ChatGPT O'zbekiston uchun ham ochilibdi.
Endi siz o'z "Email" va telefon raqamingiz bilan ro'yhatdan o'tsangiz bo'ladi.

#news

@JoshDeveloper

Each day, I become more certain that having faith in God is the most crucial aspect of life.

#thoughts

@Josh_shares

Intervyularda ko'p qatnashaman. Hozirgi ishxonadagi intervyularda ham qatnashyapman.

Ko'p O'zbek dasturchilarimiz, internetda tekinga ulashilayotgan mavzularni bilmaydi xatto.
Xayron qolaman, yillab yillab tajribalari borlar ham kelib turadi. Oddiy narsalarni bilmaydi ba'zilari.

Ravshan aka o'z kanallarida shuncha yillik juda qimmatli tajribalarini ulashmoqdalar. Ayniqsa React'chilar uchun.
Ko'rishlar soni juda kamligi ham hayratlanarli.
Ammo, React qanday ishlashini ham bilmaydigan React'chilar oramizda "sonmingta".

Kontent ko'paygan sari, dangasalashib ketyapmizmikin deb o'ylab qolaman.

#tanqid

@JoshDeveloper

Frontend dasturchilariga "Challenge".

Youtube'ga kirsangiz, "Liked videos" degan bo'lim bor. Shu paytgacha qaysi videolarga "like" bosganingizni ko'rsatib turadi.

Bugun shuni ko'rib qoldim, qarasam 750 lar atrofida videoga "like" bosgan ekanman.
Barchasini bir deganda tozalash tugmasi yo'q ekan.

Shunda dasturchi ekanligim qo'l keldi. 🌚
Allohni izni bilan, barcha videolarni birma-bir tanlab, o'chirib chiqadigan kod yozdim va rasmdagi natijaga erishdim :D Ya'ni, barcha videolarni o'zi o'chirib berdi.

"Challenge", siz ham urunib ko'ring va kommentga Console'da yozgan JavaScript kodingizni tashlang. :)

Hech kim javob bera olmasa, kommentda keyinroq o'zimnikini ham yuboraman inshaaAlloh.

P.s: Ko'rinishidan oson ishdek ko'rinadi, lekin bir joyiga kelib biroz qiynaldim, keyin javobini topdim. Qiyin joyi bor.

#challenge

@JoshDeveloper

Bugun 16:00 da Fikrat ko'rsatuvida, IT(AyTi) bozori holati haqida jonli suhbatimiz bo'lib o'tadi, inshaaAlloh.
E'lon chiqsa jo'natib qo'yaman jonli efirga link bilan, Xudo xohlasa.

Stay tuned 😉

#suhbat

@JoshDeveloper

Birinchi shogird ukalarimizdan biri yaxshi oylikka, salkam 2000$ ga ishga kiribdilar.
MaaShaaAlloh.

Kimnidir muvaffaqiyatiga Allohni izni bilan ozginagina hissa qo'shganingizni bilish yoqimli. Alhamdulillah.

#happiness

@JoshDeveloper

Qo'shimcha ishlash(overtime)

So'nggi paytlarda maslakdoshlarimdan shu masalada ko'p etirozlar eshityapman. Bazan ish beruvchilar hodimlarni qo'shimcha ishlashga(overtime) majburlash holatlari kuzatilayotgan ekan. Ustiga ustak bu vaqtlar uchun maosh ham to'lanmas ekan.

Bu holat bir paytlari o'zimning ham boshimdan bir necha marotaba o'tgani va har gal bu menga juda qattiq salbiy tasir qilgani uchun shu mavzu haqida yozishga qaror qildim.

Bu mavzuda bir qancha tomonlar bor, keling birgalikda bir-bir o'tib chiqaylik.

Masalaning birinchi tomoni, bu holat sabab hodimning foydali ish koeffisiyenti tushib ketadi(burnout). Bu masalaning eng dolzard tomoni, chunki bunda har ikki tomon zarar ko'radi. Ishdan keyin qo'shimcha soatlarda yoki shanba/yakshanba kunlari majburiy ishlatilgan hodimning keyingi kun/haftadagi ish unumdorligi keskin tushib ketadi (bazan hodim juda yosh bo'lsa bu sezilmasligi mumkin, ammo bu holat bir muddat davom etgandan keyin albatta seziladi), natijada bundan biznes ham zarar ko'radi.

Masalaning ikkinchi tomoni, bunaqa tajriba hodimga psihologik jihatdan salbiy tasir ko'rsatadi va hodim sekin-asta boshqa kompaniya qidirishga tushadi, alal oqibat qayerdandir hatto pastroq oylikka bo'lsa ham ish chiqadi va hodim kompaniyani tark qiladi. Natijada kompaniya hodimdan ayriladi. Yangi hodimni qidirib topish, uning unumli ishga tushib ketishi esa biznes uchun ham vaqtdan ham moliyaviy jihatdan zarar yetkazadi.

Masalaning uchinchi tomoni, bunaqa holat bilan ishdan ketgan hodim kompaniya haqida hech qachon ijobiy gapirmaydi, natijada kompaniyaning sohadagi obro'si tushib ketadi va tajribali hodim hech qachon bunaqa kompaniyaga ishga kelmaydi. Yana kompaniya zararda.

Masalaning to'rtinchi tomoni, bir insonni o'z roziligisiz yoki muhtojlik holatidan foydalanib qo'shimcha ishlashga majburlash na insoniy va na shar'iy tomondan to'gri bo'lmaydi. Bu ish hodimga nisbatan shar'an zulm hisoblanadi. Bunaqa biznesdan baraka ko'tariladi.

Endi masalaning sabablariga kelsak. O'zi nega bu tajriba qo'llaniladi?
Odatda har qanaqa biznes/reja "vaqt tahmin"(estimation)lariga asoslanadi. Mana shu "vaqt tahmin"larni togri hisob-kitob qilish odatda boshqaruv(management)ning zimmasida bo'ladi. Agar shu bosqich noaniq bajarilsa (yoki umuman bajarilmasa), boshqaruv ozi qilgan xatolarni qoplash uchun mazkur tajribaga murojaat qiladi. Yani qo'pol qilib aytganda boshqaruvning xatolarini hodimlar qoplashi kerak bo'lib qoladi.

Endi masalaning yechimiga kelsak. Bunaqa holatlarning oldini olish uchun boshqaruv bilan shug'ullanadigan qatlamga maslahatim o'zingizning sohangiz bo'yicha biron joyda bilim oling yoki malaka oshiring. "Biznesni boshqaruv" yoki "Proyektni boshqaruv" degan fanlar bor, bular bo'yicha universitetlarda yo'nalishlar va markazlarda kurslar bor. O'zingizning malakasizligingiz uchun boshqalarni qiynashdan voz keching.

@dev_thinking_loud

Linkedin'da "Top Front-End Development Voice" nomli "badge" berishdi. 🌚

Qanday?
Boshida birnechta artikllarga mening expert sifatida fikrimni so'rashdi.(Expert'larni nimaga qarab tanlashyapti bilmadim lekin.)
So'ng, 3 tadan ortiq artiklga fikr qoldirganimdan so'ng, shu "badge"ni berishdi.

Linkedin'da ish qidirish jarayonida asqotsa kerak fikrimcha.

#share

@Josh_shares

So'rovchida odob bo'lmasa qiyin.

Azizlar, guruhlardami yoki shaxsiydami, farqi yo'q, nimadir so'rashda e'tiborli bo'ling.

Bir narsani tushuning, "Hech kim, sizga yordam berishga majbur emas". Shunday ekan, yordam so'rashda odobni unutmang. Quyidagilar, meni tor fikrimcha, odobdan emas, yana davomini kommentda yozishar:

- Buyruq ohangida yordam so'rash.
- Keraksiz yoki ma'nosiz savol so'rash. (Masalan, PHP guruhiga kirib, "PHP biladiganlar bormi?" deyish)
- Bemavrid savol so'rash.
- Yordam beruvchini sharoitini hisobga olmaslik. (Bu keng ma'noda, masalan, vaqtim yo'q desa ham qistash, jahl qilish, va hokazo holatlar)
- Yordam beruvchini vaqtini qadriga yetmaslik.
va hokazo(davomi kommentda).

Ishonasizmi shu yozganlarimni hammasini menga nisbatan qilishgan. Bundan ham ko'proq. Yoqimsiz holatlar. Dasturchilar orasida odobni shakllantirsak zo'r bo'lar edi. Demak qoida, "Hech kim, sizga yordam berishga majbur emas". Shunday ekan, so'rash odobini va yordam berganlarga minnatdorlikni unutmang.


Guruhlarga ulashing. ✈

#tanqid

@JoshDeveloper

Haqiqatdan, shu mavzular ko'pincha jiddiyga olinmaydi

#mdcconf2023

Big News: First Time Microsoft Developers Community Conference is in Uzbekistan!

Hello Tech Lovers and Future Creators,
🌟 Get Ready for Something Amazing:
We're excited to have our first Microsoft Developers Community Conference in Uzbekistan where people can meet in person. This is a big chance to learn and see great new tech ideas! Learn more on our website: MDC Uzbekistan.

🌐 A Big Dream, Crossing Countries:
Our goals and plans are bigger! We are covering people from all over the world and becoming the part of a global group that shares ideas and works together!

👥 Who can join?

🚀 People Who Love Technology
🧠 Experts in Tech
🏢 Companies and Forward-Thinking Business People
🔥 Anyone Who Loves Tech!

Want to join us? Register here.

@mdcuzbekistan

Angular'dan intervyularga tayyorgarlik kursi(+chuqur mavzularni o'rganish uchun ham) qilsam qatnashgan bo'larmidingiz?

Kommentda o'z fikringizni qoldiring.

#angular

@JoshDeveloper

Me, after this:


By many React and some Vue devs.

#joke

@JoshDeveloper

Mana shu kanaldan biror nima o'rganmagan Frontend'chi bo'lmasa kerak. Yana bilmadim.

CSS "trick"larni ko'pisini shundan o'rganganman.

Avtori Hindistonlik dindoshimiz Muhammad Irshod ekan.

Yana kim biladi bu kanalni? 🙋‍♂️

#share

@JoshDeveloper

Avvallari loyihalarda "yoqimli bo'lmagan kod" yozilgan bo'lsa, dasturchini ayblar edim.

Hozirlar ko'proq "Management"ni ayblaydigan bo'ldim.

Sizningcha nega bunday fikrga keldim?

@JoshDeveloper

O'z javobim qiziqmi ?

🌚

Xo'sh nega bunday fikrga keldim?

Sifat masalasi juda chatoq narsa. Unga erishish bir qaraganda har tamonlama mablag' va vaqt yo'qotishdek ko'rinadi. Ba'zida esa rostan ham shunday. Ammo, dastur va kompaniya kelajagi sifatga katta bog'liqligini ham unutmaslik kerak.

Sifat, sifatli ishlash va shu kabi mavzular haqida keyingi postlarimizda yana ham batafsil gaplashamiz, Xudo xohlasa.

Hozir esa, nega "Management"ning ham sifatga aloqasi borligi va o'z yechimlarim haqida gaplashaylik.

Psixologik tomondan qarasak, inson biror narsani sifatli va ishonchli qilishi uchun, unga yetarli vaqt va qo'llov kerak.

Sifatsiz dasturlarning katta qismi shu joyda oqsaydi. Bunga sabab "management"ga e'tibor kamligi. Loyiha borishini to'g'ri yo'lga qo'ymaslik. Yaxshi "menejer" bor taqdirda ham, unga sharoit qilib berish ham kerak.

Hozir faqatgina bu muommolarning biri haqida so'z yuritamiz.

Vaqt kamligi muommosi
Vaqt biznes uchun pul. Ammo, vaqt kamligi eng katta sifat dushmanlaridan biri. "Vaqtimiz kam, tezroq qilish kerak" deyilishi, dasturchini tez ishlashga undaydi, bu yaxshi, ammo sifatga ko'z yumib turiladi. Bu juda yomon "side effect" keltirib chiqaradi. Evaziga esa sifatsiz, "bug-friendly" dastur paydo bo'ladi. Bu muommoni aybdorlari ko'pincha shoshqaloq mijozlar. Ya'ni dasturni egalari. Ba'zida esa shu uslubni sevuvchi boshqaruvchilar ham bo'lishi mumkin.

Yechim:
Buni yechimi qiyin. Ammo, uddalasa bo'ladi. Eng birinchi navbatda loyihani "requirement"larini aniq va tiniq qilib olish(eng qiyini ham shu) va so'ngra dasturchilar bilan to'liq gaplashib, kelishgan holda tahminiy "estimation" tuzib chiqish. So'ng, mijozga kutilayotgan minimum va maksimum vaqt oraliqini aytish(sabablari bilan).
Xo'sh, mijozni ishi bitdi ham deylik. Endi esa, dasturchilarni darajasidan kelib chiqqan holda, o'zlari qo'ygan "estimation"lar asosida loyihani qismlarga bo'lib boshlasa bo'ladi. Shaffoflik juda muhim. Har bir dasturchi qayerga ketayotganini, qachon tahminan borishini bilishi kerak. Bosim shart emas. "Estimation" to'g'ri va qistovsiz yo'lga qo'yilsa, tez va sifatli natijaga bosimsiz erishsa bo'ladi.
Tepada turib, "qachon bo'ladi" deyish ham kamayadi. Dasturchilar ham ish joyidan bezib qolmaydi. Muhimi esa, sifatga ham e'tibor beriladi.

O'zim ishlagan ko'plab chet el loyihalarida sifat uchun nafaqat men aytganlarim, balki bundan birnecha karra qimmatroq, qiyinroq va eng muhimi samaraliroq usullarni qo'llashadi. Pul sarflashadi. Chetdan qaraganda pulni sovurayotgandek ko'rinishadi. Ammo, ... buni tagida bir gap bor. :)

Sizning yechimingiz qanday bo'lar edi?

#maslahat

@JoshDeveloper

Dasturchi sifatida samarali va sifatli ishlash juda ham kamyob kuzatiladigan holat bo'lib borayotgandek.

Shu sabab, kelayotgan hafta oxiri barcha dasturchilar uchun juda bir manfaatli mavzu haqida suhbat qilamiz inshaaAlloh.

Qanday qilib sifatli ishlasa bo'ladi?
Nimalar qilish/qilmaslik kerak?
Katta vazifalar ustida samarali ishlash qanday bo'ladi?

Shu va shu kabi savollarga tajribali mehmonimiz Ravshan akadan javob olamiz, inshaaAlloh.

So that, stay tuned! 🕐

#JoshPodcast

@JoshDeveloper

Angular intervyulariga tayyorgarlik kursi ⚡

Angular freymvorkini uncha-muncha intervyulardan bemalol o'ta oladigan darajada chuqur o'rganishni xohlovchilar uchun yangilik.

Angular intervyulariga tayyorgarlik kursiga o'quvchilar yig'ilyapti.

Kurs darajasi: Barcha uchun. (Beginner to Advanced)
Kurs davomiyligi: 2 oy (16 ta dars)
Kurs oylik narxi: 70$

Agar kursga rostan qatnashish niyatida bo'lsangiz, quyidagi yopiq guruhga qo'shiling. (Iltimos, niyati yo'qlar qo'shilmasin !!!)

Guruhga qo'shilish uchun link: https://t.iss.one/+PJnQfS-b_2NhMjMy

#angular #interviews

@JoshDeveloper