вилоят ҳокимлиги электрон почтаси, виртуал қабулхонаси, телеграмм каналлари орқали мурожаатлар юбордим. Аммо мурожаатларим бирортаси ўрганиб чиқилмасдан, Каттақўрғон туман ҳокимлигига юборилиб, туман ҳокимлиги эса бир ой сабабсиз ушлаб туриб кейин ушбу мурожаатга илова қилинаётган мазмунда хат бериб келмоқда.

Ҳокимлик судга бор дейди, судга мурожаат қилсак "вилоят ҳокимига бор" деб ажрим тутказишади, вилоят ҳокимлиги эса мурожаатни ўқиб ҳам кўрмай, туман ҳокимлигига "тепади", ҳокимликларни хатоси сабаб қанчадан қанча давлат божи тўлаб судда икки ой сарсон бўлдик.

БИЗНИ ҲАМ БИРОР КИМ ЭШИТАДИМИ?

С.А.Ганиев,
Самарқанд вилояти, Каттақўрғон тумани, Валижон қишлоғида яшовчи.

👉 @Kusherbayevga_murojaat

#munosabat

Ijtimoiy tarmoqlarga "Namangan viloyati Uchqo‘rg‘on tumani Qo‘g‘ay yo‘llari holati" bo‘yicha yo‘llangan murojaatni o‘rganib, quyidagilarni ma'lum qilamiz;

Mazkur hududdagi aholing haqli e'tiroziga sabab bo‘layotgan yo‘l bilan bog‘liq muammolar boshqarma mutasaddilari tomonidan nazoratga olindi.

Hozirgi vaqtda gaz yetib bormayotgani sababli Namangan viloyati Avtomobil yo‘llari bosh boshqarmasiga qarashli asfalt zavodlar ishlamayapdi.

Asfalt zavod ishga tushishi bilan hududda birinchi navbatda ta'mirlash ishlari bajarilishi hamda aholini qiynayotgan muammoga yechim berilishini bildiramiz.

Harakat vaqtida yuzaga kelayotgan noqulayliklar uchun yo‘l foydalanuvchilaridan uzr so‘raymiz.

Namangan viloyati Avtomobil yo‘llari bosh boshqarmasi

Undiruvchi ham, qarzdor ham o'zim bo‘lib qolganman➖Beshariq

Assalomu alaykum!

Murojaatim sud o'zi tomonidan yuborilgan ijro varaqasining xatolarini to'g'rilab bermayapti.

Qizig‘i ijro varaqasida undiruvchi ham, qarzdor ham o'zim bo‘lib qolganman.

Telefon orqali bir necha bor aytdim, foydasi bo'lmayapti. Natijada men qiynalyapman. Uni ustiga ijro varaqani boshqa joyga yuborgan. Iltimos to'g'rilab berishsa.

Faqat iltimosim men o'chirgan joyi oshkor qilinmasin. Yani ichki ishlar yoritilmasin. Menga ortiqcha muommo boladi keyin.

Faqat togrilab bersa boldi.

Ochilov Ulug'bek Abdusattor o'g'li, Farg'ona viloyati, Beshariq tumani, Oqtovuq qishlog'i, Ravnaq ko'chasi 58 uy.

👉 @Kusherbayevga_murojaat

Фермер одам эмасми, унинг бола-чақаси йўқми? ➖Зарбдор

Мурожаатчи: Мен Жиззах вилояти, Зарбдор тумандаги бир гуруҳ фермерлар номидан мурожаат қилаяпман.

Бизнинг туманда фермерларга ғалла пули ҳам, пахта пули ҳам тўлаб берилмади. Пахта ва ғалламизни арзон олгани етмагандек, энди шу пулниям бермаяпти. Ҳокимиятга борсак кластер банкрот бўлди, жим ўтирасан дейди.

Фермер одам эмасми нима, уни бола-чақаси йўқми? Ҳокимият нега фермернм эмас, кластерни ёнини олади доим?

Буям етмагандек кунора ҳокимиятга чақириб мажлис қилишади, далага чиқиб уни қил буни қил деб аралашади. Ишлаш учун эса пул йўқ. Ҳозир уйимизда газ светга пул тўлашгаям қийналиб қолишган фермерлар.

Илтимос исм шарифимни сир тутмангиз.

👉 @Kusherbayevga_murojaat

Албатта солиқ инспекцияси идорасига боришим керакми?➖Сирдарё тумани

Ассалому алайкум!

Фарзандимнинг тўлов контракт тўловидан қайтариладиган даромад солиғини Электрон солиқ хизматлари сайтидан қайтариб ололмаяпман.

Мен албатта солиқ инспекцияси идорасига боришим керакми? Нима учун фуқарорларни сарсон қилишади булар?

Омонбой Деҳқонов,
Сирдарё вилояти, Сирдарё тумани, Исломобод МФЙ

👉 @Kusherbayevga_murojaat

Суд қарори чиққан, лекин натижа йўқ➖Денов

Ассалому алайкум! Мен Бобоеров Лоик Ахмадович, тадбиркорман.

Фаолият манзилим: Сурхондарё вилояти, Сариосиё тумани.

Денов Автойўл бизни ташкилотимиздан 112 млн сшм қарзи бор. Суд карори чиққан. МИБга ундирувга ижро варақа чиқарилган, лекин ҳеч қандай натижа йўқ

Суд қарори ижросида ёрдам берсангиз.

👉 @Kusherbayevga_murojaat

Turk tili sertifikati imtihonida ataylabdan yiqitish bo‘ldimi?

Assalomu alaykum!

Dekabr oyida bo'lgan Turk tili sertifikati bo'yicha murojaat qilyapman.

Okuma dinleme bo'limlarida yaxshi natijalar chiqqan. Ammo insonlar tekshirgan bo'limlarda ball juda past qo'yilgan. Biz appelatsiya berdik. Ammo hech qanaqa ijobiy o'zgarish bo'lmayapti.

Iltimos bu muammoni yechishda bizga yordam bersangiz. Barcha bu natijalardan qoniqmadi. 6-8 ball qo'yib qoyishgan testni tinglashni yaxshi bajarganlar qanaqa qilib yozma va gapirishda pas ball olishi mumkin.

Umuman gapirolmadim nima savol ekanligiga tushinmadim yoki yozmada tushinmasdan boshqa mavzuda yozdim deganlarga yuqori ball qoyishgan. Ular okuma va dinleme bo'limlarida past ball olishgan. Biz okuma dinleme bolimida yuqori ammo boshqa bo'limida juda past ball olyapmiz. Bu ataylabdan yiqitishmi?

Marjona Panjiyeva

👉 @Kusherbayevga_murojaat

Murojaatchi: Andijon viloyati, Buloqboshi tumani, Kulla QFY, Soyuzar mahallasidagi holat.

👉 @Kusherbayevga_murojaat

МИБ томонидан бизга уй топширилмасдан келинмоқда➖Қарши

Ассалому алайкум!

Бизлар Қашқадарё вилояти Қарши шахриданмиз.

Биз давлат давлат раҳбари ва Ҳукумат томонидан чиқарилган қарорларга ишониб онлайн аукциондан уй олгандек.

Орадан бир йилча вақт ўтди аммо МИБ томонидан бизга уй топширилмасдан келинмоқда.

Биз давлат томонидан чиқарилган қарорлар асосида аукциондан уй олиб айбдормизми?

Бир йилдан буён юқори турувчи ташкилотларга мурожаат қилдик аммо натижа йўқ. МИБ қонунларни ўзига мослаб олганга ухшайди. Уйни қабул қилдим деган далолатнома имзо қўйишимизни айтишмоқда.

Ҳукумат томонидан чиқарилган қарорда бошқача ёзилган. Биз тушунмай қолдик, Вазирлар Маҳкамаси томонидан чиқарилган қарорларга фақат яқин турган Тошкент вилояти буйсиниб, бизларгача етиб келгунча ўзгариб кетадими?
Ёки Ҳукумат чиқарган қарорларни бизни вилоятда ижро этилмайдими?

👉 @Kusherbayevga_murojaat

DTMda xodimlar xohlagan raqamlar bilan ball berishgan, shu adolatdanmi?

Men 2023-yıl 17-dekabr sanasida chet tilini bilish sertifikati "Turk tili" imtihoniga kirib chiqdim.

O'z bilimim va mehnatimga ishonib aytamanki natijalarim qoniqarli chiqishi kerak edi, afsuski DTM hamma ballarimni pas baholashgan.

Men noroziman ular qo'ygan ballarga. Boshqattan men topshirgan imtihonni ko'rib chiqishlarini so'rayman.

Bu muammo faqatgina menda emas "Turk tili" imtihoniga kirib chiqgan 90% yoshlarning muammosi. Eng alam qilgan va achinarlisi bizdan yaxshi o'qiyolmagan o'quvchilar sertifikat olishsayu mana man degan turk tilini ona tilisiday gapirgan bilgan o'quvchilar ololmasa?!.

Iltimos bunga qat'iy chora ko'rilsin. Biz yoshlar kimga ishonaylik, orqamizda kim bizni qo'llab quvvatlaydi.

DTM da xodimlar xohlagan o'ziga yoqqan raqamlar bilan ball berishgan shu adolatdanmi? Bir tanishim bor edi u turk tilida yozma bo'limida hammadan zo'r xatosiz yozardi shu tanishimga 2 ball qo'yishgan. Shu adolatdanmi bo'lishi munkin emas. Yana ba'zi tanishlarim aytishmoqda men imtihon qanaqa bolar ekan deb kirgandim o'qish va tinglab tushunish bo'limlarini yuzaki ko'rib chiqqanman lekin sertifikat oldim deyishyapti.

Bunga nima deyaylik? Jonini jabborga berib ter to'kib o'qigan imtihonga kirganda 30 ta savoldan 25 tasini urib chiqadigan o'quvchilarni esa bali pas bu qanday nohaqlik.

Iltimos bunga chora ko'rilsin. DTM nohaqlikda biz o'quvchilarni bilimimizni yerga uryapti yoki biz orqali pul undirishyapti.

Sultanova Umidaxon Xamdam qizi. Sirdaryo viloyati Shirin shahar Do'stlik MFY 1-daha 10-uy 3-xonadon.

👉 @Kusherbayevga_murojaat