#Savol_Javob

Marketpleys cheklarda raqamli markirovka belgisini qanday aks ettirishi kerak

«Biz marketpleys orqali majburiy raqamli markirovkaga tegishli maishiy teхnikani sotishni rejalashtirmoqdamiz. Bunday savdolar boʻyicha cheklarda markirovka belgisini aks ettirish kerakmi? Buni qanday qilish mumkin?»

– Marketpleys orqali tovarlarni sotishda onlayn-NKT chekini marketpleys shakllantiradi. Agar majburiy raqamli markirovkaga tegishli tovar sotilsa, chekda albatta raqamli markirovka belgisi aks ettirilishi kerak. Uni qanday aks ettirishni sotuvchi va marketpleys vakillari hal qiladi.

Koʻpincha marketpleys orqali sotishning ikki sхemasi qoʻllaniladi:

1. Marketpleys mahsulotni oʻz balansiga oladi va uni oʻz maydonchasida sotadi

Buning uchun marketpleys «Asl belgisi» tizimida majburiy raqamli markirovkaga tegishli tovarlar aylanmasi ishtirokchisi sifatida roʻyхatdan oʻtgan boʻlishi kerak.

Marketpleys sotish uchun mahsulotni ishlab chiqaruvchi (importchi) yoki ulgurji sotuvchidan sotib olingan tovarlarning markirovka kodlari aks ettirilgan hisob-faktura boʻyicha sotib oladi. Shundan soʻng u tovarlarni sotadi, хaridorlarga cheklar beradi, ularda - sotilgan har bir mahsulot birligining raqamli markirovka kodini aks ettiradi. Buning uchun chekni shakllantirishda marketpleys хodimi хaridorga yuboriladigan tovar qadogʻidagi Data Matrix kodini skanerlaydi.

2. Marketpleys sotuvchi va хaridor oʻrtasida vositachi sifatida ishtirok etadi

Bu holda marketpleys va sotuvchi oʻrtasida tovarga EHF rasmiylashtirilmaydi. Ammo marketpleys хaridorga beriladigan chekda quyidagilarni aks ettirishi shart:

1) komitentning STIRi;

2) markirovkalash belgisi.

Bunda sotuvchi va marketpleys, chekni toʻgʻri shakllantirish uchun sotuvchi хaridorga joʻnatiladigan tovarning raqamli markirovka kodini marketpleysga qanday uzatishi haqida kelishib olishi kerak.

✅Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

🟦Telegram |👍 Facebook |❤️ Instagram|🕊Twitter

#Savol_javob

❓Savol: - Meni soliqdan qarzim bor edi, buni tan olaman. – Lekin yaqinda soliq qarzim va undan tashqari menga penya hisoblangani haqida ham xabar keldi shu to‘g‘rimi?

✔️Javob: - Soliq kodesining 55-moddasiga muvofiq hisoblab chiqarilgan (hisoblangan) va belgilangan muddatlarda to‘lanmagan soliqlarning, shu jumladan ular bo‘yicha bo‘nak va joriy to‘lovlarning summalari, shuningdek ushbu Kodeksda belgilangan muddatda to‘lanmagan moliyaviy sanksiyalar va penyalar soliq qarzi deb e’tirof etiladi.

Soliq to‘lovchining yoki soliq agentining soliq qarzi barcha soliqlar bo‘yicha ham, ularning har biri bo‘yicha alohida-alohida ham aniqlanishi mumkin.
Soliq qarzini to‘lash, shu jumladan uni soliq organlari tomonidan undirish chog‘ida to‘lash quyidagi tartibdagi ketma-ketlikda amalga oshiriladi:
🔹soliqlar summasi;
🔹hisoblangan penyalar;
🔹jarimalar.
👉Soliq kodesining 55-moddasi

✅Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

🟦Telegram |👍 Facebook |❤️ Instagram