Quyosh batareyalaridan foydalangan tadbirkorga soliq imtiyozlari mavjud

Yaqinda viloyat soliq boshqarmasida tadbirkorlar va mahalliy OAV ishtirokidagi ochiq muloqat bo‘lib o‘tdi.

Unda 2019 yil 21 mayda qabul qilingan O‘zbekiston Respublikasining «Qayta tiklanuvchi energiya manbalaridan foydalanish to‘g‘risida»gi qonunida qayta tiklanuvchi energiya manbalaridan (QTEM) elektr energiyasi ishlab chiqarish, shu jumladan shaxsiy manfaatlarda foydalanish uchun boshqa turdagi QTEMlarga berilgan soliq imtiyozlari borasida so‘z yuritildi.

QTEMdan foydalanadigan jismoniy shaxslar bilan bir qatorda, qonun bilan boshqa ikki turdagi elektr energiyasini ishlab chiqaruvchilari ham belgilangan. Bular lokal tarmoq orqali yuridik va jismoniy shaxslarning ehtiyojlari uchun elektr energiyasi ishlab chiqaruvchilari va QTEMdan yagona energetika tizimiga elektr energiyasi yetkazib beruvchi ishlab chiqaruvchilardir.

Mutaxassislar iborasi bilan aytganda, QTEMdan foydalanib (quyosh, shamol va boshqalar orqali) elektr energiyasi ishlab chiqarish mumkin. Nafaqat shaxsiy ehtiyoj uchun, balki uni sotish ham mumkin. Bunday hollarda, bu tadbirkorlikning eng yangi turi ham hisoblanadi.

Bunday tadbirkorlarni qo‘llab-quvvatlash maqsadida, qonun ularga QTEMdan lokal elektr tarmoqlarini yaratish, yuridik va jismoniy shaxslar tomonidan elektr energiyasini o‘zaro kelishilgan narxlarda sotish bo‘yicha shartnomalar tuzish huquqini beradi.

Shu bilan birga, QTEMdan yagona energetika tizimiga elektr energiyasini yetkazib beruvchilarga tarmoqqa kafolatli ulanish huquqi berildi. Tabiiyki, bu yerda qayta tiklanuvchi energiyadan o‘z ehtiyojlari uchun emas, balki tadbirkorlik, ya’ni elektr energiyasini sotish maqsadida foydalanish haqida gap ketganda, amaldagi biznes qonunlari qo‘llaniladi.

Va birinchi turdagi ishlab chiqaruvchilar uchun – ya’ni quyosh energiyasini o‘z ehtiyojlari uchun ishlab chiqaradiganlar uchun nafaqat shartnomalar talab etilmasligi, balki ularga rag‘batlantiruvchi imtiyozlar ham mavjud.

Agar aholi faqat qayta tiklanuvchi energiyadan foydalangan holda, ya’ni mavjud energiya tarmoqlaridan to‘liq uzilgan taqdirda, ularga jismoniy shaxslarning mol-mulk solig‘idan va yer solig‘idan uch yil muddatga (QTEMdan foydalanish oyidan boshlab) ozod qilinadi.

O‘rnatilayotgan quyosh panellarining quvvatiga nisbatan 25 foizdan kam bo‘lmagan quvvatga ega elektr energiyasini saqlash tizimi bilan o‘rnatilgan bo‘lsa – 10 yil muddatga ozod etiladi .

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

“Yangi hayot uchun, Yangi O‘zbekiston uchun!” shiori ostida xasta va bemorlar holidan xabar olindi

Avval xabar berganimizdek, viloyat soliq boshqarmasi boshlig‘i Forish tumanida nogironligi bo‘lgan Kumush Bobobekova yashaydigan uyga borganda asosiy muammo uy-joyni ta’mirlash ekanligi aniqlandi.

Soliqchilar ko‘magi bilan o‘shbu xonadonga zarur qurilish ashyolari keltirib berildi. Anchagina xarob holatda bo‘lgan uy bir oy ichida butunlay yangi ko‘rinishga keltirildi.

Kuni kecha viloyat soliq boshqarmasi boshlig‘i va davlat xavfsizlik xizmati tuman bo‘limi boshlig‘i hamkorligida bemor Kumush Bobobekova holidan xabar olindi.

Mehmonlar farishtali otaxon va onaxon o‘rtasida bo‘lgan suhbat bir piyola choy ustida kechdi, ular bu oilaga televizor sovg‘a qilishdi.

Aholining ehtiyojmand qatlamlariga ko‘rsatilayotgan bu kabi yordamlar, olib borilayotgan xayrli va ezgu ishlar odamlarning ertangi kunga bo‘lgan ishonchini mustahkamlashga, hayotidan rozi bo‘lib yashashiga yordam bermoqda.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram