Shavkat aka Karimov tomonidan yaxshi maslahatlar berilibdi.

Ayniqsa, tanlab ko'rsatganim ham juda muhim. Karyeraga berilib ketib, oilani unutganlardan bo'lmang. Oxir oqibat yoningizda oilangiz qoladi, kasbdoshlaringiz emas.

Postni o'qish uchun LINK

#tips

@JoshDeveloper

IT sertifikat olish to'lovlarini qoplash mavzusiga qiziqayotganlar bo'lsa, marhamat: https://t.iss.one/digitaledu_uz/1951

#share

@JoshDeveloper

Frontend loyiha qurishdagi eng qiyin mavzular qaysilar deb o'ylaysiz?
Qanday mavzuda vazifa kelsa, qiyin vazifa deb baholaysiz?

3D/2D Graphics? Optimization? Arxitektura? Yoki CSS gridmi 😁? Yoki o'zingiz ayting.

#frontend

@JoshDeveloper

Loyiha dasturchiga bog‘liq bo‘lmasin

Bir vaqtlar dasturchilar jamoasi yiqqan edim. Ishlab turgan loyiha, ammo jamoa yo‘q edi. Shu sababli tezroq ishni boshlay olish uchun Senior dasturchilardan jamoa yig‘ish fikrida edim.

Bir kuni chet el korxonasida 10+ yildan ortiq ishlagan Senior bilan gaplashdim. Jamoaga qo‘shilishga rozi bo‘ldi. Unga loyiha arxitekturasini to‘liq topshirdim. Chunki uning chet el korxonasida ishlagan ish tajribasi men uchun muhim edi. O‘zim faqat mahalliy korxonalarda ishlagan bois.

Ish boshladik, lekin ish boshlashdan avval qiziq gap edi:

- Loyihani manga bog‘lama!
- ...
- Sanga etgan ishingni qilib beraman, loyihani to‘liq eplab beraman, korxonada ishlash tizimini (madaniyatni) shakllantirib beraman. Faqat loyihalarni manga bog‘lab qo‘yma. Ertaga ketadigan bo‘lsam, xafagarchilik bo‘lmasligi kerak.

Man uchun bu qiziq tuyuldi. Xuddi muzdek suv quygandek. Bu gapni birinchi marta eshitishim edi.

Hozir fikrim unday emas. Rostdan ham loyihani dasturchiga bog‘lash kerak emas. Dasturchi keladigan va ketadigan odam. Loyiha esa doim ishlashi, takomillashishi va kengayishi kerak.

Har safar dasturchingiz ketib qolsa, loyihani qaytadan yozmaysiz-ku.

Demak, loyihani dasturchiga bog‘lab bo‘lmas ekan. Unda nima qilaman? Qanday qilib korxonani doim ishlashini ta’minlayman? Qanday qilib dasturchilarni qiziqishini ushlab turaman yoki o‘qitaman? Ular baribir ketadigan bo‘lsa. Ularga nima uchun sarmoya (Investitsiya) kiritishim kerak?

Yechim izlash kerak.

Ba’zi yechimlarni ishlatib ko‘rdim.

1. Hujjat yozing. Loyiha davomida dasturchi korxona yordamida o‘rgangan tajribasini hujjat qilib yozsin. Biror jarayonni eplay boshladimi, darrov qanday qilib bajarayotganini yozib qo‘ysin.

2. Vazifa berishda, biror mavzuni muhokama qilishda doim hujjat shakllantiring. Odatda ba’zilar kunlik majlis (Stand-up)larni qilmaydi. Qilsa ham, og‘zaki gaplashib, hech nima yozmaydi. Siz esa yozing. 4 qator bo‘lsa ham yozing..

3. Dasturchingiz salohiyatini doim o‘stirib boring. Kurslarga borsin, bilim olsin. Yilda bir marta bo‘lsa ham bitta kurs olib bering. Xarajat qilganingizda ketib qolishidan qo‘rqmang. Juda bo‘lmasa, 2 yil ishlab berasan deb shart qo‘yasiz.

4. Konferensiya va MeetUplarda qatnashsin. Faol bo‘lishini ta’minlang. Ham shaxsiy brendi kuchayadi ham sizning korxonangiz nomi chiqadi.

5. Dasturchilar jamoasi: "Yo‘q", - desa, salbiy qaramang, asosini o‘rganing. "Yo‘q" deyish mumkin. Nima uchun ekanini o‘rganish mumkin emas.

Bu holat hammamizda bo‘ladi. Shu sababli aybni xodimimizdan emas, avval ishni tashkil etishda qilgan xatoimizdan izlang. Tizim ishlashi kerak. Shunga harakat qiling.

Kuningiz barakali o‘tsin. Dasturchilar ketaman deyishmasin :)

28.08.2025 London
@DrAlgorith

Yandex Uzbekistan'dan Dev Camp — dasturchi sifatida o‘sishing uchun imkoniyat!

🧑‍💻👩‍💻 20 sentyabr kuni Toshkentda start oladigan mazkur dasturda Yandex'ning yetakchi mutaxassislari yig‘iladi. Qatnashuvchilarni backend, algoritmlar va AI bo‘yicha ma’ruzalar, amaliy mashg‘ulotlar va vorkshoplar, karyera bo‘yicha seminarlar hamda demo-intervyular kutmoqda. Eng faol ishtirokchilar tanlov asosida amaliyotga taklif qilinadi va Yandex Uzbekistan jamoasiga qo‘shilish imkoniga ega bo‘ladi.

✏️👉 Ro‘yxatdan o‘tish 17 sentyabrgacha ochiq

❗️Qatnashish — bepul

Talaba yoki dasturlash sohasidagi faoliyatingizni boshlayotgan bo‘lsangiz — imkoniyatni boy bermang. Bunday loyihalar haqiqatan ham karyerangizni o‘zgartirishi mumkin.

Dasturlashdan boshqa yo’nalishga o’tganlar bormi?

Qaysi yo’nalishga va nega o’tdingiz?

Masalan, management, media, design, testing…

#qiziq

@JoshDeveloper

Fikrimcha bunday tajribalarni ko’proq ulashishni boshlash kerak. Hammani dasturlashga qiziqtirishni “uddaladik”. Endi undan to’g’ri chiqishni ham o’rgatish kerak.

Dasturlashni bir yo’nalishidan ikkinchi yo’nalishiga o’tish nisbatan oson, lekin boshqa kasbgachi? Garchi AyTi ichida bo’lsa ham, turli xil kasblar bor.

Shunday tajriba ulasha oladigan kimdir bilan suhbat ham qilsak bo’lar edi. Ko’pchilikka qiziq mavzu.

#rotation

@JoshDeveloper

Google'dagilar Angular uchun MCP server'dan foydalanish imkonini qo'shishibdi. Hozircha Angular CLI uchun.

O'zingizni IDE'ingizga bemalol qo'shishingiz mumkin ekan.

Batafsil: https://angular.dev/ai/mcp

#angular

@JoshDeveloper

"Burnout" bo'lganda nima qilasizlar?

#savol

@JoshDeveloper

Oy tutilishi boshlandi 🌚

“Centrum Air” orqali har qanaqasiga bilet olmoqchi bo’lib ko’rdim, Visa, Uzcard… ishlamadi.

Tizimlari bir muddatga ishlamasligi qanchalik kompaniya va insonlarga katta zarar yetkazishi mumkin a?

Dasturlaringizni mas’uliyat bilan yozing, kamida qarg’ishga qolmaysiz.

#thoughts

@JoshDeveloper

Endi keyingisi, “Silk Avia” telefonni ko’tarishmayapti. Aviakompaniyada Call-center telefonni ko’tarmasa, kim ko’taradi? 😅️️

Tovba.

#tanqid

@JoshDeveloper

24-sentabrda ICTWeek 2025 doirasida bo’lib o’tadigan “AI in Digital Education” marosimiga taklifnoma jo’natishibdi 🌚

Hammani taklif qilaman.

Ro'yxatdan o'tish

🔕 Manzil: CAEx Ko‘rgazma Markazi, Main Hall 1
🔔 Vaqt: 9:30 (ro‘yxatdan o‘tish 9:00 dan boshlanadi)

#taklif

@JoshDeveloper

Qachon to’xtashni bilish ham mahorat.

Nimadir xato ketyaptimi? To’xtashdan qo’rqmang.

#thoughts

@JoshDeveloper

9/9/6

Ko'p joyda 9 dan 9 gacha, 6 kun ishlash haqida gap ketyapti shekilli.

Qisqagina o'z fikrimni bildiray 🙂

— O'zim birovga shunday ishlarmidim?
— Yo'q, aslo. Oilam va hayotim ustunroq.

— 3-4x to'lashsachi?
— Bunisi boshqa masala 😉. Qisqa muddat uchun o'ylab ko'rardim.

— Boshqalarga tavsiya beramanmi?
— Yo'q, faqatgina o'zi shuni xohlab, chiday olishiga ko'zi yetsa o'z xohishi albatta, aralasha olmayman. "Burnout is real." Faqatgina kompaniya ishchi olishda bu narsalarni ochiq aytishi kerak deb o'ylayman. 5 kunlik ish kuni deb olib, 6-7 kunlab ishlatishni maqsad qiladiganlardan bo'lishmasa bo'ldi.

— Bunday ish tartibi ommalashishi yomonmi?
— Menimcha ha. Bunday tartibda bo'ydoqlar bemalol ishlar, lekin oilalilar ishlashi juda qiyin. Inson bo'lib yashashdan chekkaga chiqib boriladi bu ketishda. Sohamizga bunday tartiblarni joriy qilishga qarshiman. Umid qilamanki keng yoyilmaydi. Buni o'rniga samadorlikni oshirish bo'yicha o'ylash yaxshiroq. Ko'p kompaniyada hali to'g'ri kommunikatsiya usuli yo'q masalan.

Yashash uchun ishlash kerak, ishlash uchun yashash emas.

#thoughts

@JoshDeveloper

"IT va olam" mavzusida Saidolim aka Djurayev va Qudrat aka Abdurahimov ajoyib suhbat uyushtirishibdi.

Link: https://www.youtube.com/watch?v=ZPglWdMPYtM

#tavsyu

@JoshDeveloper

17 sentyabrgacha Yandex Uzbekistan Dev Meetup #3 va Dev Camp uchun arizalar qabul qilinadi.

20 sentyabr kuni INHA University’da Yandex muhandislari — backend-ishlab chiquvchilardan tortib arxitektorlar va yo‘nalish rahbarlarigacha to‘planadi. Bu Toshkentdagi uchinchi uchrashuv bo‘lib, hozirgacha eng yirigi bo‘ladi.

Ishtirokchilarni quyidagilar kutmoqda:
🟡 mashinali o‘rgatish, algoritmlar va tizimlarni masshtablash haqida ma’ruzalar hamda panel muhokamalari;
🟡 code-battle’lar va demo-intervyular;
🟡 rezyume (CV) tayyorlash bo‘yicha vorkshoplar va HR-mutaxassislar bilan karera sessiyalari.

✨Mitapdan keyin darhol Dev Camp — backend-ishlab chiqish va algoritmlar bo‘yicha intensiv kurs start oladi. Eng yaxshi talaba va yosh mutaxassislar Yandex Uzbekistanda amaliyot o‘tash imkoniyatiga ega bo‘ladilar.

👉 Ro‘yxatdan o‘tish

Ishga kirish uchun suhbatdan o'tish kerak.

Suhbatdan o'tishda esa ishonch kerak.

Ishonch bo'lishi uchun esa ilm kerak.

Ko'pincha ilm bo'lmagani uchun sababini qilolmaymiz.

Ilm bu yodlab olish emas, to'liq tushunish.

Futbol bo'yicha savol berilganda tezlik va ishonch bilan javob beramiz.

Lekin suhbat savollariga kelganda ikkilanib qolamiz.

Ikkalasi ham ilm, lekin birini zavq bilan tushunib o'rganamiz, ikkinchisini esa yuzaki.

Sohani yaxshi ko'rib o'rganish kerak, majburlikdan emas.

Shunda yaxshi ko'rgan ishni qilamiz, majbur bo'lganni emas.