🗳 Maktab Prezidentligi Saylovi

Bugun Muhammad al-Xorazmiy nomidagi ixtisoslashtirilgan maktabda hayajon bilan kutilgan — Maktab Prezidentligiga Saylov bo‘lib o‘tdi!

Saylov jarayoni demokratik tamoyillarga asoslangan holda ochiq va oshkora tarzda tashkil etildi. Bu jarayon o‘quvchilar orasida erkin fikr bildirish va tanlov qilish madaniyatini rivojlantirishga xizmat qildi.

Ovoz berish jarayoni belgilangan vaqtda, qat’iy nazorat ostida o‘tkazildi. O‘quvchilar maxsus saylov qutilariga o‘z byulletenlarini tashlab tanlovlarini amalga oshirdilar.

Saylangan yangi Prezident maktab hayotida faol ishtirok etib, o‘quvchilarni manfaatlarini himoya qilish, maktabda ijobiy muhitni shakllantirish, turli madaniy, sport va ijtimoiy loyihalarni amalga oshirishda bosh-qosh bo‘lishi kutilmoqda.

O‘tkazilgan bunday jarayonlar yoshlarimizni yetakchilikka, faollikka, jamoatchilik ishlarida faol ishtirok etishga undaydi.

Bugungi saylovdagi har bir ovoz — ishonch, har bir ishtirok — maktabimiz kelajagiga qo‘shilgan hissa bo‘lishi shubhasizdir.

IT-School Presidency

#Saylov #natijalari

SARDORBEK ABDUMANABOV - MAKTABIMIZNING PREZIDENTI

🗓Bugun Muhammad al-Xorazmiy nomidagi ixtisoslashtirilgan maktabda maktab prezidentligiga saylov bo‘lib o‘tdi. Abdugafurov Muhammad, Abdumanabov Sardorbek, Berdiklichev Ogabek, va Sevinchova Farzonalar maktab prezidentligiga nomzod qilib ko‘rsatilgan.

🕛Saylov jarayonida saylovchilar o‘z munosib ko‘rgan nomzodlariga ovoz berdilar. Ovoz berish soat 15:30 da yakunlandi. Saylov barcha tartib-qoidalarga rioya etgan holda shaffoflik asosida bo‘lib o‘tdi.

📊Saylovda ovoz berganlar soni 873 nafarni yoki 95 foizni tashkil etdi. Nomzodlar uchun berilgan ovozlarga ko‘ra saylov natijalarini e’lon qilamiz.

🗳Saylovchilarning 444ta ovozi yoki 50,8 foiz bilan Sardorbek Abdumanabov maktab prezidenti etib saylandi.

🎉Saylovdagi g‘laba bilan Sardorbek Abdumanabovni tabriklaymiz! Bildirilgan yuksak ishonch orqali Sardorni barcha bilim, kuch-qudrat va imkoniyatlarini maktabimiz istiqboli uchun sarflashini tilab qolamiz!

IT-School Presidency

#football #tournament

🏆 AJOYIB YANGILIK 🏆

⚽️ Maktabimizda sog‘lom turmush tarzini targ‘ib qilish, sportga bo‘lgan qiziqishni oshirish va haqiqiy futbol muhitini yaratish maqsadida 5- va 6-sinf o‘quvchilari uchun futbol bo‘yicha musobaqa tashkil qilinmoqda!

⚽️ Musobaqa bo‘lib o‘tadigan kunlar:
5-sinflar — 18-aprel, juma
6-sinflar — 19-aprel, shanba

🏟 Joy: Maktab sport maydoni
⏱ Vaqt: 15:00 dan boshlab

🏆 Keling, bu ajoyib imkoniyatdan foydalanib qoling va sinfingiz kesimida eng yaxshi futbol jamoasi unvonini qo‘lga kiriting.

IT-School Presidency

#football #tournament

⚽️ Har bir jamoa o‘zining birinchi o‘yinlarini o‘tkazganidan so‘ng, Presidency tomonidan o‘tkazilayotgan 5- va 6-sinflar orasidagi musobaqa jadvali ushbu ko‘rinishga keldi.

📆 Turnirning keyingi bosqichlari: chorak final, yarim final hamda final o‘yinlari dushanba kuni, 21-aprel kuni bo‘lib o‘tadi.

🏟 Joy: Maktab sport maydoni
⏱ Vaqt: 15:00dan boshlab

🏆 Keling, birgalikda quyi sinflar o‘rtasida futbol bo‘yicha chempionni birgalikda aniqlaymiz.

IT-School Presidency

#football #tournament

⚽️ IT-School Presidency tomonidan tashkil etilgan 5- va 6-sinflar o‘rtasidagi shiddatli futbol musobaqasi o‘z nihoyasiga yetmoqda!

🏆 Musobaqaning barcha bosqichlarida a’lo o‘yin ko‘rsatib, chempionlik uchun kurashish darajasiga yetib kelgan 5-01 va 6-04 sinflari o‘rtasidagi final uchrashuv 22-aprel, seshanba kuni bo‘lib o'tadi.

⏱️ Vaqt: 15:00
🏟 Joy: Maktab sport maydoni

🥇 Musobaqa o‘zining eng qizg‘in vaqtiga yetib kelar ekan, keling, birgalikda kim chempion unvonini qo‘lga kiritishini guvohi bo‘laylik va o‘yinchilarni qo‘llab-quvvatlaylik!

IT-School Presidency

#presidency #cup #football #tournament

⚽️ Bir nechta ajoyib uchrashuvlar va qizg‘in damlarga boy bo‘lgan 5- va 6-sinflar o‘rtasidagi futbol musobaqasi o‘zining hayajonli bosqichlarini boshdan o‘tkazib, nihoyasiga yetdi!

🥇 Har bir o‘yinchisi o‘zining eng yaxshi mahoratini ko‘rsatgan va mustahkam jamoaviy ruhni namoyish etgan 6-04 sinfi final uchrashuvda 5-01 sinfi ustidan g‘alaba qozondi va chempionlikni qo‘lga kiritdi!

⚡️ 25-aprel sanasida bo‘lib o‘tgan taqdirlash marosimida kubokni ko‘targan g‘olib o‘yinchilarni yana bir bor tabriklab, qolgan barcha ishtirok etgan sinf jamoalariga navbatdagi turnirlarda omad tilab qolamiz!

IT-School Presidency

#itschool #presidency #vacancy #hiring

📢 IT-School Presidency jamoasi maktab hayotida faol ishtirok etishni, tashabbus ko‘rsatishni va haqiqiy o‘zgarishlar qilishni istaydigan yangi a‘zolarni qabul qilmoqda! Agar siz ham ular qatoriga kirmoqchi bo‘lsangiz, ushbu imkoniyatni qo‘ldan boy bermang!

🎯 Quyidagi yo‘nalishlar bo‘yicha o‘quvchilar qabul qilinmoqda:

🔹 Ta’lim va madaniyat departamenti
🔹 Sport departamenti
🔹 O‘quvchilar ishlari departamenti
🔹 Tashqi ishlar departamenti
🔹 IT departamenti
🔹 Media departamenti

🧠 O‘z vazifalariga mas’uliyat bilan yondashuvchi, topshiriqlarni belgilangan vaqtda bajaruvchi va jamoada ishlash ko‘nikmasiga ega bo‘lgan:

8-9-10 sinf o‘quvchilari Umumiy Jamoaga,
5-6-7-sinf o‘quvchilari esa Akademiya Jamoasiga qabul qilinadilar.

📝 Agar siz ham jamoamizga qo‘shilmoqchi bo‘lsangiz batafsil ma’lumot bilan albatta tanishib chiqing va ushbu havola orqali 9-may sanasigacha arizadan o‘tishga ulgurib qoling!

IT-School Presidency

29-MAY – MUHAMMAD AL-XORAZMIY MAKTABIDA “OCHIQ ESHIKLAR KUNI”!

Hurmatli ota-onalar, ustozlar va maktabimizga qiziqish bildirayotgan aziz yurtdoshlar!

🗓 2025-yil 29-may kuni Muhammad al-Xorazmiy nomidagi ixtisoslashtirilgan maktabda “Ochiq eshiklar kuni” bo‘lib o‘tadi.

Bu kun sizga maktab hayoti, o‘quv jarayoni hamda o‘quvchilarga yaratilgan zamonaviy imkoniyatlar bilan bevosita tanishish, shuningdek, sizni qiziqtirgan savollarga to‘g‘ridan-to‘g‘ri javob olish imkoniyatini taqdim etadi.

Tadbir doirasida quyidagilar rejalashtirilgan:
✅ Maktabdagi zamonaviy ta’lim tizimi va o‘qitish metodikasi haqida taqdimot;
✅ O‘quvchilar ishtirokidagi dars mashg‘ulotlari va fan-to‘garaklar asosida tashkil etilgan ko‘rgazmalar;
✅ Ekskursiya orqali maktab binosi, kutubxona, laboratoriyalar, sport zallari, IT xonalari va yotoqxona bilan tanishish;
✅ Maktab ichki tartib-qoidalari, intizomiy talablar va kundalik hayotga oid batafsil ma’lumotlar;
✅ Maktab rahbariyati tomonidan tashrif buyurgan mehmonlar savollariga ochiq va to‘liq javoblar;
✅ 2025–2026 o‘quv yili uchun qabul jarayoni haqida batafsil tushuntirishlar.

📌 “Ochiq eshiklar kuni” — bu maktabimizni yaqindan ko‘rib chiqish, ta’lim, tarbiya va texnologik imkoniyatlarimizni baholash, farzandingiz kelajagi uchun eng to‘g‘ri tanlovni amalga oshirish uchun ajoyib imkoniyatdir.

Sizni ushbu muhim va qiziqarli tadbirda ishtirok etishga taklif qilamiz!
Tashrif buyurishni istagan barcha mehmonlar quyidagi havola orqali oldindan ro‘yxatdan o‘tishlari so‘raladi:

Ro'yxatdan o'tish uchun havola👈
_
Telegram Facebook Instagram Web Youtube Linkedin