Bugun ChatGPT'ni haqiqiy ishimda, haqiqiy muommolar ustida ham qo'llashni boshladim.

Mazza.

Undan qo'rqish kerak emas. Ko'pchilik qo'rqyapti ishimizni olib qo'ymasmikan deb. Qaytanga, undan foydalanish kerak. Mentor o'rnini bosyapti masalan. Qiynalgan joyimda, savol so'rayman. Javob beradi. Yozib bergan kodiga qarayman, xato joylarini to'g'irlab yozdiraman, olaman kodni, dasturga moslab chiqaman...

Bu yerda asosiy rolni baribir biz dasturchilar o'ynaymiz. 5-6 soat ustida o'tirishimiz mumkin bo'lgan muommolarni 20-30 daqiqada yechib tashlay olamiz. Bu yaxshiku ?)

Kim hali ishlatib ko'rmagan bo'lsa, sekin yo'lini topib ishlatishni boshlasin. Bilimingiz ham ancha tez o'sadi bu bilan. Yangi narsalar o'rganyapman o'zim masalan.

Shunaqa gaplar 🙂

Sayti sal qotib ishlashi mumkin. Angularda qilishmapti. Bo'laveradi ishlatsa lekin. 🌚

#chatgpt

@JoshDeveloper

Lay-off'lar bizda tugadi adashmasam.

Dasturchilardan hech kimni chopishmapti. Hamma joy tinchku kelsam. 😄

Recruiter opalar xafa bo'ladigan bo'ldi. 🌚

#layoffs

@JoshDeveloper

Ishlash uchun juda yaxshi joy bo'libdi bu filial ham.

Xatto, birinchi qavatga stol tennis ham olib kelishibdi. Svet ham o'chmadi.
Bugungi taasurotlarimdan kelib chiqib, cspace.uz'ning Yunusobod filialini holis tavsiya qila olaman ishlashga. 👍
Aytgancha, namoz o'qishga va tahoratga yaxshi sharoitlar ham bor. Masjid ham yaqin.
Uyimga ham yaqin bo'lsa zo'r bo'lardi-da. 😢😄

#tavsiya

@JoshDeveloper

Diqqat 🌚

"Josh*Podcast"ning ilk soni boshlanish arafasida. 🎙

Podcast muvzusi 📃:
"Vue.js: Yaxshi frontend dasturchi bo'lish"

Mehmonlarimiz 👥:
- Mirjalol Norqulov (Frontend dasturchi)
- Muhammadamin Ibragimov (Frontend dasturchi)

Mezbonlar qatorida men bilan birgalikda Odil Nizamov bo'ladilar.

Sana va vaqti 🕔:
19-Fevral, 19:00

Manzil 📍:
@JoshDeveloper telegram kanali

#JoshPodcast #podcast

Biz oxiri hal qildik. Angular va React jangi nihoyasiga yetdi. ⚔️

Kim yutdi deysizmi ? Vue 🔥🤣

#joke

@JoshDeveloper

Senior bo'ldim(mi?)

Xo'sh, bugun sizlarga bir narsani qilib ko'rsatmoqchiman.

Man bugundan o'zimni o'zim "Senior Frontend Engineer" deb e'lon qilaman. 🥳

Ko'rsatmoqchi bo'lganing shumidi deb kulyapsizmi ? 😄

Ha. Bundan maqsad bor. Shaxsan o'zimni tajribamdan kelib chiqib, ko'pincha keyingi darajaga chiqish orqali shu darajaga mos inson bo'linar ekan. Shaxsan o'zim, Middle bo'lganimda Middle emas edim. Keyin o'zimni Middle sifatida ko'rish orqali kattaroq darajadagi narsalarni o'rganishga, ustimda ishlashga ko'proq kuch topganman. Keyinchalik haqiqiy Middle bo'lganman.

Siz ham, 1-2 yildan beri ishlab yuribsiz-u, haliyam Junior'misiz ? Unda o'zingizni o'zingiz Middle deb e'lon qiling. Keyin shunga yarasha ishlashni, Middle dasturchi qanday bo'lsa siz ham shunday bo'lishni boshlang. Keyin haqiqiy Middle bo'lasiz. Kompaniyangiz sizga beradigan daraja orqali bo'lishni kutish shart emas.

Hozir kompaniyamda Strong Middle'man(lvl 5). Bugundan esa norasmiy ravishda Senior'man. Endi o'zimni haqiqiy Senior'dek his qilib harakat qilaman inshaaAlloh. Kodlarimni ham shunga qarab yozishga urunaman. Shu orqali kompaniya aytmasidan oldin Senior bo'lib bo'lgan bo'laman inshaaAlloh. 🙂

P.s: Bu narsani keyingi darajaga biroz yaqinroq qolganda qilsa foydasi yaxshi. Tag'in o'zingiz hali dasturlash tilingizni yaxshi bilmasdan turib, Senior-penior bo'lib olmang. 😄 Bilim oling, tajriba oling.

Senior bo'lish mazza ekan 🌚

@JoshDeveloper

Ana boshlandi...

#joke

@JoshDeveloper

Diqqat, "Josh*Podcast"ning ikkinchi soni e'loni. 🎙

Podcast muvzusi 📃:
"React.js: Yaxshi frontend dasturchi bo'lish"

Mehmonlarimiz 👥:
- Khumoyun Inoyatov (Senior Software Engineer @ EPAM)
- Azizbek Jonibekov (Software Engineer @ Toptal)

Mezbonlar qatorida men bilan birgalikda Odil Nizamov bo'ladilar.

Sana va vaqti 🕔:
23-Fevral, 19:00

Manzil 📍: youtube.com/@JoshDeveloper

(LIVE, shu kuni @JoshDeveloper kanalimizda link yuboriladi.)


#podcast

Frontint.uz kursimizdagi "poll"ga 54 ta odam fikrini bildiribdi. 51 tasiga kurs ma'qul kelgan ekan. 😎

Olaymi yo'qmi deb o'ylanib yurganlarga aytdimda 🌚

Batafsil frontint.uz saytimizda.)

#frontint

@JoshDeveloper

Vue.js bo'yicha qilingan podkastimiz Youtube'ga chiqdi.

Marhamat.

Link: https://youtu.be/w3Q2WoD-h30

#podcast

@JoshDeveloper

Biz boshlab yubordik. Kiringlar.

https://www.youtube.com/watch?v=SjoDvzP8gQM&ab_channel=Josh%2ADeveloper

Kechagi stream'da ko'p savollarni ko'zdan qochiribmiz. Vaqtimiz ham yetmas edi. Bu uchun uzr.

Rasmda eng zo'r savol egasi 😂
@AbduazizPy (hazil savol yuboribdilar)

Bu savolga javobni, keyingi podkastimizda, Angular haqida gaplashganimizda beramiz. inshaaAlloh

#stayTuned

@JoshDeveloper

Aytgancha, ko'p so'raladigan va siyqasi chiqib ketgan bir savolga kecha kutilmagan va hal qiluvchi javobni @khumoyun_codes akadan oldik. 😄

Diplom kerakmi ?

Javobni eshitish uchun link: https://www.youtube.com/live/SjoDvzP8gQM?feature=share&t=5184

#share #diplom

@JoshDeveloper

Algoritm va DS ga qiziquvchilar uchun EPAM'da ishlaydigan Bekzod akani @Leetcodin kanallarini maslahat beraman.

Juda ham yaxshi ma'lumotlar berib boriladi.

#tavsiya

@JoshDeveloper

Biror vazifani ishlashda "visualization" kerak bo'lib qolsa, ko'proq "Paint" ishlatardim. (Kulmang 😄)

Keyin bilsam, Seniorlarni ko'pisi https://excalidraw.com saytidan foydalanar ekan.

"Senior bo'lganim" uchun shu saytga o'tishga qaror qildim 🌚

Maslahat beraman.

#tavsiya

@JoshDeveloper

Hozirgina dasturlash bo'yicha 20+ yillik tajribali chetellik dasturchi bilan ish borasida gaplashdim. Boshlaganiga 22-23 yil atrofida bo'lgan ekan.

22+ yil 🤯

Tug'ilmasimdan oldin boshlagan ekan dasturlashni 😄
G'alati bo'larkan odam...


@JoshDeveloper

Ha aytgancha, u ham Senior ekan.

Buyoqda Senior bo'lgan men: 🫢😬

#joke

@JoshDeveloper

Bahor ham kelibdi. Umrni o'tishini qarang. Boshqa kasblarni bilmadim-u, dasturlashda umr juda tez o'tgandek his qilarkan odam o'zini. Buni sababini dasturchilar o'zlari yaxshi bilishadi.)

#Offtopic deb aytarsiz bu gaplarimni, ammo aytishim kerak. Ba'zan inson dunyo ichida o'zini qanday tutayotgani, qanday yashab umrini tugatayotganini tepadan kuzatib ham turishi kerak.

Bilasizmi kimlarni juda hurmat qilaman va shularga o'xshagim keladi ?

Dunyosini deb dinini, dinini deb dunyosini tashlab ketmagan insonlarni. Dinini mahkam tutgan holda, dini yo'lida dunyosini ham obod qiluvchilarni. Ulug' maqsad yo'lida yashayotganlarni.

Ana shular, aqlli insonlar emasmi ? Tarozini ikki pallasini ham birdek yaxshi tutib turgan insonlar.

Oramizda kim dunyosini deb dinini ortga surib, kechiktirib yurgan bo'lsa, ayni hozir buni to'xtatish uchun juda ajoyib fursat. Kim benamoz yurgan bo'lsa, boshlashga ayni hozir juda ajoyib fursat.

Kim ikkisini ham ortga surib yurgan bo'lsa, dinidan boshlashi u uchun naqadar go'zal tanlov bo'lar edi. Zero, dinimiz dunyoda qanday yashashni o'rgatganchalik hech narsa bu qadar kuchli o'rgata olmaydi.

Umrimiz tugab boryapti. Biz esa past narsalar ortidan quvib yuribmiz...
Alloh hammamizni ikki dunyo yaxshiliklari bilan siylasin.

«Odamlarga hisoblari yaqinlashib qoldi. Ular esa, g'aflatda, yuz o'giruvchi bo'lgan hollarida.»
Anbiyo surasi, 1-oyat

#islam

@JoshDeveloper

Hozir ishda bir kichik va oddiy, ammo qiziq muommoga duch kelib qoldim.

Bir ma'lumot bugundan 0 qiymatini ham qabul qilishni boshlagan edi va "default" qiymati ham 0 ga teng bo'ladigan bo'ldi. Avval, null edi.

Shunday qildim va dasturni ochib ishlatmoqchi bo'lsam, dastur ishlamayapti umuman. (Call Stack to'lib, Browser qotib qolgan)

Biroz izlanib qarasam, avvalroq quyidagi ma'noda kod yozilgan ekan 😄

if(!haligiQiymat) {
setDefault();
checkValues();
}

Haligi qiymat 0 ga teng bo'lgani uchun if'ni ichiga kiryapti, if esa yana 0 ga tenglayapti va qayta qiymatlarni tekshiryapti va yana if'ni ichiga kirib qolyapti... ♾

Keyin to'g'irlab qo'ydim 😄

Shunaqa gaplar...

@JoshDeveloper