Twitter, VKontakte va WeChat blokirovkadan olinibdi.
TikTok bilan esa muzokaralar hamon davom etayotgan ekan.
Manba

Qiziq, qanday muzokaralar deb o'ylaysiz ?

Hozir kommentda jiddiy siyosiy va iqtisodiy ilm egalari o'z fikrlarini qoldiradi. 😄

@JoshDeveloper

🎲 Tasodifiy raqamlar tasodifiymi ? #random

Random modulini yoki metodini chaqirayotganda orqa fonda nima bo'layotganiga qiziqib ko'rganmisiz? Random(python) modulini titib ko'rsangiz, kod zanjirining oxirgi nuqtasida asosiy komponentlarni nomi bor, o'zi esa yo'q. "Dokumentatsiyasi (https://docs.python.org/3/library/random.html)"ni o'qisangiz asosiy komponentlari C dasturlash tili tomonidan amalga oshirilganligini guvohi bo'lasiz (tezlik uchun).

Eng qiziq tomoni...

Davomi

@JoshDeveloper

Yangi ishdagi sarguzashtlarimni aytishda davom etaman.

Bu safar yangi inson bilan tanishdim. Musulmon. Londonga yoshligida Bangladeshdan kelgan ekan. (g'irt ingliz bo'lib ketibdi).
Ba'zi narsalarda yordam berishi kerak edi. Yordam jarayonida bir-birimiz va tug'ilgan davlatlarimiz haqida gaplashdik. Shuningdek Londonda musulmon sifatida yashash qanday ekanligini so'radim. Musulmonlar uchun ham yaxshi joy ekanligini va masjidlar ham ko'payayotganini aytdi.
Ammo biroz qimmatroq joyligini ham aytdi.
Men esa O'zbekiston haqida gapirdim. Tarixi boy ekanligini aytdim. (Afsuski hozircha tarixi boy). Kelishga qiziqib qoldi. 🙂 (Turizm vazirligidan ubu xizmat haqi so'rasammikin a 😄).

Ha aytgancha, ilk qator kodlarimni ham yozdim 😄. Boshlanishiga SCSS'da ba'zi narsalarni to'g'irlash kerak ekan. Shuni qildim. Sekinlik bilan vazifalar ham qiyinlashib borsa kerak endi...
Bunisi esa boshlab olish uchun yomon emas.

Shunaqa gaplar...

@JoshDeveloper

<?php echo "Hello world!" ?>

Qaytdim...👆🙂
Xavotir olmang, bir aylanib keldim xolos. 😄


@JoshDeveloper

Tepadagidek kodni chiroyli rasm qilib chiqarish uchun ray.so saytidan foydalandim.
Kimga qiziq bo'lsa marhamat.

"What is the output ?" ko'rinishida ko'p kodlarni shuyerda yasashadi. Siz ham urunib ko'ring va kommentga qoldiring. 🙂

Yana carbon.now.sh ham bor.

@JoshDeveloper

Ushbu kod console'ga nimani chiqaradi va nega ?

Negaligini o'zim ham boshida uncha tushunmadim, eski hamkasblar guruhida bahsga qo'yganimdan keyin "Tepdi" negaligi 😄
Oddiy ekan.

Qani ketdik, o'z javobingizni qoldiring. 🚀

@JoshDeveloper

Tepadagi savol javobi.

Kodni tepadan o'qib tushunib olsangiz bo'ladi. Tushunarsiz bo'lsa kommentda "discuss" qilsangiz bo'ladi.

@JoshDeveloper

EPAM va ITransition haqida va ikki joyda ishlash haqida ma'lumot ulashishimga nima deysiz ? 😋

Video ko'rinishida bo'lsinmi yoki maqolami ?

Izohda fikringizni va nima mavzularni olib chiqishimni xohlashingizni qoldiring.

@JoshDeveloper

EPAM va ITransition

Ikki kompaniya haqida umumiy fikrlar, solishtirishlar va uyerda ishlash haqida maqola yoki video yozishni o'ylab oxiri ikkisini ham qilmaydigan bo'ldim.

Podcast qilamiz 🙂

EPAM'da salkam 1.5 yil ishlagan va hozirda ITransition'da ishlayotgan dasturchi sifatida ushbu kanalimda ikki kompaniya haqida shaxsan o'zim "Voice chat" qilib gapirib o'taman.
InshaaAlloh.

Qachon ?
8-avgust, 20:30

Oldindan savollaringiz bo'lsa kommentda qoldiring.

Postni "Share" qilamizmi ? 😉

@JoshDeveloper

Front-end bo'yicha intervyu keyingi hafta oxirida qilinadigan bo'ldi. Biroz ishlarim bilan ulgurmay qolganim sabab bo'ldi.

Tahminan Xudo xohlasa 15-16-avgustlargacha video chiqadi.

Bu safargisi 🔥 bo'ladi inshaaAlloh.
Cho'zilayotgani uchun uzr.

@JoshDeveloper

Eslatib o'taman, ertaga soat 20:30 da EPAM va ITransition kompaniyalarida ishlash haqida gaplashamiz.
InshaaAlloh

Unutmang 😉

@JoshDeveloper

Bugungi suhbatda nimalarni gaplashamiz ?

1️⃣ EPAM va ITransition haqida umumiy ma'lumot.
2️⃣ Internship'ga kirish (Stajyorlikka kirish).
3️⃣ O'sish.
4️⃣ O'zim bu ikki kompaniyaga qanday kirganim.

Savollaringiz yuqorida birinchi qilingan e'lon kommentiga qoldiring.

Share ✈️

@JoshDeveloper

Suhbat tugadi. Yaxshi bo’ldi. (deb umid qilaman)

Ertaga suhbat audiosini linklarga ajratib, kerakli manbalar bilan birga yuboraman inshaaAlloh.

Qatnashgan barchaga rahmat.

@JoshDeveloper

EPAM va ITransition haqida va bu kompaniyalarda ishlash.

00:23 - Mavzular ro'yhati
02:08 -Ikki kompaniya haqida umumiy ma'lumotlar
03:44 - Ofislari qayerlarda joylashgan
05:02 - Ustunlik va kamchiliklari
12:47 - Internship (Stajyorlik)
16:02 - O'sish jarayoni. Bilim va daraja oshirish.
18:54 - O'zim buyerlaga qanday kirganman ?
24:52 - Qaysi kompaniya maslahat beraman ?
27:33 - Savollar qismi

Siz qidirayotgan mavzu buyerda 🙂:
06:06 - Oylik 💸

Internship'ga qayerlardan topshirish bo'yicha linklarni komment qismida qoldiraman.

@JoshDeveloper

Pul motivatsiya bo‘la oladimi?

Ko‘pchilik ikki-uch kun oldin ko’targan mavzu haqida yozish endi xayolimga keldi, o‘zimning va atrofimdagilarning karyerasidan kelib chiqib o‘z fikrimni bildirishga qaror qildim. Fikrimni cho‘zmasdan aniq qilib aytaman, PUL motivatsiya BO‘LA OLADI! Lekin, o‘rganishni boshlashda motivatsiyalardan biri bo‘lishi mumkin, shu bilan birgalikda yaxshi ish o‘rni, kafolatlangan oylik va bir “stol”ning egasi bo‘lish ham motivatsiya bo‘lishi mumkin.

O‘zimdan kelib chiqib gapiraman, oilada 4 ta aka ukamiz, ota-onam OTMlarni yakunlashmagan, yaʼni “ziyolilar” oilasida tug‘ilmaganman. Lekin sobiq ittifoq paytida hozirgi o‘rta-maxsus taʼlim kollejlariga to‘g‘ri keladigan o‘quv muassasalarini bitirib o‘z kasblarini topib ishlashgan. Ammo katta oilani va ro‘zg‘orni eplash uchun, qulupnay, atirgul, pomidor va bodring ekib, fermerlik orqali hozirgi darajamizga yetib kelganmiz. Ota-onamning bizni ilmga mehr qo‘yishimizga, asosiy sabab qilib ko‘rsatishgan narsalardan biri, yaxshi ish o‘rni. Issiqda ularga o‘xshab dalada ishlamasligimiz uchun, sovuqda issiq ish o‘rnini egasi bo‘lishimiz uchun bizga tog‘ri motivatsiya berishgan. Kasb tanlashda moddiy tomonga eʼtibor berish  va agar bu motivatsiya noto‘g‘ri bo‘lganda, men sizlarni qarshingizda turmagan bo‘lardim.

Oramizda ota-onasi va oilasiga yordam berish uchun o‘qib, ilm o‘rganayotganlar kam bo‘lmasa kerak. Otangizni 12 soatlik smenalardan va sovuq o‘lkalarda qurilishdagi ishdan, onangizni ishlaridan kelib, oilaga qarab, yana 1-2 so‘m orttirish uchun hovlidagi yoki issiqxonadagi ekinlarni kechgacha parvarish qilib yurib, o‘zlariga vaqt ajrata olmaslikdan qutqarmagan bo‘larmidingiz? Yoki otangizni tug‘ilgan kunlariga yangi avtomashinani sovg‘a qilishni hohlamaysizmi? Ja bo‘lmaganda, sizni moddiy tomondan o‘ylamasliklarini taʼminlash uchun, o‘zingizni o‘zingiz eplagani yaxshi oylik daromad beradigan ish tanlamagan bo‘larmidingiz? Albatta tanlar edingiz, chunki biz Birlashgan Arab Amirliklarida tug‘ilmaganimiz, yashayapganimiz, farzandlik bo‘lganimiz, to‘y qilayotganimiz va hkz lar uchun “hech kim” BONUSlar bermaydi. 

Shuning uchun, “Donʼt tell me that money cannot be a good motivation. It is complete nonsense”. Dasturlash og‘ir jismoniy mehnat emas, uni tanlab o‘rganib olgandan keyin mehr baribir tushadi, faqatgina pul ortidan quvib ketmasdan sabr qilishni o‘rganish ham kerak. 

Ammo, suhbatda aytib o‘tilgan raqamlarning to'g‘ri-noto'g‘riligi bo‘yicha maʼlumot berishimni iloji yo‘q. Fikrimga keladigan bo‘lsak, dasturlash kurslarini bitirib bir yil tajriba orttirgan o‘quvchi o‘rtacha 500-700 olishi mumkin. Menga shubhali tuyilgan narsa faqat «patalok» 3000$ va 90% o‘quvchilarni ish bilan taʼminlangani. Meni o‘zimni kursimdan bitirgan o‘quvchilarimni 70% ish bilan taʼminlangan, bu 8-9 oy kursni bitirib chiqgan o‘quvchilar uchun juda yaxshi natija deb o‘ylayman.

Rizqni albatta Alloh beradi, lekin biz sababini qilib qo‘yishimiz kerak.

Siz nima deb o’ylaysiz, meni fikrlarimga qo’shilasizmi yo pul motivatsiya bo’lolmaydi deb o’ylaysizmi?

@khumoyun_codes

Kanal obunachilariga eslatma va tavsiyalar. (Bu boshqa kanallar uchun ham)

1. Postni yaxshilab o'qimasdan oldin post kommentida fikr bildirmang, savol so'ramang. Avval o'qing.

2. "Forward" qilingan postlar meniki emas. Boshqa kanaldan yuborilgan bo'ladi. Boshqa kanaldan kelgan postni meni yozdi deb o'ylamang.

3. Kommentda "Men birinchi, Men ikkinchi" deb yozadiganlarga savol: "Joningizga tegmadimi ?" 🙂

4. Fikr bildirish uchun alohida kanal ochish va shundan harxil fikrlar yozish qo'rqoqlikdek tuyuladi menga. Iloji boricha ochiqroq bo'ling.

5. Kanal faoliyati haqida "feedback" berib turing.

Beshinchini hozir qilsangiz bo'ladi 🙂.

Share ✈️

@JoshDeveloper

Ha aytgancha, biror foydali postni kommentida tanishingizni ko'rib qolsangiz shaxsiysiga yozing iltimos. 🙂
Borgan sari kommentlar "bozor" bo'lib boryapti. Komment bu "izoh" degani.

Insonlar kommentga kirib, boshqa insonlarni fikrlarini o'qiydi, izohlarga va postga o'z fikrlarini qoldiradi.

"Subscriber odoblari" deb kitob yozsammikan-a ? 🙂😄

@JoshDeveloper