#Jizzax_kadastr #videoselektor

BIR HAFTALIK KO‘RSATKICHLAR O‘RGANILDI

🔷Bugun Kadastr agentligi hamda Davlat kadastrlari palatasi Jizzax viloyati boshqarmalari majlislar zalida tuman (shahar) bo‘lim va filial xodimlari uchun (ZOOM platformasi orqali) bir haftalik ish hajmi, yakunlariga bag‘ishlangan videoselektor bo‘lib o‘tdi.

🔹Kadastr agentligi Jizzax viloyati boshqarmasi boshlig‘i N.Sidikov, Davlat kadastrlari palatasi Jizzax viloyati boshqarmasi boshlig‘i S. Kodirkulovlar tomonidan o‘tkazilgan ushbu videoselektorda ijro intizomi va murojaatlar to‘g‘risida, o‘zboshimchalik va noqonuniy qurilmalarga ko‘rilgan choralar va DRU bo‘yicha, UzKAD dasturiga davlat obyektlarini olib o‘tish holati, Davreyestr pro 2 dasturida kadastr paspori shakllantirish va davlat ro‘yxatidan o‘tkazish uchun to‘lov kutilayotgan arizalar va tushum bo‘yicha qilingan ishlar, shuningdek, mazkur dastur asosida kadastr pasporti shakllantirish uchun kelgan arizalarning muddat buzilish holati kabi masalalar ko‘rib chiqilib, ishga yondashuv bo‘yicha tanqidiy fikrlar bildirildi.

🔹Jumladan, Kadastr agentligi Jizzax viloyati boshqarmasi boshlig‘i N.Sidikov tomonidan ish jarayonida ijro intizomiga rioya etmagan, kamchiliklarga yo‘l qo‘ygan 10 nafar xodimga nisbatan intizomiy chora ko‘rildi.

🔹Bundan tashqari, kadastr xodimlarining kasb madaniyatiga rioya etishi, ijro intizomini mustahkamlash masalalariga to‘xtalar ekan, huquqbuzarliklar, shu jumladan, tamagirlik, poraxo‘rlik, mansab vakolatlarini suiiste’mol qilish kabi illatlar aslo kechirilmasligini ta’kidlab o‘tdi.

🔹Videoselektor yakunida hududiy boshqarma boshliqlari yig‘ilish ishtirokchilariga ZOOM platformasi orqali bugun o‘tkazilgan kengaytirilgan yig‘ilishda berilgan topshiriqlar ijrosi kelgusi haftaning juma kuniga qadar so‘zsiz ta’minlash shart ekanligi yuzasidan ham ko‘rsatmalar berdilar.

👍Ijtimoiy tarmoqlardagi sahifalarimiz:
✅Telegram I 📸Instagram I💬 Facebook