Ma’lumki, Prezidentimiz tomonidan hokimlar faoliyatini yangicha tizim asosida tashkil etish, ularning xalq bilan muloqotini kuchaytirish bo‘yicha qat’iy topshiriqlar berilgan edi. Xususan, hokimlar faoliyatining asosiy mezoniga aylangan ushbu yondashuvga muvofiq, endilikda har bir ish kuni aholi murojaatlarini tinglashdan boshlanishi belgilangan.

Ko'kdala tumanida ushbu topshiriq ijrosi doirasida amalga oshirilayotgan fuqarolar qabuli — aholining dardini eshitish, mavjud muammolarga joyida yechim topish va ijtimoiy adolatni ta’minlash yo‘lidagi navbatdagi amaliy qadamlardan biridir. Qabulda ko‘tarilgan masalalarning bir qismi o‘sha yerning o‘zida hal etilgan bo‘lsa, qolgan murojaatlar mutasaddi tashkilotlar nazoratiga olinib, ularni bartaraf etish bo‘yicha aniq chora-tadbirlar belgilandi.