📌Chek – iste’molchilar huquqlarini himoya qilish kafolati va sotuvchining ishonchlilik ko‘rsatkichi

Har birimiz savdo do‘konlaridan kunda yoxud kunora ehtiyojimiz uchun nimadir xarid qilamiz. Ko‘p hollarda xaridimiz uchun beriladigan chekni sotuvchilar taqdim etmaydi yoki o‘zimiz talab qilmaymiz. Holbuki, chekni talab qilish – davlat byudjetiga soliqlar tushumi ortishiga, yashirin iqtisodiyot ulushining qisqarishiga xizmat qiladi.

Xarid cheklarini berilmasligi ortidan bir necha marotaba soliq tekshiruvlari o‘tkazilgan tadbirkorlarning muammolarini o‘rganish maqsadida, viloyat soliq boshqarmasi tomonidan profilaktik suhbatlar o‘tkazilmoqda.

Xarid cheklarini talab qilib olish naqd pullarning bankdan tashqari noqonuniy aylanishining oldini oladi.
Davlat byudjetiga soliq tushumi oshishini ta’minlaydi.
Iste’molchiga berilmagan chek esa ba’zida tadbirkor uchun “qimmatga tushadi”.

Joriy yil boshidan bugungi kunga qadar Jizzax viloyati soliq organlariga 434 nafar fuqaro tomonidan “Soliq hamkor” orqali 1936 ta murojaat yo‘llangan.
Murojaatlarning barchasi chek bermaslik va boshqa soliq huquqbuzarliklari bo‘yicha kelib tushgan.

Bugungi kunda murojaatlarning 1697 tasi o‘rganilgan.
Ayni kunda muntazam ravishda chek bermay takror va takror tekshiruvlar o‘tkazilayotgan tadbirkorlik sub’ektlarida viloyat soliq boshqarmasi mas’ullari tomonidan profilaktik suhbatlar o‘tkazilmoqda.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

📌Soliq imtiyozlari beriladi

Ayni damda Prezident Shavkat Mirziyoev raisligida kambag‘allikni qisqartirish va bandlikni ta’minlash ishlarini yangi pog‘onaga olib chiqish chora-tadbirlari yuzasidan videoselektor yig‘ilishi bo‘lib o‘tmoqda

1 iyundan boshlab “20 ming tadbirkor – 500 ming malakali mutaxassis” dasturi amalga oshiriladi.
Dasturda ishtirok etadigan tadbirkorlarga soliqlardan alohida imtiyozlar beriladi. Jumladan:

- kamida 20 foiz kambag‘al oila a’zosini bir yil davomida ish bilan ta’minlasa, mol-mulk va yer soliqlaridan ozod qilinadi;

- kambag‘al oila a’zosi daromad solig‘idan ozod qilinadi;

- 5 million so‘mgacha ish haqi to‘layotgan tadbirkorlarga ijtimoiy soliq stavkasi 2 baravarga kamaytiriladi.

Shuningdek, dasturda qatnashadigan tadbirkorlar soliq va bojxona ma’murchiligida yengilliklar oladi. Xususan:

- ular faoliyatida soliq tekshiruvlari o‘tkazilmaydi;

- ularga qo‘shilgan qiymat solig‘i, shuningdek, ortiqcha to‘langan soliqlar tekshiruvsiz qaytarib beriladi;

- qo‘shilgan qiymat solig‘i bo‘yicha guvohnoma muddatidan ilgari bekor qilinmaydi;

- barcha soliqlardan qarzdorlikni bir yilgacha kechiktirib to‘lash imkoni beriladi;

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

📌Korxonalarni yirik soliq to‘lovchilar va kichik va yirik tadbirkorlik sub’ektlari jumlasiga kiritishning mavjud mezonlari bor

Yirik soliq to‘lovchilar toifasiga quyidagilar kiradi Nizom 4-b., AV ro‘xat raqami 3172, 12.07.2019 .:

• aksiz solig‘iga tortiladigan tovarlarni ishlab chiqaruvchi va aksiz to‘lanadigan xizmat ko‘rsatuvchi korxonalar;

• tijorat banklari, tovar-xom ashyo, fond va valyuta birjalari;

• “Navoiy KMK” DK, “Olmaliq KMK” AJ hamda ularning tarkibiga kiruvchi tashkilotlar;

• mahsulot taqsimotiga oid bitim bo‘yicha ishlarni bajarishda ishtirok etayotgan tashkilotlar;

• mahsulot (tovar, ish va xizmat)larni sotishdan olingan sof tushumi o‘tgan kalendar yil yakuni bo‘yicha 100,0 milliard so‘mdan yuqori bo‘lgan yoki ketma-ket keladigan o‘n ikki oylik davr yakuni bo‘yicha ushbu miqdordan oshgan yuridik shaxslar, chet el yuridik shaxslarining O‘zbekiston Respublikasidagi doimiy muassasalari (bo‘linmalari);

• uglevodorod xom ashyosi va mineral resurslarni qazib oluvchi, qayta ishlovchi, yetkazib beruvchi va sotuvchi hamda elektr energiyasini ishlab chiqaruvchi va yetkazib beruvchi yuridik shaxslar va ularga tovar (ish va xizmat) yetkazib beruvchi chet el yuridik shaxslarining O‘zbekiston Respublikasidagi doimiy muassasalari (bo‘linmalari), bundan avtomobillarga yoqilg‘i quyish shoxobchalari mustasno;

• O‘zbekiston Respublikasining havo bo‘shlig‘idan yo‘lovchilarni tashish maqsadlarida foydalanuvchi, xalqaro havo aloqalarini amalga oshiruvchi va ularning tarkibiga kiruvchi yuridik shaxslar;

• realizatsiya qilish joyi O‘zbekiston Respublikasi bo‘lgan elektron shakldagi xizmatlarni realizatsiya qilishni amalga oshiruvchi chet el yuridik shaxslari.

Nizom talablari tatbiq etiladigan yirik soliq to‘lovchilar ro‘yxati har yili keyingi soliq davri boshlangunga qadar bir oydan kechikmay DSQ tomonidan tasdiqlanadi Nizom 7-b., AV ro‘xat raqami 3172, 12.07.2019 .. Shuningdek, bunday korxonalar MHXS asosida buxgalteriya hisobining yuritilishini va moliyaviy hisobotning shakllantirilishini ta’minlaydilar 24.02.2020 yildagi PQ-4611-son qaror 1-bandi.

Kichik tadbirkorlik sub’ektlari jumlasiga kiritish esa hanuz “Tadbirkorlik faoliyati erkinligining kafolatlari to‘g‘risida”gi Qonun va 24.08.2016 yildagi 275-son VMQ bilan tasdiqlangan Kichik tadbirkorlik sub’ektlariga tegishli bo‘lgan tashkilotlar tasniflagichi asosida amalga oshirilmoqda. Bu yerda korxonani kichik biznes jumlasiga kiritish 24.08.2016 yildagi 275-son VMQga 1-ilova uchun asosiy mezonlar quyidagilardir:

1) statistika organlari tomonidan yil yakunlari bo‘yicha beriladigan IFUT;

2) xodimlarning o‘rtacha yillik soni.

IFUT kodi va korxonalarning kichik biznes sub’ektlari jumlasiga kirishini stat.uz saytidagi “KTYaDRdan ma’lumotlar” xizmati yordamida ham tekshirish mumkin.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

Sarmichliklarning oqova suvi bilan bog‘liq muammosi bartaraf etildi

Yangiobod tumani “Sarmich” mahalla fuqarolar yig‘ini aholisining oqova suvga bo‘lgan ehtiyoji o‘z yechimini topdi.

Joylardagi kamchiliklar va takliflar, aholini o‘ylantirayotgan masalalarini ular bilan yuzma-yuz muloqotlar jarayonida hal etilayotganligi yaxshi natija berayotir.

Tuman soliq inspeksi rahbariyati 4-sektorga qarashli hududdagi aholi vakillari bilan kundalik hayotda uchrayotgan muammolarni aniqlash va bartaraf etishga harakat qilmoqda.

Soliqchilarning sa’y-harakati bilan mahalla aholisi hamjihatlikda xonadonlarida tomorqachilikni rivojlantirishi uchun mahalla hududidan oqib o‘tuvchi katta anhor kanaligacha hashar yo‘li bilan ariq qazilib, aholining ichimlik suvi muammosi bartaraf etildi.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

📌QQSni qachon hisobga olish mumkin

➡️Tavsiyada:

– QQSni hisobga olishning shartlari;
– tovarlar importida QQSni hisobga olish:
imtiyozlar mavjud bo‘lganda «import» QQS hisobini yuritish;
– eksportda QQSni hisobga olish:
vositachi orqali eksportda QQSni hisobga olish.

Tovarlar va xizmatlarni realizatsiya qilganingizda hisoblangan QQSni hisobga olinadigan soliq summasiga kamaytirishga haqlisiz. Biroq, buning uchun ma’lum shartlar bajarilishi lozim .
Odatda, tovar va xizmatlar yetkazib beruvchisi tomonidan taqdim etilgan QQS summasi hisobga olinadi. Biroq, ayrim hollarda o‘zingiz hisoblab, byudjetga to‘lagan QQS summasi hisobga olinadi.

Quyidagi hollarda xaridorning o‘zi QQSni byudjetga to‘lashi, keyin esa uni hisobga olishi lozim:( SK 266 m/1-q)

• tovarlar importida ;(SK 266 m 1-q.3-b)
• O‘zbekistonda QQS to‘lovchisi sifatida ro‘yxatdan o‘tmagan chet ellik shaxslardan tovar va xizmatlar olinganda. Bunda tovar va xizmatlarni realizatsiya qilish joyi O‘zbekiston hisoblanadi ; (SK 266 m1-q.4-b)
• davlat mulki xarid qilinganda. (SK 266 m 1-q. 4-b)

➡️Qanday shartlarda QQSni hisobga olib borish mumkin

Umumiy qoidaga muvofiq, haqiqatda olingan tovar va xizmatlar bo‘yicha «kiruvchi» QQSni hisobga olishingiz mumkin. Buning uchun bir vaqtning o‘zida quyidagi shartlar bajarilishi kerak :

1) olingan tovarlarni ishlab chiqarish va (yoki) realizatsiya qilish (xizmat ko‘rsatish) bilan bog‘liq faoliyatni amalga oshirish chog‘ida tovarlardan (xizmatlardan) foydalanilganda realizatsiya qilish bo‘yicha aylanmaga soliq solinsa, shu jumladan nol stavka bo‘yicha soliq solinishi lozim bo‘lsa;

2) «kiruvchi» QQS yetkazib beruvchining hisobvaraq-fakturasida yoki uning o‘rnini bosuvchi boshqa hujjatda ajratib ko‘rsatilgan bo‘lsa;

3) yetkazib beruvchingiz QQS to‘lovchisi sifatida ro‘yxatdan o‘tgan bo‘lsa va amal qiluvchi QQS guvohnomasiga ega bo‘lsa;

4) siz amaldagi QQS guvohnomasiga ega bo‘lsangiz.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

– Do‘konlar tarmog‘i kengaytirishni rejalashtirmoqda, xususan – yirik aholi punktlaridan tashqarida savdo shoxobchalarini ochish hisobiga.

U yerda esa Internetga uzluksiz ulanish bilan bog‘liq muammolar mavjud. Qanday yo‘l tutish lozim?

Biz uchun Internet juda muhim, sababi assortimentda majburiy raqamli markirovkalanishi lozim bo‘lgan mahsulotlar mavjud. Oflayn-rejimda ishlash aynan shunday tovar bilan ishlashda nosozlik xavfini oshiradi.

Alisher Jabborov tadbirkor

– Onlayn-NKM va virtual kassalar Internetdan uzilgan paytdan e’tiboran 48 soat mobaynida avtonom rejimda ishlashi mumkin. Shu vaqt mobaynida barcha funksionalning ish qobiliyati qo‘llab-quvvatlanadi.
Bunda internetga uzluksiz ulanishni ta’minlashga ham urinib ko‘rish mumkin.

Barcha onlayn-NKM va virtual kassalar internetning turli manbalariga ulanishni qo‘llab-quvvatlashi mumkin: mobil, kabel, wi-fi.
Siz joylashgan joyda yaxshi sifatdagi internet bilan ta’minlaydigan operatorlarni toping. Agar signal yo‘qolib qolsa, kassa bu haqda sizni ogohlantiradi va sizda boshqa manbaga qayta ulanish imkoniyati bo‘ladi.

Buni aynan sizning apparatingiz bilan qanday amalga oshirish mumkinligi yuzasidan TXKMdan yo‘l-yo‘riq oling.
Aytgancha, elektr energiyasi bilan uzluksiz ta’minlash borasida ham shunga o‘xshash vaziyat. Barcha qurilmalar avtonom quvvatlantirish manbalariga ega.

Elektr energiyasi uzoq vaqt uzib qo‘yilishi holatiga zaryadlangan akkumulyatorlar va quvvatlantirish manbalariga ega bo‘ling. Yoki – generator sotib oling. Umuman elektr energiyasisiz kassa ishlamasligini yodda tuting.

Agar bunday holat yuz bersa, xaridorlarga tasdiqlangan shakl bo‘yicha kvitansiyalar bering. Kassa yana ishlab ketgandan so‘ng, har bir kvitansiyaga chek uring.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram