Xo'sh,
Demak JavaScriptdan o'zbek tilida ilk texnik intervyumizni boshlaymiz.

Buning uchun bizga bitta nomzod kerak bo'ladi.
Intervyuni o'zim olaman.
InshaaAlloh.

Nomzodlarni tanlash talablari quyidagilar:

1. JavaScriptni yaxshi bilishi.
- Promise, Closure, Hoisting va shu kabi mavzularni bilishi shart va zarur!
2. O'zbek tilini bilishi.

Nomzodni tanlash quyidagicha amalga oshiriladi.

1. Agar talablarga javob bersa, ushbu postning kommentiga tartib bo'yicha raqam bilan ismi sharifini yozib qoldiradi.

Masalan, sizdan oldingi ishtirokchi bunday ko'rinishda yozgan bo'lsa:
1. Falonchijon Pistonchiyev

Demak, siz bunday yozasiz:
2. Sizning ismingiz va familyangiz.

Tartib bo'yicha yozmagan va o'zini birdan ortiq yozgan inson chetlashtiriladi !
Birnecha akkountdan yozishni o'ylab ham ko'rmang. Rozi emasman!

Nomzodni videoda random son qaytaradigan JavaScript funksiya orqali tanlab olaman.

Tez orada bu ishlar uchun telegram bot ham qilarmiz inshaaAlloh.

Nomzodni 20-dekabr Dushanba kuni kechki payt aniqlaymiz. inshaaAlloh

P.S: Boshqalarga yetib borishi uchun, post va kanalni tarqatishni unutmang !

@JoshDeveloper

Nomzodimiz tanlandi.

Endi inshaaAlloh interview sanasini kelishib olamiz.

Bu safar omadingiz kelmagan bo'lsa, InshaaAlloh keyingi interviewda balki siz tanlanarsiz 😉

@JoshDeveloper

⌚️UCH SOAT

👨‍💻Hech narsaga chalgʻimasdan qattiq ishlang.

📱Telefon oʻchgan, ijtimoiy tarmoqlar offline holatida, chalg'ituvchi hech qanday omil yoʻq.

🎯Diqqatni jamlagan holda bajarilgan 3 soat, diqqatni jamlamay bajarilgan 12 soatga teng.

(3 soat kamku deganlar, oldin sinab koʻring)

💡Foydali bo'ladi degan umiddamiz😊
🧑‍💻Do'stlaringizga ham ulashing

Manba: @timetomotive (Obuna bo'lishni maslahat beraman)

@JoshDeveloper

Vergul operatoriga misol.

"birinchi a'ga 10'ni qo'sh va a'ni qaytar" degan kod bu. Jarayonlar ko'proq bo'lishi ham mumkin.

Siz ishlatib ko'rganmisiz ushbu sintaksni ? 🙋‍♂️


@JoshDeveloper

Birinchi oy, birinchi interview va birinchi ishtirokchini ham o'tkazib oldik.

Ba'zi sabablarga ko'ra biroz qisqa bo'ldi.

Ammo inshaaAlloh barchaga manfaatli bo'ladi deb umid qilaman.

Marhamat videosini tomosha qilishingiz mumkin.
Ishtirokchi haqida xulosamni keyinroq yozib qoldiraman. (Feedback)
InshaaAlloh.

@JoshDeveloper

Salohiddinga intervyu davomida bergan xulosam.

Salohiddin intervyuni ancha yaxshi ruhda boshlab oldilar. Muomala madaniyatlari ham joyida. Bilimlari ham ancha yaxshi.

Ammo biroz JavaScriptdan ba'zi mavzularni takrorlab olsalar maqsadga muvofiq bo'lgan bo'lar edi.

Masalan, Hoisting, Scope, Object tipi ishlashi va metodlari, Array metodlari, Map, Set, WeakMap, WeakSet kabi mavzular.

Manba sifatida: javascript.info saytini maslahat beraman.

Agar ushbu intervyu haqiqiy ish intervyusi bo'lgan taqdirda, biroz bilimlarini oshirish sharti bilan Junior lavozimiga bemalol ishga qabul qilgan bo'lar edim.

Omad !

@JoshDeveloper

Azizlar Intervyularni ko'rib borishingiz uchun, Shaxsiy youtube kanalimni ochdim.

Bugungi intervyuni joylab qo'ydim ushbu shaxsiy kanalimga va qolganlarini ham inshaaAlloh joylab boraman.
Telegramga joylamayman.

Obuna bo'ling: https://www.youtube.com/channel/UChPuw3sgVwJ9LwHiUTxIUdw

@JoshDeveloper

Dasturchiga muomala madaniyati kerakmi ?

Insonlar bilan gaplasha olish, fikrini tushuntira olish, boshqa insonlarda yaxshi taasurot uyg'otish kabi hislatlar dasturchi uchun muhimmi ?

Shu haqida gaplashsam degandim.

O'zim yozishimdan avval, albatta, sizning fikringiz qiziq.
Nima deb o'ylaysiz,
Rostan ham hozirgi zamonda muomala madaniyatisiz yaxshi dasturchi bo'lish mumkinmi ?


@JoshDeveloper

Rostan ham hozirgi zamonda muomala madaniyatisiz yaxshi dasturchi bo'lish mumkinmi ?

Mening javobim esa yo'q.
Mumkin emas. Orzu ham qilmang.
Siz dasturchi bo'la olasiz muomala madaniyatini bilmasdan. Ammo, yaxshi dasturchi bo'la olmaysiz.

Ayni damda Senior, Lead dasturchilardan talab qilinadigan narsalar faqat bilim emas, balki jamoani boshqarish, xaridorlar bilan to'g'ri muloqot olib borish va hkz. Junior va Middle'lar esa kamida jamoa bilan to'g'ri muloqot qila olishi, jamoadagilar bilan birga chiroyli suratda ishlay olishi ham muhim. (Albatta muomalasi yaxshi bo'lmasa, u dasturchini proyektdan 🪓🪓🪓 qilishlari turgan gap).

Xo'sh sizchi, ushbu xislatlar ustida ham ishlayapsizmi ?

Hozirdan o'sib kelayotgan dasturchilarimiz, xatto savol berish madaniyatini bilmaydi.

Ba'zilar savolniku eplab berib olishadi, javob olgandan so'ng esa na "rahmat", na "tushunarli", na "hop" degan so'zlarni ishlatishadi.
Xuddi biz javob berishimizga pul to'laydigandek, javobni olib ketishadi indamasdan.
Albatta rahmatiga zor emasmiz, ammo keyingi safar bu inson yozsa, unga javob bergimiz ham kelmaydi. Hurmati tushgani sabab.

Yana ba'zilar, haddan oshiq oddiy narsalarni google'dan qidirishni o'rniga, kimningdir vaqtini olib, maydalab so'rashni afzal ko'radi.

Nega bularni aytyapman ?
Hozirdan ahloqingizni go'zal qiling, siz bilan gaplashgan odam, siz bilan yana gaplashgisi kelsin yoki kamida sizdan ko'ngli sovib qolmasin. Yo'qsa bora-bora jamiyatda o'rningiz ancha pastga tushib ketadi. Dasturchilik faoliyatingizda ham bu ancha salbiy rol o'ynaydi.
Ha aytgancha, "Job interview"larda ham bunga alohida e'tibor berishadi. 😉

Alloh barchamizni go'zal xulqli bandalaridan qilsin.

@JoshDeveloper